18-20 مامىر ارالىعىندا «قازمەديا ورتالىعى» عيماراتىنداعى تەلەارنانىڭ 200-گە جۋىق قىزمەتكەرى Covid-19-عا تەكسەرىلدى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.
«ەۋرازيا» ارناسىنىڭ 2 قىزمەتكەرىنەن كوروناۆيرۋس انىقتالدى. ولار ستاتسيوناردا. تەلەارنانىڭ جۇمىسى ەپيدەمياعا قارسى رەجيمگە اۋىستىرىلدى. ارنا باسشىلىعى قىزمەتكەرلەردى بارىنشا قاشىقتان جۇمىس ىستەۋ رەجيمىنە كوشىرۋى قاجەت» دەلىنگەن اكىمدىك تاراتقان حابارلامادا.
سونىمەن قاتار 22 مامىر مەن 7 ماۋسىم ارالىعىندا «قازمەديا ورتالىعى» عيماراتىنا كىرىپ-شىعۋعا شەكتەۋ قويىلادى.
بارلىق سانيتارلىق نورمالاردىڭ قاتاڭ ساقتالۋى قاجەت ەكەندىگى ەسكەرتىلدى. مەديتسينالىق ماسقا كيىپ, قولدى انتيسەپتيكپەن وڭدەۋ, ادامدارمەن اراقاشىقتىقتى ساقتاۋ ماڭىزدى. دەزينفەكتسيالىق قۇرالداردى قولدانا وتىرىپ ۇيدە ىلعالدى تازالاۋ جۇمىستارىن جۇرگىزۋ كەرەك.