قۇرمەتتى وتانداستار!
سىزدەردى ۇلى جەڭىستىڭ 75 جىلدىق مەرەكەسىنىڭ اتالىپ وتۋىمەن قۇتتىقتايمىز!
بۇل كۇن – قازاقستاندىق ءاربىر وتباسى ءۇشىن جانقيارلىقپەن كۇرەسكەن جاۋجۇرەك اتالارى مەن اكەلەرىنىڭ ەرلىگى مەن باتىرلىعىنىڭ دارىپتەلۋىمەن ەرەكشە قاستەرلى.
باۋىرجان مومىش ۇلى, ءاليا مولداعۇلوۆا, راقىمجان قوشقارباەۆ, يۆان پانفيلوۆ, تالعات بيگەلدينوۆ, نۇركەن ابدىرەۆ جانە باسقا حالقىمىزدىڭ باتىر ۇل-قىزدارىنىڭ ەسىمى – ادامزاتتىڭ فاشيزمگە قارسى كۇرەسى مەن جەڭىستى جاقىنداتۋداعى قازاقستاننىڭ قوسقان ۇلەسىن ايعاقتايدى.
ولاردىڭ ەرلىگى مەن قايسارلىعىنىڭ ارقاسىندا بۇگىنگى تاڭدا تاۋەلسىز قازاقستاندى نىعايتىپ جانە دامىتىپ وتىرمىز.
ەرلىك – ەشقاشان ۇمىتىلمايدى. ءبىز بۇل كۇنى وتان الدىندا ءوز ءومىرىن قۇربان ەتكەندەرگە قۇرمەت كورسەتىپ, تىلداعى ەرەن ەڭبەك پەن تۋعان جەردى قورعاۋدا كۇش-جىگەرىن اياماعان ەڭبەككەرلەردىڭ الدىندا باس يەمىز.
وتتى جىلداردىڭ كوزى ءتىرى كۋاگەرلەرى – جەڭىستى ەرلىكپەن الىپ بەرگەن سوعىس ارداگەرلەرى مەن تىل ارداگەرلەرىنە شىنايى العىسىمىز بەن قوشەمەتىمىزدى بىلدىرەمىز.
قىمباتتى ارداگەرلەر, ۇلى وتان سوعىسىنىڭ قاتىسۋشىلارى, تىل ەڭبەككەرلەرى!
سىزدەردى شىن جۇرەكتەن مەرەكەلەرىڭىزبەن قۇتتىقتايمىز. سىزدەرگە باسىمىزدى يەمىز جانە زور دەنساۋلىق, ۇزاق عۇمىر تىلەيمىز! ۇيلەرىڭىزدە ارقاشان بەيبىتشىلىك پەن تىنىشتىق ورناسىن!
ەت جاقىندارىڭىز بەن تۋعاندارىڭىزعا باقىت پەن اماندىق تىلەيمىز!
داڭقتارىڭىز ارتا بەرسىن, ارداگەرلەر!
جەڭىس كۇنىمەن!
قازاقستان حالقى اسسامبلەياسى