الداعى ۋاقىتتا مەملەكەتتىك كوميسسيا ەكونوميكالىق ءوسىمدى قالپىنا كەلتىرۋ ماقساتىندا جۇمىس ىستەيدى. مەملەكەت باسشىسى قاسىم-جومارت توقاەۆ توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيانىڭ قورىتىندى وتىرىسىندا ەكونوميكانى قالپىنا كەلتىرۋ ءۇشىن بارلىق مۇمكىندىكتى پايدالانۋ كەرەكتىگىن ايتتى.
پرەزيدەنت پروگرەسسيۆتى سالىق تولەۋدى دە ۇسىندى. بۇل قادامعا بىردەن بارا قويماساق تا, بىرتىندەپ ءوتۋىمىز قاجەت. پروگرەسسيۆتى سالىق نەنى بىلدىرەدى؟ بۇل دەگەنىمىز ايلىعى ونشا جوعارى ەمەس ازاماتتار قازىرگىگە قاراعاندا سالىقتى از تولەسە, ايلىعى جوعارى ازاماتتار ءۇشىن سالىق مولشەرى كوبەيەدى دەگەن ءسوز.
بەلگىلى بولعانداي, 4 جارىم ميلليوننان استام ادامعا 42500 تەڭگە كولەمىندە قارجىلاي كومەك كورسەتىلدى. حالىق اراسىندا تەپە-تەڭدىكتى ساقتاۋ ءۇشىن بۇل باستاما ءتيىمدى ءارى دۇرىس دەپ ەسەپتەيمىن.
مەملەكەت باسشىسى قاسىم-جومارت توقاەۆ بيىل 15 ملن شارشى مەتر نەمەسە 150 مىڭ ءۇي مەن پاتەر سالىناتىنىن حابارلادى. قازىرگى كارانتين كەزىندە حالىق ءۇي الۋ ءۇشىن جيناعان قاراجاتىن جاراتىپ قويۋى مۇمكىن. سول ءۇشىن باسپانالى بولۋدىڭ مۇمكىندىكتەرىن ارتتىرۋ كوزدەلىپ وتىر. بۇعان دەيىن قولدانىلىپ كەلگەن «7-20-25» باعدارلاماسىنىڭ نەگىزىندە كەزەكتە تۇرعان ادامداردى نەسيەلىك تۇرعىن ۇيمەن قامتاماسىز ەتۋ ءۇشىن جاڭا «5-10-20» باعدارلاماسىن ىسكە قوسۋ تاپسىرىلدى. تاپسىرمانى ورىنداۋ ءۇشىن مەملەكەت باسشىسى 390 ملرد تەڭگە بولىنەتىنىن ءمالىم ەتتى. وسى رەتتە جاڭا باعدارلاما ەلىمىزدەگى تۇرعىن ءۇي باعاسىنا دا ايتارلىقتاي اسەر ەتەتىنى ءسوزسىز. 20 جىل مەرزىمگە جوسپارلانعان باعدارلامانىڭ ساپالى جۇرگىزىلىپ, تۇرعىن ءۇيدىڭ قولجەتىمدى بولۋى – ەلىمىز ءۇشىن ماڭىزدى.
ساپارباي جوباەۆ,
ەكونوميكا عىلىمدارىنىڭ كانديداتى