بۇل تۋرالى حالىق الدىندا ەسەپ بەرۋ كەزدەسۋى بارىسىندا ەنەرگەتيكا ءمينيسترى نۇرلان نوعاەۆ مالىمدەدى, دەپ حابارلادى مينيسترلىكتىڭ ءباسپاسوز قىزمەتى.
ءمينيستردىڭ ايتۋىنشا, قازىرگى ۋاقىتتا قازاقستاندا كومىرسۋتەك شيكىزاتىن بارلاۋ مەن وندىرۋگە ارنالعان 235 كەلىسىمشارت تىركەلگەن, ونىڭ ىشىندە: «بارلاۋعا» – 54, «بىرلەسىپ بارلاۋ مەن وندىرۋگە» – 96, «وندىرۋگە»– 74, ء«ونىمدى ءبولۋ تۋرالى كەلىسىم» بويىنشا – 11. ۋران بويىنشا 25 كەلىسىمشارت تىركەلگەن.
گەولوگيالىق بارلاۋ جۇمىستارىنا ينۆەستيالاردىڭ كولەمى –158,4 ملرد تەڭگەنى قۇرادى. قازىرگى ۋاقىتتا مينيسترلىك جەر قويناۋىن پايدالانۋشىلاردىڭ عىلىمي-زەرتتەۋ جانە (نەمەسە) تاجىريبەلىك-كونسترۋكتورلىق جۇمىستاردى قارجىلاندىرۋى بويىنشا مىندەتتەمەلەرىن ورىنداۋ جونىندەگى جۇمىستاردى جۇرگىزىپ وتىر.
بۇگىنگى تاڭدا جەر قويناۋىن پايدالانۋشىلاردىڭ عىلىمي-زەرتتەۋ جانە (نەمەسە) تاجىريبەلىك-كونسترۋكتورلىق جۇمىستاردى قارجىلاندىرۋى بويىنشا مىندەتتەمەلەرى جەر قويناۋىن پايدالانۋعا ارنالعان 163 كەلىسىمشارتتا (بارلىعى – 260) كوزدەلگەن.
2019 جىلعى قورىتىندى بويىنشا جەر قويناۋىن پايدالانۋشىلاردىڭ عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى قارجىلاندىرۋى 9,9 ملرد تەڭگەنى قۇرادى.
سونىمەن قاتار جەر قويناۋىن پايدالانۋشىلاردىڭ قازاقستاندىق كادرلاردى وقىتۋدى قارجىلاندىرۋ بويىنشا مىندەتتەمەلەرى جەر قويناۋىن پايدالانۋعا ارنالعان 256 كەلىسىمشارتتا (بارلىعى – 260) كوزدەلگەن. 2019 جىلدىڭ قورىتىندىسى بويىنشا جەر قويناۋىن پايدالانۋشىلاردىڭ قازاقستاندىق كادرلاردى وقىتۋدى قارجىلاندىرۋى 21,0 ملرد تەڭگەنى قۇرادى.
جىل قورىتىندىسى بويىنشا جەر قويناۋىن پايدالانۋشىلاردىڭ ەسەبىنەن 144 مىڭنان استام قازاقستاندىق مامان وقىتۋ, بىلىكتىلىكتى ارتتىرۋ نەمەسە قايتا دايارلاۋ راسىمىنەن ءوتتى.