پەتروپاۆل نان-توقاش كومبيناتى بىرنەشە كۇننەن بەرى ءوز ءونىمدەرىن جۇرتشىلىققا قولجەتىمدى باعاعا ۇسىنىپ كەلەدى. جشس باسشىلىعى 600 گرامدىق ءبىرىنشى سۇرىپتى ناندى 5 تەڭگەگە دەيىن ارزانداتا ءبىلدى. وزگە نان-توقاش ونىمدەرىنىڭ باعاسى دا كەمىدى.
وبلىستا وندىرىلەتىن نان ونىمدەرىنىڭ 80 پايىزعا جۋىعى وسى كومبيناتتىڭ ۇلەسىندە. كۇنىنە 30 تونناعا جۋىق نان-توقاش جانە 3 توننادان استام كونديتەر ونىمدەرى ساۋدا ورىندارىنا جونەلتىلەدى. وبلىستان شەتكەرى جەرلەردەن دە سۇرانىس از ەمەس. “نان-پليۋس” ارنايى فيرمالىق دۇكەندەر اشىلعالى ءونىمنىڭ ساپاسى ارتىپ, قىزمەت كورسەتۋ مادەنيەتى جەتىلە ءتۇستى. بۇگىندە سەرىكتەستىكتە 600-دەي ادام ەڭبەك ەتەدى. ولاردىڭ ءبارى تۇراقتى جۇمىسپەن قامتىلعان. كاسىپورىن ۇن تارتۋمەن دە اينالىسىپ, تابىس تابۋدىڭ بارلىق مۇمكىندىكتەرىن قاراستىرىپ وتىر.
ءومىر ەسقالي.
سولتۇستىك قازاقستان وبلىسى.