بۇگىن قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا مەن نۇر-سۇلتان قالاسىنىڭ اكىمى التاي كولگىنوۆ ۇلى جەڭىستىڭ 75 جىلدىعىنا وراي «استانا وپەرا» مەملەكەتتىك وپەرا جانە بالەت تەاترىنىڭ ساياباعىنا تال ەكتى. بۇل تۋرالى مينيسترلىكتىڭ ءباسپاسوز قىزمەتى حابارلادى.
تەاتر جانە اكىمدىك قىزمەتكەرلەرى قولعا كۇرەك الىپ, 20 قاراعاي, 20 شىرشامەن مەكەمە اۋماعىن اباتتاندىردى.
يگى ءىس-شارا ماقساتى - قورشاعان ورتانى قورعاۋ, ەڭبەكتى قادىرلەۋ, تاربيەلەۋ, ەكولوگيالىق مادەنيەتتى قالىپتاستىرۋ.
«قازىرگى الەمدىك پاندەمياعا بايلانىستى ەنگىزىلگەن توتەنشە جاعدايعا قاراماستان پايدالى ءىس جاساۋعا جينالدىق. ال اعاش ەگۋ - ەجەلدەن كەلە جاتقان يگى امالدىڭ ءبىرى. ء«بىر تال كەسسەڭ ون تال ەك»,-دەگەن اتالار ءسوزىن ەستە ۇستاپ, قالامىزدىڭ تازالىعى ءۇشىن ارقايسىمىز قولدان كەلگەنشە ۇلەس قوسايىق»,-دەدى مينيستر.