قازاقستانداعى ۇلى وتان سوعىسىنداعى جەڭىستىڭ 75 جىلدىعى تولعان كۇنى ەرەكشە جاڭالىقپەن باستالدى. 1942 جىلدىڭ قازان ايىندا سمولەنسك تۇبىندەگى شايقاستا قازا تاپقان قازاق ساربازىنىڭ ءمايىتى əسكەري بورتپەن ەلوردالىق اۆياتسيالىق بازاسىنا بۇگىن تاڭەرتەڭ جەتكىزىلدى. بۇل تۋرالى مينيسترلىكتىڭ ءباسپاسوز قىزمەتى حابارلادى.
اسكەري قىزمەتشىنىڭ ءمايىتى ءساۋىر ايىنىڭ باسىندا سمولەنسك وبلىسىنىڭ تەمكين اۋدانىندا ىزدەۋ-بارلاۋ ەكسپەديتسياسىن جۇرگىزۋ كەزىندە تابىلدى. قايتىس بولعان جاۋىنگەردىڭ ساقتاۋلى قالعان مەدالى ارقىلى اتى-ءجونى انىقتالدى. بەلگىسىز جاۋىنگەر قاراعاندى وبلىسى شەت اۋدانى جاستەرەك اۋىلىنىڭ تۋماسى مەدەت امانجولوۆ بولىپ شىقتى. سوعىس الدىندا ول اسكەرگە شاقىرىلىپ, 1941 جىلى 24 جاسىندا مايدانعا اتتانادى. ونىڭ سوڭعى قىزمەت ورنى 125-ءشى جەكە اتقىشتار بريگاداسى بولدى.
جاۋىنگەردىڭ تۋىستارى ءəلى كۇنگە دەيىن شەت اۋدانىندا تۇرادى. 1942 جىلى وتباسى مەدەت امانجولوۆ سمولەنسكتى قورعاۋدا ەرلىكپەن قازا بولعانى تۋرالى حات الدى. كوپتەگەن جىلدار بويى ۇرپاقتارى ونىڭ جەرلەنگەن جەرىن تابۋعا تىرىسىپ, 78 جىلدان كەيىن جاۋىنگەر وتانىنا ورالدى.
سوعىستا قازا تاپقان جاۋىنگەردىڭ وتباسى جەرلەۋ ورنىنا بارعىسى كەلدى, بىراق توتەنشە جاعدايعا بايلانىستى بۇل مۇمكىن بولمادى. قازاق جاۋىنگەرلەرىنىڭ سۇيەكتەرىن وتانىنا قايتارۋعا اسكەري اۆياتسيا كۇشتەرى قول جەتكىزدى. جاقىن ارادا شەت اۋدانىنىڭ اعادىر زيراتىندا جاۋىنگەردى اسكەري قۇرمەتپەن قايتا جەرلەۋ ءۇشىن تۋىستارىنا بەرىلەتىن بولادى.