الەمدى الەككە سالعان ىندەت سوڭعى ەكى ايدا ءبىزدىڭ ەلدىڭ تۇرعىندارىن دا ەسەڭگىرەتىپ تاستاعانى راس. حالىق توتەنشە جاعداي رەجىمىن دە كوردى. كوندى. اللاعا شۇكىرشىلىك, ەندى توتەنشە جاعداي رەجىمى اياقتالدى. بىراق كارانتين جالعاسۋدا. بۇل نەنى اڭعارتادى؟ بۇل ىندەتتىڭ بەتى ءالى قايتپاعانىن, ساقتىق شارالارىنىڭ ءالى دە قاجەت ەكەنىن بىلدىرەدى.
پرەزيدەنت قاسىم-جومارت توقاەۆ توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا كارانتيندىك شەكتەۋلەر ءار وڭىردەگى جاعدايدىڭ جاقسارۋىنا قاراي بىرتىندەپ الىناتىنىن ايتتى. قالعانى حالىقتىڭ ءوز قولىندا. قازىردىڭ وزىندە 1 ميلليون 100 مىڭنان استام ازامات جۇمىسقا شىقتى. كوپتەگەن سالانىڭ قىزمەتى قالپىنا كەلە باستادى. ەندىگى تىرشىلىكتە ءتارتىپ پەن تازالىق اۋاداي قاجەت. قازىر كەز كەلگەن وتباسىنا قيىن بولىپ تۇر. قاتىناس جوق. شارۋالار تۇرالاپ تۇر. الىستاعى بالا-شاعا, نەمەرەلەرمەن قاتىناس توقتاتىلدى.
دەگەنمەن قيىن ساتتەردە مەملەكەت ءوز تۇرعىندارىنا قولۇشىن سوزدى, دەمەۋ كورسەتتى. 4,5 ميلليوننان استام ادامعا 42500 تەڭگە كولەمىندە قارجىلاي كومەك كورسەتىلسە, 1 ميلليوننان استام ازاماتقا ازىق-ت ۇلىك پەن تۇرمىستىق زاتتار ۇلەستىرىلدى. ياعني مەملەكەت ەشكىمدى قامقورلىقسىز قالدىرعان جوق. تۇرعىندارعا تەك تولەم جاعىنان عانا ەمەس, تۇرمىستارىنىڭ تۇزەلۋى ءۇشىن دە جان-جاقتى كومەك قاراستىرىلۋدا. سونىڭ ىشىندە, اسىرەسە, تۇرعىن ءۇي باعدارلاماسىنا جەڭىلدىكتەر ەنگىزىلگەنى كوپشىلىكتى قاتتى قۋانتتى.
ارينە, اۋىلدىق جەرلەردە تۇراتىندار ونلاين-قىزمەت الۋدا قيىندىققا تاپ بولعانى بەلگىلى. دەگەنمەن دە مۇنىڭ ءبارى – ۋاقىتشا قيىندىق. توتەنشە جاعداي توقتاتىلدى دەپ بوساڭسىپ كەتۋگە بولماس. ساقتىق شارالارىن قاتاڭ ۇستاپ, بەتپەردە مەن انتيسەپتيكتى ۇنەمى قولدانىپ, قولعاپ كيىپ, قوعامدىق جەرلەرگە بارعاندا قاشىقتىقتى ساقتاعان ابزال. بۇل ارينە ءوزىڭنىڭ جانە وتباسىڭنىڭ, اينالاڭداعى ادامداردىڭ اماندىعى ءۇشىن كەرەك.
وسىنىڭ بارلىعىن اللانىڭ سىناعى دەپ قابىلداۋ قاجەت. اتالعان ىندەت ەلگە دە, ەلدىڭ ەكونوميكاسىنا دا زاردابىن تيگىزبەي قويمايتىنى ءمالىم. سوندىقتان ونىڭ ەكىنشى كەزەڭى باستالىپ كەتپەۋىن ويلاساق, ءوزىمىزدىڭ اماندىعىمىزعا جاۋاپكەرشىلىكپەن قارايىق.
تۇرسىن قومشابايقىزى,
زەينەتكەر ۇستاز
پاۆلودار