فرانتسۋزدىڭ بەلگىلى اكتەرى جەرار دەپاردە سوڭعى جىلدارى پوستكەڭەستىك ەلدەرگە, سونىڭ ىشىندە قازاقستانعا ءجيى كەلىپ ءجۇر. ول ءتىپتى وسى ۋاقىتتاردا رەسپۋبليكامىزدا تۇسىرىلگەن فيلمدە باس كەيىپكەرلەردىڭ ءبىرىنىڭ ءرولىن سومداپ تا ۇلگەردى. ەندى ەلىمىزگە ءجيى كەلەتىن مەيمانىمىز قازاق اۋىز ادەبيەتى تۋرالى ءوز كارتيناسىن تۇسىرمەكشى ەكەن.
فرانتسۋزدىڭ بەلگىلى اكتەرى جەرار دەپاردە سوڭعى جىلدارى پوستكەڭەستىك ەلدەرگە, سونىڭ ىشىندە قازاقستانعا ءجيى كەلىپ ءجۇر. ول ءتىپتى وسى ۋاقىتتاردا رەسپۋبليكامىزدا تۇسىرىلگەن فيلمدە باس كەيىپكەرلەردىڭ ءبىرىنىڭ ءرولىن سومداپ تا ۇلگەردى. ەندى ەلىمىزگە ءجيى كەلەتىن مەيمانىمىز قازاق اۋىز ادەبيەتى تۋرالى ءوز كارتيناسىن تۇسىرمەكشى ەكەن.
بۇل نيەتىنىڭ قانشالىقتى دارەجەدە جۇزەگە اساتىنىن الداعى ۋاقىت كورسەتەر, دەگەنمەن, فرانتسۋز كينوسى جۇلدىزىنىڭ جاقىندا بايقوڭىرعا كەزەكتى عارىش كەمەسىنىڭ ۇشىرىلعانىن كورۋگە كەلگەن ساپارىنىڭ سوڭىندا قىزىلوردا وبلىسىنىڭ اكىمى قىرىمبەك كوشەرباەۆقا سول تۋرالى ايتقان.
«بۇل وي ماعان تاپ وسى جەردە, قورقىت اتا مەموريالىنىڭ جانىندا كەلدى. وسىندا تۇرعاندا, الدەقانداي ءبىر كۇش-قۋاتتىڭ بويىما كەلىپ, قۇيىلىپ جاتقانىن جاقسى سەزىندىم. وسىدان ءۇش جىل بۇرىن مەن قازاقستان پرەزيدەنتىمەن پاريجدە كەزدەسكەن ەدىم. سوندا مەن وسىنداي فيلم ءتۇسىرۋ جونىندەگى يدەيامنىڭ بار ەكەنىن ايتقانمىن. بۇل ويىم مەملەكەت باسشىسىنا قاتتى ۇنادى», دەگەن اڭگىمەسىندە.
مۇرات ايتقوجا.