نۇر-سۇلتاندا بيىل قۇرىلىس قالدىقتارىن ورتالىقتاندىرىلعان جيناۋ جانە قايتا وڭدەۋ ءۇشىن پوليگون قۇرىلىسى باستالادى. بۇل تۋرالى ەلوردا اكىمىنىڭ ورىنباسارى التىنبەك قايساعاليەۆ حابارلادى.
«قالا شەتىندە قوقىس ءۇشىن رۇقسات ەتىلمەگەن ورىندار بايقالۋدا. قۇرىلىس كومپانيالارى سول جەرگە زاڭسىز قوقىس توگۋدە. وعان قوسا قىستان سوڭ قارمەن بىرگە قۇرىلىس قوقىستارى شىعارىلعانى انىقتالۋدا. قازىر قوقىس شىعارۋدامىز. كاسىپورىنداردان باسقا, پاتەرلەرگە جوندەۋ جۇرگىزگەن قالا تۇرعىندارىنىڭ وزدەرى قوقىس شىعاردى. رۇقسات ەتىلمەگەن جەرلەر ەكولوگيالىق جاعدايدى ناشارلاتادى. ەكولوگيالىق پوليتسيا وسىنداي زاڭسىز ارەكەتتەر ءۇشىن ءتارتىپ بۇزۋشىلارعا ايىپپۇل سالادى. تازالىق مادەنيەتىن قالىپتاستىرۋ قاجەت» دەدى قالا اكىمىنىڭ ورىنباسارى التىنبەك قايساعاليەۆ.
قالا اكىمىنىڭ ورىنباسارى ەلوردادا قۇرىلىس قالدىقتارىنا ارنالعان پوليگون سالۋ قاجەتىن اتاپ ءوتتى. اكىمدىك پوليگون جوباسىن ازىرلەدى. قازىر ورنى انىقتالۋدا.
بۇعان دەيىن ەلوردا اكىمى التاي كولگىنوۆ ەكولوگيالىق پوليتسيا مەن اۋدان اكىمدەرىنە ەسكەرتۋ جاساپ, زاڭسىز قوقىس شىعارۋعا جول بەرمەۋدى جانە قۇرىلىس قالدىقتارىن شىعارۋ ورنىن انىقتاۋدى تاپسىردى.