بۇل تۋرالى نۇر-سۇلتان قالاسىنىڭ ءبىلىم باسقارماسىنىڭ باسشىسى شولپان قادىروۆا مالىمدەدى.
«2020 جىلدىڭ 18 مامىرىنان باستاپ مەكتەپكە دەيىنگى ۇيىمدار مەنشىك تۇرىنە قاراماستان «كەزەكشى توپ» رەجيمىندە, ءبىرىنشى كەزەكتە, بالانى ۇيدە قالدىرۋعا مۇمكىندىگى جوق اتا-انالار ءۇشىن جانە اتا-انالاردىڭ قالاۋى بويىنشا كۇشەيتىلگەن سانيتارلىق-دەزينفەكتسيالىق رەجيمدى ساقتاي وتىرىپ, ءوز جۇمىسىن قايتا باستادى. مەكتەپكە دەيىنگى ۇيىمدارعا دايىندىققا قاتىساتىن بالالار 1 تامىزعا دەيىن بالاباقشالارعا بارادى», - دەدى ءبىلىم باسقارماسىنىڭ باسشىسى شولپان قادىروۆا.
شولپان قادىروۆا 1 ماۋسىمنان باستاپ بارلىق بالاباقشا مەن قوسىمشا ءبىلىم بەرۋ ۇيىمدارىنىڭ جۇمىسىن شتاتتىق رەجيمدە باستاۋ جوسپارلانىپ وتىرعانىن ايتتى.