دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا بويىنشا ايماقتىق ديرەكتورى حانس كليۋگە قازاقستاننىڭ ۆيرۋسپەن كۇرەستەگى جۇمىسىن جوعارى باعالادى.
ول Twitter پاراقشاسىنداعى جازباسىندا قازاقستاننىڭ ۆيرۋسپەن كۇرەسى بەلسەندى ارەكەتتىڭ ۇزدىك ۇلگىسى ەكەنىن اتاپ ءوتتى.
«قازاقستاننىڭ COVID-19 دەرتىمەن كۇرەستە اتقارعان جۇمىسى بەلسەندى ارەكەتتىڭ ۇزدىك ۇلگىسى. كۇشتى باقىلاۋ, دەنساۋلىق ساقتاۋ سالاسىنىڭ قىزمەتكەرلەرىن قوسقاندا اۋقىمدى تەستىلەۋ, دەرەكتەردى تسيفرلىق جيناۋ, بايلانىستا بولعانداردى ۋاقىتىندا انىقتاپ, باقىلاۋعا الۋ, ناۋقاستاردى ءتيىستى ەمدەۋ جانە زەرتتەۋ» دەپ جازدى حانس كليۋگە.