قۇرىلىس كومپانيالارىنا ەلوردانىڭ شەتكى اۋماقتارىنا زاڭسىز قوقىس شىعارعاندارعا ايىپپۇل سالىنادى. قالا اكىمى التاي كولگىنوۆ ءتيىستى جۇمىستى ىستەمەگەن اۋدان اكىمدەرى مەن ەكولوگيالىق پوليتسەيلەرگە ەسكەرتۋ جاسادى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.
«ناقتى ورىنداردى بەلگىلەپ, بارلىعىنا قۇرىلىس قالدىقتارىن قايدا شىعارۋ كەرەگىن ءتۇسىندىرۋ قاجەت. اۋدان اكىمدەرى ەكولوگيالىق پوليتسيامەن بىرلەسىپ, ءوز اۋماقتارىڭىزدى ارالاپ, اۋداندارىڭىزدى قاداعالاڭىزدار! ءتارتىپسىز ازاماتتار قۇرىلىس قوقىستارىن رۇقسات ەتىلمەگەن جەرگە جيناۋدا. قۇرىلىس كومپانيالارىن ول ءۇشىن جازاعا تارتۋ كەرەك», – دەدى ەلوردا اكىمى التاي كولگىنوۆ.
وسىلايشا ەكولوگيالىق پوليتسيا مەن اۋدان اكىمدەرىنە باقىلاۋدى كۇشەيتىپ, قۇرىلىس قوقىستارىن زاڭسىز توگۋگە جول بەرمەۋ تۋرالى تاپسىرما بەرىلدى.