2020 جىلعى ماۋسىمدا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆتىڭ حالىققا ەسەپ بەرۋ كەزدەسۋى وتەدى. كەزدەسۋ ونلاين رەجيمدە وتەدى. بۇل تۋرالى مينيسترلىكتىڭ ءباسپاسوز قىزمەتى حابارلادى.
«ورتالىق اتقارۋشى ورگاندار باسشىلارىنىڭ, اكىمدەردىڭ, ۇلتتىق جوعارى وقۋ ورىندارىنىڭ رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋ تۋرالى» پرەزيدەنتتىڭ 2016 جىلعى 5 اقپانداعى № 190 جارلىعىنا سايكەس ءبىرجان بيدايبەك ۇلى نۇرىمبەتوۆ ازاماتتاردى ەلىمىزدە ىسكە اسىرىلىپ جاتقان رەفورمالار, الەۋمەتتىك-ەكونوميكالىق دامۋ, مينيسترلىكتىڭ ستراتەگيالىق جوسپارىنىڭ نەگىزگى كورسەتكىشتەرىنە قول جەتكىزۋ جانە مينيسترلىكتىڭ جەتەكشىلىك ەتەتىن سالالارىنىڭ دامۋى جونىندەگى مىندەتتەر تۋرالى حاباردار ەتەدى.