دۇنيەجۇزىندە بولعان اپاتتى جاعدايلار: 10 مامىر

يسپانيانىڭ پوسووندو مۋنيتسيپاليتەتىندە نوسەر جاۋدى. كەشكى ساعات 18.00 شاماسىندا ءبىر شارشى مەترگە 45 ليتر كولەمىندە جاۋىن جاۋعان. از ۋاقىتتا قالا كوشەلەرى سۋعا تولدى. سوققان داۋىل كورشىلەس مەكەندەردە بۇرشاققا ۇلاستى.

ساۋد ارابياسىنىڭ سولتۇستىگىندە ورنالاسقان حافر-ەل-باتين قالاسىندا جىلدامدىعى 100 كم/ساع شاڭ-توزاڭدى بوران تۇردى. قارقىنى قاتتى بولعانى سونشا قالادا بىرقاتار عيمارات قيراپ, كولىكتەر توڭكەرىلىپ قالعان. باستىسى جەرگىلىكتى حالىق زارداپ شەكپەگەن.

فرانتسيانىڭ باتىسىندا نايزاعاي ويناپ, نوسەر جاۋدى. سالدارىنان 100-گە جۋىق دۇكەندەر مەن تۇرعىن ۇيلەر سۋ استىندا قالعان. تابيعي اپاتپەن كۇرەسكە 28 قۇتقارۋ ورتالىقتارى قۇرىلىپ, 156 ءورت ءسوندىرۋشى جۇمىلدىرىلدى. وسى سەكىلدى اۋا رايى 9 مامىردا پاريجدە دە بولعان.

تاعى ءبىر شاڭ-توزاڭدى بوران يراكتىڭ ال-انبار اۋماعىندا سوقتى. 5 مەتر قاشىقتىققا دەيىن اينالانى كورۋ مۇمكىن بولمادى. جالپى قازىر يراكتىڭ كوپ بولىگىندە قۇرعاقشىلىق. ماماندار سوڭعى كەزدەرى مۇنداي شاڭ-توزاڭدى بوراننىڭ يراك پەن يران ايماعىندا كوبەيىپ كەتكەنىن ايتىپ وتىر.

يندونەزيانىڭ چيماحي قالاسىندا نوسەر جاۋىپ, سۋ تاسقىنىنا الىپ كەلدى. كەيبىر جەرلەردەگى سۋ دەڭگەيى 1 مەترگە دەيىن جەتكەن. تۇرعىن ۇيلەر مەن كولىكتەر زارداپ شەكتى.

بەلگيانىڭ انتۆەرپەن قالاسىندا جىلىجاي شارۋاشىلىعىنا جاقىن جەردە قۇيىن تىركەلدى. زارداپ شەككەندەر بولماعان.

رەسەيدىڭ پەرم ولكەسىندە سەل ءجۇردى. 100-دەن استام ءۇي سۋ استىندا قالىپ, 200-دەي ادام ەۆاكۋاتسيالانعان.