بۇل توپتامادا ءبىر كۇندە دۇنيەجۇزىندە بولعان تابيعي اپاتتى جاعدايلاردى جاريالاپ وتىرامىز. 12 مامىردا بولعان ءىرى وقيعالار:
رەسەيدىڭ چيتا قالاسىندا جىلدامدىعى شامامەن 25-35م/س بولاتىن قاتتى جەل بولدى. سالدارىنان ۇيلەردىڭ شاتىرى ب ۇلىنگەن, اعاشتار مەن ەلەكتر جارىعى تارتىلعان باعاندار قۇلاپ, ەدەكتر جەلىلەرىندە اپات بولعان. سينوپتيكتەر 13 مامىردىڭ ەكىنشى جارتىسى مەن 14 مامىردا زابايكال ولكەسىندە جىلدامدىعى 30م/س بولاتىن قاتتى جەل بولادى دەپ بولجاۋدا.
ۋكراينانىڭ كولومىيا قالاسىندا الاپات داۋىل سوقتى. قۇمدى داۋىلدان كوشەدەگى جولدار كورىنبەي, ەكى كولىك سوقتىعىستى. زارداپ شەككەندەر جوق. قالادا قاۋىپتىڭ سارى دەڭگەيى جاريالاندى.
فەدەراتيۆتى سومالي رەسپۋبليكاسىنىڭ حيران اۋدانىنداعى بەلەدۆەين قالاسىندا كوپ مولشەردە نوسەر جاڭبىر جاۋدى. جاڭبىر سۋىنىڭ كوپتىگىنەن شابەللە وزەنىنىڭ سۋ دەڭگەيى كوتەرىلىپ, جەرگىلىكتى جەردە سۋ تاسقىنى بولدى. 1000-عا جۋىق بالالار مەن ولاردىڭ وتباسىلارى ءۇيسىز قالدى. 200-دەن اسا ادام ەۆاكۋاتسيالاندى. 27 اۋداننىڭ 16 ادامى قايتىس بولدى.
پريبالتيكادا, رەسەيدىڭ سولتۇستىك-باتىس اۋداندارىندا, ليتۆا جانە لاتۆيادا قار جاۋدى. لاتۆيالىق باۋسك جانە داۋگاۆپيلس قالالارىندا جاۋعان قار ەل تاريحىنداعى ەڭ كەش جاۋعان قار وقيعاسى بولىپ تىركەلدى.
رەسەيدىڭ سولتۇستىك باتىس اۋداندارىندا سۋىق اتموسفەرالىق فرونتتىڭ وتۋىنە بايلانىستى كۇن سۋىتتى. كالينينگراد, لەنينگراد, پسكوۆسك, نوۆگورود سىندى بىرقاتار وبلىستىڭ اۋداندارىندا قار جاۋدى.
تىنىق مۇحيتىنىڭ وڭتۇستىگىندەگى سانتا-كرۋس ارالىندا ماگنيتۋداسى 6,6 بولاتىن جەر سىلكىنىسى بولدى. ەپيتسەنترى لاتا قالاسىنىڭ وڭتۇستىك شىعىسىنداعى نەندو ارالىنان 173 كم جەردە, ال گيپوتسەنترى 112 كم تەرەڭدىكتە ورنالاسقان.
بۋرياتيادا قاتتى داۋىل بولدى. 12 مامىردىڭ ەكىنشى جارتىسىندا رەسپۋبليكادا قاتتى جەل سوقتى. جەل سوسنوۆو-وزيورسكوە اۋىلى مەكتەبىنىڭ شاتىرىن ۇشىرىپ اكەتكەن. سونداي-اق باسقا دا عيماراتتارعا زاقىم كەلگەن.
يندونەزيانىڭ چيكۋمپاي پۋرۆاكارتا اۋىلىنداعى پلاستيكالىق بۇيىمدار شىعاراتىن زاۋىتتا ءورت بولدى. ءتىلسىز جاۋ 10 ءورت ءسوندىرۋشى كولىكتەردىڭ كۇشىمەن 6 ساعاتتان كەيىن سوندىرىلگەن. زاۋىتتىڭ 2 جۇمىسشىسى قايتىس بولدى.