قۇجات دايىنداۋ ۇدەرىسى اشىق بولدى

جوعارعى پالاتا ۇسىنعان وزگەرتۋلەر ىشىندە ازاماتتاردىڭ بەيبىت جيىن وتكى­زۋ قۇقىعىن قولدايتىن, ميتينگىلەر ۇيىم­داستىرۋ ءتارتىبىن جەڭىلدەتەتىن نورمالار بار. ەڭ الدىمەن, سەناتورلار جيىن وتەتىن ار­نايى ورىنداردىڭ سانىن جۇيەلەندىرۋدى ۇسىندى. ولار ارنايى ورىندار سانى ءار اۋداندا ۇشەۋدەن كەم بولماۋى كەرەك دەگەن ۇستانىمدارىن ءبىلدىردى. وسىلايشا, نۇر-سۇلتان, شىمكەنت قالالارىندا ميتينگ وتكىزۋگە ارنالعان جەرلەر 12-دەن كەم بولماسا, الماتى قالاسىندا 24 الاڭ بولماق.

ەكىنشىدەن, ميتينگ ۇيىمداستى­رۋشىلاردىڭ مىندەتتەرىن قايتا قاراۋدى ۇسىندى. ولاردىڭ ايتۋىنشا, جاۋاپتىلاردىڭ مىن­دەتتەرى جوبادا قاراستىرىلعان 13 بولىمنەن 10-عا دەيىن قىسقارتىلۋى كەرەك. اسىرەسە جيىنعا قاتىسۋشىلاردىڭ بەتتەرىن بۇركەمەلەۋ مۇمكىندىگىن شەكتەۋدى الىپ تاستاۋدى تالاپ ەتىپ وتىر. كەرىسىنشە بۇگىنگىدەي كارانتين جاعدايىن ەسكەرە وتىرا, ۇيىمداستىرۋشىلار مەن ميتينگكە قاتىسۋشىلارعا جەكە باسىنىڭ ساقتىعى ماقساتىندا ماسكالار سياقتى سانيتارلىق قۇرالدارعا رۇقسات بەرۋ كەرەك دەيدى.

جالپى, «قازاقستان رەسپۋبليكاسىندا بەيبiت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسى قوعام­دىق تالقىلاۋ مەن كەلىسىمنەن ءوتتى. زاڭ كونتسەپتسياسىنىڭ تانىستىرىلىمى ماقسا­تىندا رەسپۋبليكانىڭ ايماقتارىندا قوعام­دىق تالقىلاۋلار ۇيىمداستىرىلدى. ءماجىلىستىڭ جۇمىس توبىنا قوعام قايرات­كەر­لەرى اتسالىسىپ, ۇلتتىق قوعامدىق سەنىم كەڭەسىنىڭ مۇشەلەرى دە بوي كورسەتتى. زاڭ جوباسى حالىقارالىق ۇيىمدار تاراپىنان جاقسى باعالاندى. اسىرەسە نۇر-سۇلتانداعى ەقىۇ باعدارلامالار ءوفيسىنىڭ باسشىسى دەرد سابو جوبانىڭ جاسالۋ پروتسەسى مەيلىنشە ديسكۋسسياعا اشىق بولعانىن ايتىپ, وڭ كوزقاراس تانىتتى.

جانار تولەندينوۆا,

ساياساتتانۋشى