تۇركىستان وبلىسى اكىمىنىڭ ءباسپاسوز قىزمەتى ەۆاكۋاتسيالانعان ماقتاارالدىقتاردىڭ العاشقى لەگى الىشەر ۋسمانوۆتىڭ قورىنان بولىنگەن قور قاراجاتىنىڭ سەرتيفيكاتىن الا باستاعانىن حابارلادى.
پرەمەر-مينيستر اسقار مامين وبلىس اكىمى ومىرزاق شوكەەۆپەن بىرگە تۇركىستان وبلىسى ماقتاارال اۋدانى مىرزاكەنت كەنتىندە اۋىل تۇرعىندارىمەن كەزدەستى. وندا ەۆاكۋاتسيالانعان ماقتاارالدىقتاردىڭ العاشقى لەگى الىشەر ۋسمانوۆتىڭ قورىنان بولىنگەن قور قاراجاتىنىڭ سەرتيفيكاتىن الدى.
بۇل قاراجات ەۆاكۋاتسيالانعان 5202 وتباسىنىڭ جەكە شوتىنا تۇسەدى. قازىرگى ۋاقىتتا قاراجات الاتىن بارلىق ازاماتتاردىڭ قۇجاتتارى قابىلدانىپ جاتىر. قۇجاتتار تولىق جينالعان كەزدە, ءار وتباسى وزدەرىنە تيەسىلى قارجىنى الا الادى.
رەسەي كاسىپكەرى الىشەر ۋسمانوۆ سۋ تاسقىنىنان زارداپ شەككەن ماقتاارال اۋدانىنىڭ ەۆاكۋاتسيالانعان تۇرعىندارى ءۇشىن «تۇركىستان» الەۋمەتتىك دامۋ كورپوراتيۆتىك قورىنا 5,2 ملن دوللار اۋدارعان بولاتىن. بۇل 2,3 ملرد تەڭگە 30 420 ادامنان تۇراتىن 5202 وتباسىنىڭ ءار قايسىنا 422 مىڭ تەڭگەدەن (1000 اقش دوللارى) ۇلەستىرىلەدى.