عارىشتىق زەرتتەۋلەر بويىنشا «عىلىم الەمىن اشامىز» اتتى ءXVى حالىقارالىق جارىستا قىزىلوردا قالاسىنداعى نازارباەۆ زياتكەرلىك مەكتەبىنىڭ 8-سىنىپ وقۋشىسى نۇرجانبەك قۇرمانبەك ەكىنشى ورىن يەلەندى.
بايقاۋدا نۇرجانبەك «ەكولوگيا جانە عارىشتىق قىزمەت» ءبولىمى بويىنشا وبلىستىڭ كليماتتىق جاعدايىندا «فيتوپ» بيولوگيالىق پرەپاراتىنىڭ كۇرىشتىڭ ءوسۋى مەن دامۋىنا اسەرىن تالداۋ ناتيجەلەرىن تانىستىردى. جوبا جەتەكشىسى, بيولوگيا ءپانىنىڭ مۇعالىمى گۇلناز ابدىكامالوۆامەن بىرگە مەكتەپ زەرتحاناسىندا ارنايى تاجىريبە وتكىزگەن ول اتالمىش تىڭايتقىش كۇرىش تۇقىمدارىنىڭ ونىمدىلىگىن 30 پايىزعا ارتتىرۋعا مۇمكىندىك بەرەتىندىگىن دالەلدەگەن. قازىلار جوبانىڭ ماڭىزدىلىعىن جوعارى باعالاپ, جۇلدەلى ەكىنشى ورىنمەن ماراپاتتادى.
پرەپاراتتى قولدانۋ تۇقىمنىڭ ءونۋ ەنەرگياسىن كوبەيتىپ, تامىردى جاقسارتادى جانە ۆەگەتاتسيالىق كەزەڭدە اۋرۋلارعا توزىمدىلىگىن ارتتىرادى. ەڭ باستىسى, بۇعان كوپ شىعىن كەتپەيدى, – دەيدى نۇرجانبەك.
«دارىن» عىلىمي-پراكتيكالىق ورتالىعى ۇيىمداستىراتىن جىل سايىنعى عىلىمي سايىس بيىل العاش رەت بەينەكونفەرەنتسيا فورماتىندا ءوتىپتى. قازاقستان, رەسەي جانە قىرعىزستاننىڭ 143 قاتىسۋشىسى وزدەرىنىڭ عارىش, عارىشتىق تەحنولوگيالار, استروفيزيكا جانە مودەلدەۋ سالالارىنداعى ونەرتابىستارى مەن زەرتتەۋشىلىك تەوريالارىن قورعادى.