ءبىز بىلەتىندەي العاشقى ءۇش ونەركاسىپتىك رەۆوليۋتسيا مەحانيكالاندىرۋ, ەلەكترلەندىرۋ جانە اقپاراتتاندىرۋمەن بايلانىستى بولدى. ال بۇگىنگى تسيفرلى ەكونوميكاعا بارلىق قىزمەت سالالارى ەنۋدە. ونىڭ دامۋ قارقىنى كۇشتى ءارى تۇراقتى.
ينتەرنەت ارقىلى قاشىقتان جۇمىس ىستەۋ ءونىمنىڭ جاڭا نارىقتارىن اشۋعا جانە تاپسىرىس بەرۋشىلەردىڭ تاپسىرىستارىنا جىلدام جاۋاپ بەرۋگە مۇمكىندىك بەردى. بۇل باسەكەلەستىكتىڭ ارتۋىنا, ساتىلىمنىڭ وسۋىنە ايتارلىقتاي ىقپال ەتەتىنى تۇسىنىكتى.
وسى رەتتە پاندەمياعا بايلانىستى داعدارىس جاعدايىندا 85 پايىزعا جۋىق قىزمەت ءتۇرى قاشىقتان قىزمەت كورسەتۋ فورماتىن پايدالانعانىن ايتا كەتۋ كەرەك. ارينە, تسيفرلى ەكونوميكاداعى مۇنداي پروگرەسس ادامداردىڭ ءومىرىن ەداۋىر جەڭىلدەتەدى.
بۇگىندە ەكونوميكا مەن قوعامنىڭ دامۋىن انىقتايتىن عالامدىق دامۋ تەندەنتسياسى تسيفرلى ەكونوميكانى قالىپتاستىرۋدا. پرەزيدەنت قاسىم-جومارت توقاەۆتىڭ كەشە توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيانىڭ قورىتىندى وتىرىسىندا بيزنەس پەن مەملەكەت اراسىنداعى قارىم-قاتىناس تولىعىمەن تسيفرلى فورماتقا, ياعني قارىم-قاتىناسسىز جۇيەگە كوشۋى ءتيىس دەگەن تاپسىرماسىن زامان تالابىنان قالىس قالماۋ دەپ قابىلداعانىمىز دۇرىس. ويتكەنى جۇمىستى قاشىقتان ىستەۋدىڭ ءساتتى فورماتى ماڭىزدى مەملەكەتتىك شەشىمدى قابىلداۋدا جاڭا تەحنولوگيالاردى قولدانۋدىڭ قاجەتتىگىن كورسەتتى.
مەملەكەت باسشىسى ەكونوميكا مەن قوعامدى تسيفرلاندىرۋ پروتسەستەرىنىڭ بارىنە جاڭا سەرپىن بەرۋدىڭ ماڭىزى زور ەكەنىن اتاپ ءوتتى. ول ورىندى دەپ سانايمىن.
اجار بەيسەنباەۆا,
ەكونوميست