تۇركىستان وبلىسىنىڭ ماقتاارال اۋدانىندا بولات وتەمۇراتوۆ قورىنىڭ قارجىلاندىرۋىمەن 150 تۇرعىن ءۇي سالىنباق. ولار كورشىلەس وزبەكستاندا بولعان سۋ بوگەتىنىڭ بۇزىلۋى سالدارىنان ورىن تاپقان تاسقىننان زاردار شەككەندەرگە بەرىلەتىن بولادى. قايىرىمدىلىق ۇيىمنىڭ قۇرىلتايشىسى بيزنەسمەن جانە مەتسەنات بولات وتەمۇراتوۆ وسى شاراعا 6 ملن اقش دوللارىن (2,5 ملرد تەڭگە) بولگەنىن مالىمدەدى.
ۇيلەر اۋدان ورتالىعى مىرزاكەنت قالاسىنىڭ جاڭا شاعىن اۋدانىندا سالىنادى. مۇندا باسپانالارى بۇزىلعان دوستىق, جاڭاتۇرمىس جانە جەڭىس اۋىلدارىنىڭ تۇرعىندارى كوشىرىلەدى. جاڭا شاعىن اۋدانعا بارلىق كوممۋنيكاتسيالار تارتىلىپ, بالاباقشالار مەن مەكتەپتەر سالىنادى.
وتكەن جىلى بولات وتەمۇراتوۆ قورى قىزىلوردا قالاسىندا 100 كوپبالالى وتباسى ءۇشىن جانە ارىس قالاسىندا جارىلىستاردان زارداپ شەككەن 100 وتباسى ءۇشىن تۇرعىن ءۇي سالۋدى قارجىلانداردى. جوبالارعا جۇمسالعان جالپى سوما 1,3 ملرد تەڭگە قۇرادى.