بۇگىن پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن وتكەن كوروناۆيرۋس ينفەكتسياسىنىڭ پايدا بولۋىنا جانە تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ كەزەكتى وتىرىسىندا قازىرگى ەپيدەميولوگيالىق احۋال ماسەلەلەرى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
دەنساۋلىق ساقتاۋ ءمينيسترى ە. ءبىرتانوۆ ءوز مالىمدەمەسىندە سانيتاريالىق-ەپيدەميولوگيالىق تالاپتاردى قاتاڭ ساقتاۋ قاجەتتىلىگىنە توقتالدى. سەبەبى قارانتين شارالارىن جەڭىلدەتۋ كەيبىر وڭىرلەردە اۋرۋدى جۇقتىرۋ سانىن كوبەيتىپ وتىر.
وسىعان وراي, وڭىرلەردە قىزمەتىنە قايتا كىرىسكەن وبەكتىلەردە سانيتاريالىق تالاپتاردىڭ ورىندالۋىنا قاتاڭ باقىلاۋ ۇيىمداستىرۋ تاپسىرىلدى.
تەك نۇر-سۇلتان قالاسىندا جۇرگىزىلگەن تەكسەرىس جۇمىستارى بارىسىندا سانيتاريالىق تالاپتاردى ورىنداماعانى جانە بۇزعانى ءۇشىن 15 قۇرىلىس نىسانىنىڭ قىزمەتى انىقتالعان كەمشىلىكتەردى ورنىنا كەلتىرگەنىنە توقتاتىلدى.
سونىمەن قاتار قولايلى ەپيدەميولوگيالىق جاعدايدى ەسكەرە وتىرىپ, ۆەدومستۆوارالىق كوميسسيانىڭ شەشىمىمەن 2020 جىلعى 20 مامىردان باستاپ نۇر-سۇلتان مەن پەتروپاۆل قالالارىندا ساۋدا-ويىن-ساۋىق ورتالىقتارىنىڭ (ويىن-ساۋىق الاڭدارى, فۋدكورتتار, كينوتەاترلار ىسكە قوسىلمايدى), قوعامدىق مونشالاردىڭ قىزمەتىن ىسكە قوسۋ تۋرالى شەشىم قابىلداندى.
رەسەي فەدەراتسياسىنان 1 مىڭداي قازاقستان ازاماتىن, ونىڭ ىشىندە سول جاقتا وقيتىن ستۋدەنت جاستارىمىزدى ەلگە قايتارۋ ماسەلەسى قارالدى.
وتىرىس قورىتىندىسى بويىنشا پرەمەر-ءمينيستردىڭ ورىنباسارى ە. توعجانوۆ بىرنەشە ناقتى تاپسىرما بەردى.