مەملەكەت باسشىسى قاسىم-جومارت كەمەل ۇلى توقاەۆتىڭ «Egemen Qazaqstan» گازەتىنە بەرگەن سۇحباتى قازىرگىدەي كوروناۆيرۋس ىندەتى جەر-جاھاندى شارپىپ وتىرعان الەمدىك داعدارىس كەزىندە ەلىمىزدى سول قيىندىقتاردان سۇرىندىرمەي الىپ شىعۋعا باعىتتالعان باعدارلامالىق سۇحبات بولدى دەسەك اسىرا ايتقانىمىز ەمەس.
بۇل سۇحبات پرەزيدەنتتىڭ جۋىرداعى قازاقستان حالقىنا جاساعان مالىمدەمەسىمەن ساباقتاسىپ, ونى تولىقتىرا ءتۇستى دەۋگە نەگىز بار. سونداي-اق مۇندا پرەزيدەنتتىڭ باسشىلىعىمەن ەلىمىزدە ءبىر جىل ىشىندە اتقارىلعان جۇمىستاردىڭ قورىتىندىسى ەل نازارىنا ۇسىنىلىپ وتىر.
پرەزيدەنت اتاپ وتكەندەي, پاندەميا الەم حالقىنا, ونىڭ ىشىندە ءبىزدىڭ قازاقستان جۇرتشىلىعىنا دا ۇلكەن سىناق بولدى. «ىندەتتىڭ سالدارىنان دۇنيە جۇزىندە ەكونوميكالىق بەلسەندىلىك كۇرت تومەندەگەنىن كورىپ وتىرسىزدار.
...ارينە, مۇنداي داعدارىستان كەيىن ەكونوميكانى قالپىنا كەلتىرۋ وڭايعا تۇسپەيدى. شۇعىل ارەكەت ەتپەسە, الەمدىك رەتسەسسيا كۇردەلەنە بەرمەك. سوندىقتان شاماسى جەتەتىن ەلدەر ءوز ازاماتتارىنا قولداۋ كورسەتۋ ءۇشىن ناقتى جۇمىستار جۇرگىزۋدە», دەيدى ق.توقاەۆ وسى سۇحباتىندا.
مەملەكەت باسشىسى قازاقستاندا داعدارىسقا قارسى شارالار كەشەندى تۇردە جاسالىپ جاتقانىن اتاپ ءوتتى. بۇل شارالار ەكونوميكا جانە بانك سەكتورىن دامىتۋمەن بىرگە الەۋمەتتىك ماڭىزدى باعىتتاردى قامتيدى. بىرىنشىدەن, 4,2 ميلليون ادامعا 42 500 تەڭگەدەن ارنايى كومەك پەن 1 ملن-عا جۋىق جانداردى ازىق-ت ۇلىكپەن جانە قاجەتتى زاتتارمەن قامتاماسىز ەتۋ وسى كەزەڭدە جۇمىسسىز قالعان جانە مۇقتاج كىسىلەرگە ۇلكەن كومەك بولدى.
ەكىنشىدەن, ەكونوميكانىڭ ءتۇرلى سالالارى مەن كاسىپكەرلىكتى قولداۋعا ۇلكەن كۇش سالىنۋدا. «قاراپايىم زاتتار ەكونوميكاسى» باعدارلاماسىنا بولىنگەن 1 تريلليون تەڭگە جاڭا جوبالاردى قايتا قارجىلاندىرۋعا, جەڭىلدىك شارتتارى مەن نەسيە بەرۋگە جۇمسالاتىن بولدى. ءبىر جارىم ميلليوننان استام كاسىپكەردىڭ سالىقتار مەن مىندەتتى تولەمدەر مەرزىمى ۇزارتىلىپ, نەسيەسىن قايتارۋ مەرزىمىن كەيىنگە شەگەرۋ توتەنشە جاعداي كەزىندەگى قىزمەتتەرى تۇرىپ قالعان كىشى جانە ورتا بيزنەسكە ۇلكەن كومەك.
ۇشىنشىدەن, ەلىمىزدىڭ ەكونوميكاسىندا ەرەكشە ورىن الاتىن اۋىل شارۋاشىلىعىنا باستى نازار اۋدارىلۋدا. پرەزيدەنت بۇگىنگى كۇنى باستى مىندەت ەگىس ناۋقانىن ۋاقتىلى وتكىزۋگە قاجەتتى جاعداي جاسالعانىن كورسەتتى. بۇل باعىتقا 200 ملرد تەڭگە, ونىڭ 70 ملرد تەڭگەسى تۇقىم ءوندىرىسىن دامىتۋعا, تىڭايتقىش ساتىپ الۋعا بولىنگەنى ديقاندار مەن شارۋا قوجالىقتارىنا كوپ جەڭىلدىك بەرەتىن بولدى.
سۇحباتتا ايتىلعان بانك جۇيەسىن قولداۋ, تەڭگە باعامىن تۇراقتاندىرۋ, حالىقتى ازىق-ت ۇلىكپەن, باسپانامەن قامتاماسىز ەتۋدى جاقسارتۋ, سارابدال سىرتقى ساياسات جۇرگىزۋ ارقىلى حالىقارالىق قاتىناستاردى دامىتۋ سياقتى وزەكتى ماسەلەلەر ەلىمىزدىڭ ستراتەگيالىق دامۋىنىڭ باسىمدى باعىتتارىن ىسكە اسىرۋدى ايقىن ايعاعىن كورسەتەدى.
مەملەكەت باسشىسى پاندەميامەن كۇرەسىپ جۇرگەن مەديتسينا قىزمەتكەرلەرىنە جاسالىپ وتىرعان قولداۋ-كومەك تۋرالى دا ناقتى ايتتى. توتەننەن كەلگەن ىندەت دەنساۋلىق ساقتاۋ جانە مەديتسينا عىلىمى سالاسىندا شەشىمىن كۇتكەن كوپتەگەن وزەكتى ماسەلەنىڭ بار ەكەنىن كورسەتتى. ءبىرىنشى كەزەكتە مەديتسينا قىزمەتكەرلەرىنىڭ مارتەبەسىن ارتتىرۋ, دارىگەرلەرگە بەرىلەتىن الەۋمەتتىك كەپىلدىك اياسىن كەڭەيتىپ, ىنتالاندىرۋ جۇيەسىن جەتىلدىرۋ قاجەت. ەكىنشىدەن, ەلىمىزدە مەديتسينالىق-بيولوگيالىق زەرتتەۋلەرگە ەرەكشە كوڭىل ءبولىنۋى ءتيىس. وسىلايشا پرەزيدەنت ق.توقاەۆ دەنساۋلىق ساقتاۋ ايبىندى اسكەرمەن بىرگە مەملەكەتتىڭ نەگىزگى قالقانى, ۇلتتىق قاۋىپسىزدىكتىڭ ماڭىزدى ءبىر سالاسى ەكەنىن اتاپ كورسەتتى.
سۇحباتتا ءبىلىم بەرۋ سالاسى دا نازاردان تىس قالمادى. پرەزيدەنت ەلىمىزدىڭ وقۋ ورىندارى قاشىقتان وقىتا باستاعان كەزدە كوپتەگەن قيىندىققا تاپ بولعانىمىزدى ەسكە الدى. «تەلەساباق, ينتەرنەت-پلاتفورماداعى ساباقتار ۇيىمداستىرىلدى. ...جەرگىلىكتى اتقارۋشى ورگاندار مۇعالىمدەر مەن وقۋشىلاردى كومپيۋتەرمەن, ءموبيلدى ينتەرنەتپەن قامتاماسىز ەتۋدە. ...وسىنىڭ ناتيجەسىندە, قاشىقتىقتان وقىتۋ قازىر قالىپقا ءتۇستى», – دەدى پرەزيدەنت. وسى سوزدەردىڭ ارتىندا قاشىقتىقتان وقىتۋدى ۇيىمداستىرۋداعى ۇستازداردىڭ, ءبىلىم بەرۋ مەكەمەلەرى, سالانىڭ جانە ايماق باسشىلارىنىڭ وراسان ەڭبەگى جاتقانى بەلگىلى. سول سەبەپتى, مەملەكەت باسشىسىنىڭ «...شاكىرتتەرىنە قاشىقتان ءبىلىم بەرىپ جاتقان ۇستازدار قاۋىمىنا ريزاشىلىق بىلدىرەمىن», دەگەن سوزدەرىن ءبىلىم بەرۋ سالاسىنىڭ قىزمەتكەرلەرى ايرىقشا ىنتامەن قارسى الدى. قاسىم-جومارت كەمەل ۇلى بۇل ريزاشىلىعى ۇستازداردىڭ بەكزات تا قادىرلى ىستەرىنە بەرىلگەن وتە جوعارى باعا عانا ەمەس حالقىمىزعا سول ەڭبەكتى باعالاۋدىڭ ۇلگىسىن كورسەتەدى. ءبىز وسى باعالاۋ بارلىعىمىزعا وراسان كۇش-جىگەر بەرەتىن كۇش ەكەنىن اتاي كەلە, پرەزيدەنتىمىزگە زور العىسىمىزدى بىلدىرەمىز.
مەملەكەت باسشىسى الەمنىڭ كوپتەگەن جوعارى وقۋ ورنى قاشىقتان وقىتۋ ءادىسىن ءبىرازدان پايدالانىپ كەلە جاتقانىن, سوندىقتان الداعى ۋاقىتتا بىزدە دە ونلاين جۇيەسىن جەتىلدىرە ءتۇسۋ كەرەكتىگىن ەسكەرتتى. ءيا, وسى ايتىلعان كوروناۆيرۋس ىندەتىنە بايلانىستى ەلىمىزدە توتەنشە جاعداي جاريالانعالى بەرى ءبىزدىڭ اباي اتىنداعى قازاق ۇلتتىق پەداگوگيكالىق ۋنيۆەرسيتەتى دە ستۋدەنتتەرىن ۇيلەرىنە قايتارىپ, ولارمەن ونلاين دارىستەر وتكىزۋدە. قاشىقتىقتان وقىتۋ جاعدايىندا وقۋ ۇدەرىسىنىڭ ساپالى جۇرگىزىلۋى ءبىزدىڭ باستى نازارىمىزدا. قازىر الداعى سەسسيا مەن قورىتىندى ەمتيحانداردى تالاپ دەڭگەيىندە وتكىزۋگە تولىعىمەن ازىرلىك جۇرگىزىلدى. سوندىقتان ءبىز وقۋ جىلىنداعى بارلىق جوسپارلارىمىزدى تولىق اياقتايمىز.
پرەزيدەنت وتكەن جولعى مالىمدەمەسى مەن وسى سۇحباتىندا ەلىمىزدەگى ينتەرنەت بايلانىسىن دامىتۋ جانە جالپى «تسيفرلىق قازاقستان» باعدارلاماسىنا ساپالى وزگەرىستەر جاساپ ىسكە اسىرۋ مىندەتى مەملەكەتىمىزدىڭ قۇزىرىندا بولاتىنىن ايتتى. بۇل ەلىمىزدىڭ ەكونوميكاسىنىڭ بارلىق سالاسىنىڭ ونىڭ ىشىندە ءبىلىم بەرۋدىڭ (اسىرەسە قاشىقتىقتان وقىتۋدىڭ) دامۋىنا ەرەكشە ۇلەس قوساتىنى ءسوزسىز.
تاكير بالىقباەۆ,
اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى, پروفەسسور