اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە تاربيە, الەۋمەتتىك جۇمىستار جانە جاستار ساياساتى دەپارتامەنتى, «پاراسات» ورتالىعى جانە جاستار ءىسى جونىندەگى كوميتەتتىڭ بىرلەسىپ ۇيىمداستىرمەن ءبىلىم بەرۋ جۇيەسىندە سىيبايلاس جەمقورلىقتى بولدىرماۋ ماسەلەلەرىنە ارنالعان «ادالدىق جولىمەن» ونلاين-سەمينارى ءوتتى.
سەمينار جۇمىسىن ۋنيۆەرسيتەت رەكتورى تاكير بالىقباەۆ اشىپ, ءبىلىم ورداسىندا سىيبالىس جەمقورلىقپەن كۇرەس باعىتىندا اتقارىلىپ جاتقان اۋقىمدى جۇمىستارعا توقتالدى. رەكتور ءوز سوزىندە «سىبايلاس جەمقورلىقتىڭ الدىن الۋ جانە بولدىرماۋ جۇمىستارىن كۇشەيتۋ ماقساتىندا ۋنيۆەرسيتەتتە جەمقورلىققا قارسى كۇرەس كەڭەسى قۇرىلىپ, سىبايلاس جەمقورلىققا قارسى ءىس-قيمىل ساياساتىنىڭ تۇجىرىمداماسى قابىلداندى. كەڭەستىڭ ەرەجەسى, جول كارتاسى, ستاندارتى بەكىتىلدى. قازىرگى كۇنى كەڭەس جانىندا ءۇش كوميسسياسى جۇمىس جاساۋدا, دەلىنگەن ۋنيۆەرسيتەتتىڭ ءباسپاسوز قىزمەتىنىڭ مالىمەتىندە.
ۋنيۆەرسيتەتتە 2019 جىلدىڭ 7 قازانىندا «پاراسات» ورتالىعى اشىلعانى بەلگىلى. سونىمەن قاتار, ISO 37001-2016 حالىقارالىق ستاندارتىنىڭ ساپا مەنەدجمەنتى جۇيەسى ەنگىزىلدى. اشىق ۋنيۆەرسيتەت پلاتفورماسىن قۇرۋ ماقساتىندا «رەكتور بلوگى» ۇزدىكسىز جۇمىس جاسايدى. قاشىقتىقتان وقىتۋ ۇدەرىسى بارىسىندا كوكتەمگى ەمتيحان-سەسسيانىڭ ءتيىمدى جۇرگىزىلۋىن قامتاماسىز ەتۋ ءۇشىن ونلاين-تەست, «OES» پروكتورينگ جۇيەسى, G-Suit بۇلتتىق سەرۆيسى مەن «Hangouts Meet» بەينەكونفەرەنتسيا پلاتفورماسى قولدانىسقا ەنگىزىلدى», – دەپ اتاپ كورسەتىپ, جاستار اراسىندا ادال جانە پاراساتتى ورتانى قالىپتاستىرۋ ماقساتىندا اتقارىلىپ جاتقان شارالارعا توقتالىپ ءوتتى.
سەميناردىڭ باستى سپيكەرى, رەسپۋبليكالىق «سانالى ۇرپاق» جوبالىق كەڭسەسىنىڭ جەتەكشىسى قايىرجان توكۋشەۆ «پروفيلاكتيكا كوررۋپتسي: پروبلەمى ي پۋتي رەشەنيا» تاقىرىبىنداعى بايانداماسىن قاتىسۋشىلار نازارىنا ۇسىنىپ, ءبىلىم بەرۋ جۇيەسىندە سىبايلاس جەمقورلىقتىڭ الدىن الۋ تەتىكتەرى مەن جولدارىن ايقىنداپ بەردى. سپيكەر ءبىلىم بەرۋ سالاسىنداعى جەمقورلىقتى جويۋ جانە سىبايلاس جەمقورلىق كورىنىستەرىنە توزبەيتىن ورتانى قالىپتاستىرۋ بويىنشا بىرقاتار تاسىلدەردى ۇسىندى. ءبىلىم وردامىزدا جەمقورلىقتىڭ الدىن الۋ باعىتىندا اتقارىلىپ جاتقانا مازمۇندى شارالارعا ەرەكشە توقتالىپ, ۋنيۆەرسيتەت تاجىريبەسىن ەلىمىزدىڭ جوو ەنگىزۋ قاجەتتىگىن ايتتى.
شارا قاتىسۋشىلارى: ۋنيۆەرسيتەتتىڭ ءبىرىنشى پرورەكتورى ماقتاعالي بەكتەمەسوۆ, تاربيە جۇمىسى جانە الەۋمەتتىك دامۋ جونىندەگى پرورەكتور جاناتبەك ىشپەكباەۆ, «پاراسات» ورتالىعىنىڭ ديرەكتورى قامبار ۋسيپوۆ سىبايلاس جەمقورلىقپەن كۇرەستىڭ قۇقىقتىق نەگىزدەرىن سيپاتتاپ, ءبىلىم بەرۋ سالاسىندا جەمقورلىق تاۋەكەلدەرىن تومەندەتۋ, جاستاردىڭ بويىندا جەمقورلىققا قارسى مادەنيەتتى قالىپتاستىرۋ بويىنشا ءوز ويلارىن ورتاعا سالدى.
ءسوز كەزەگىن العان سوربوننا-قازاقستان ينستيتۋتىنىڭ ديرەكتورى, «ىزگىلىك ەلشىسى» ەرىكتىلەر جوباسىنىڭ باستى ۇيلەستىرۋشىسى اينۋر سابيتوۆا ۋنيۆەرسيتەت قابىرعاسىنان باستاۋ الىپ, قازىرگى كۇنى ەلىمىزدىڭ 17 وڭىرىندە قانات جايعان «ىزگىلىك ەلشىسى» جوباسىنىڭ پاراساتتى قوعامدى قالىپتاستىرۋ جولىنداعى اۋقىمدى جۇمىستارىن تىلگە تيەك ەتتى.
شارا قوناعى الماتى قالاسى ستۋدەنتتەر اليانسىنىڭ توراعاسى جاسۇلان قۋاندىق جەمقورلىق پەن قۇقىقبۇزۋشىلىققا قارسى نولدىك توزىمدىلىكتى قالىپتاستىرۋ باعىتىندا قالا جاستارىمەن اتقارىلىپ جاتقان جۇمىستارعا توقتالىپ ءوتتى.
«مانساپ» ورتالىعىنىڭ باسشىسى راقىمبەردى جەتىباي ءبىتىرۋشى تۇلەكتەردى جۇمىسقا ورنالاستىرۋدىڭ وڭتايلى تاسىلدەرىن ۇسىنىپ, كومەكشى قۇرال رەتىندە «Mansap» موبيلدىك قوسىمشاسىمەن تانىستىرىپ ءوتتى.
ۋنيۆەرسيتەت جاستارى اتىنان پىكىر بىلدىرگەن فيلولوگيا جانە كوپتىلدى ءبىلىم بەرۋ ينستيتۋتىنىڭ 1 كۋرس ستۋدەنتى تاحاەۆا ايسانا جەمقورلىقپەن كۇرەس جۇمىسىنا ءوز ۇلەسىن قوساتىندىعىنا سەنىم ءبىلدىرىپ, بارشا جاستاردى اكادەميالىق ادالدىق پرينتسيپتەرىن ۇستانۋعا شاقىردى.
ۋنيۆەرسيتەتتىڭ جاستار ءىسى جونىندەگى كوميتەت توراعاسى, شارا مودەراتورى دىلدابەك ديداربەك جاستاردىڭ سىبايلاس جەمقورلىق كورىنىستەرىنە جانە سىبايلاس جەمقورلىققا قاتىستى قۇقىق بۇزۋشىلىقتارعا بارىنشا قارسى تۇرىپ, ادال جانە تازا قوعامدى قالىپتاستىرۋعا وزىندىك ۇلەستەرىن قوسۋ قاجەتتىگىن ايتىپ, سەمينار جۇمىسىن قورىتىندىلادى.