ءبىلىم جانە عىلىم ءمينيسترى اسحات ايماعامبەتوۆ ونلاين وتكەن ءباسپاسوز ءماسليحاتىندا جاڭا وقۋ جىلى قانداي فورماتتا باستالۋى مۇمكىن ەكەنىن ايتتى.
«قاشىقتان وقىتۋ ۋاقىت تالابى ەكەنىن تۇسىنەمىز. بۇل تاقىرىپ ۇيدە ءبىلىم الاتىن بالالارعا, سونداي-اق قىستا اۋىلدىق ەلدى مەكەندەردە جول اشىلماعاندا وقۋدان قالعان بالالارعا قاتىستى. وسى ورايدا ءتۇرلى جاعداي بولىپ جاتادى. سايكەسىنشە, بۇل جاعدايلاردا زاماناۋي تەحنولوگيالاردى كومەگى ءتيىپ, ءبىلىم بەرۋ پروتسەسىنە قولداۋ جاسالادى. الايدا بۇل 1 قىركۇيەكتەن قاشىقتان وقۋعا كوشىرۋدى بىلدىرمەيدى», - دەدى اسحات ايماعامبەتوۆ.
ءمينيستردىڭ ايتۋىنشا, پەداگوگتار, مينيسترلىك, اتا-انالار مەن وقۋشىلاردىڭ وزدەرى ءداستۇرلى فورماتتا وقىتۋ ءتيىمدى ءارى ىڭعايلى ەكەنىن ءتۇسىنىپ وتىر.