7 مامىر كۇنى وتان قورعاۋشىلار كۇنىنە جانە ۇلى وتان سوعىسىنداعى جەڭىستىڭ 75 جىلدىعىنا ارنالعان ونلاين-كونتسەرتتەر وتەدى. مەرەكەلىك كونتسەرتتىك باعدارلامادا قك ۇلتتىق اسكەري-پاتريوتتىق ورتالىعى ورتالىق ءانسامبلىنىڭ ارتىستەرى ونەر كورسەتەدى.
ۇلكەن مەرەكەلىك كونتسەرت «حابار» تەلەارناسىنىڭ ەفيرىندە ساعات 16.15-تە (نۇر-سۇلتان ۋاقىتى بويىنشا) كورسەتىلەدى. سول كۇنى ساعات 21.00-دە ناقتى ۋاقىت رەجيمىندە zvezda-na-karantine.kz جانە «كارانتيندەگى جۇلدىز» جوباسىنىڭ Youtube ارناسىندا ونلاين-كونتسەرت وتەدى.
اسكەري ءانسامبلدىڭ مۋزىكانتتارى مەن ۆوكاليستەرىنىڭ ورىنداۋىندا مەملەكەتتىك جانە ورىس تىلدەرىندە «سۆياششەننايا ۆوينا», «پوكلونيمسيا ۆەليكيم تەم گودام», «جۋراۆلي», «ۆ زەمليانكە», «ماحنەم, نە گلياديا», «ەحال يا يز بەرلينا» ء«اليا», « ۇلى جەڭىس», «ۆوەننىمي نە روجدايۋتسيا», « ۇلى دالا ساربازدارى», «وتانىم», «ارميا ۆپەرەد», «ەگەمەندى قازاقستان» سىندى مۋزىكالىق كومپوزيتسيالاردى ورىندايدى.
سونىمەن قاتار, 7 جانە 9 مامىردا ساعات 10.00-دەن 13.00-گە دەيىن اسكەري مۋزىكانتتار ەلوردا تۇرعىندارىن جاندى ورىنداۋداعى اندەرمەن قۋانتادى. اسكەري ارتىستەر اۆتوكولىكتە بىرنەشە باعىت بويىنشا پاتريوتتىق مۋزىكالىق كومپوزيتسيالاردى ورىنداي وتىرا, ەلوردا كوشەلەرىمەن ءجۇرىپ, تۇرعىن ۇيلەردىڭ اۋلالارىنا بارىپ, تۇرعىنداردى قۇتتىقتايتىن بولادى.