ۇلتتىق بىرىڭعاي تەستىلەۋ 2015 جىلدان باستاپ توقتاتىلادى. مەكتەپ بىتىرۋشىلەر ونىڭ ورنىنا 2 كەزەڭدى سىناقتان وتەتىن بولادى. بۇلاردى جازباشا ەمتيحان مەن كەشەندى تەستىلەۋ قۇرايدى.
ءبىلىم جانە عىلىم ۆيتسە-ءمينيسترى مۇرات ابەنوۆتىڭ ايتۋىنشا, قازىرگى بىرىڭعاي تەست جۇيەسى ايتارلىقتاي جاقسى ناتيجە كورسەتكەن جوق. ويتكەنى, «مەكتەپتەن العان ءبىلىمدى تەك ءبىر سالادا تولىق كورسەتۋ مۇمكىن ەمەس». سوندىقتان دا وعان اتا-انالار اراسىندا دا, مەكتەپ بىتىرۋشىلەر ورتاسىندا دا قارسى
ۇلتتىق بىرىڭعاي تەستىلەۋ 2015 جىلدان باستاپ توقتاتىلادى. مەكتەپ بىتىرۋشىلەر ونىڭ ورنىنا 2 كەزەڭدى سىناقتان وتەتىن بولادى. بۇلاردى جازباشا ەمتيحان مەن كەشەندى تەستىلەۋ قۇرايدى.
ءبىلىم جانە عىلىم ۆيتسە-ءمينيسترى مۇرات ابەنوۆتىڭ ايتۋىنشا, قازىرگى بىرىڭعاي تەست جۇيەسى ايتارلىقتاي جاقسى ناتيجە كورسەتكەن جوق. ويتكەنى, «مەكتەپتەن العان ءبىلىمدى تەك ءبىر سالادا تولىق كورسەتۋ مۇمكىن ەمەس». سوندىقتان دا وعان اتا-انالار اراسىندا دا, مەكتەپ بىتىرۋشىلەر ورتاسىندا دا قارسىلار وتە كوپ بولدى. تەستىلەۋدىڭ شالا دۇمبىلەز كوپتەگەن سۇراقتارى دا تالاي جىل جۇرتتىڭ تالقىسىندا ءجۇردى.
اتالمىش جۇيەنى ءبىرجولا ادا-كۇدە جويىپ جىبەرۋگە شەشىم قابىلداعان ءبىلىم جانە عىلىم مينيسترلىگى ەندى مەكتەپ تۇلەكتەرىن ەكى كەزەڭنەن تۇراتىن سىناقتان وتكىزۋدى قولعا الماقشى. بۇلاردىڭ ءبىرىنشىسى مەكتەپ قابىرعاسىندا بىرنەشە ءپان بويىنشا جازباشا ەمتيحان تاپسىرۋعا ارنالادى. ال ەكىنشىسى جوعارى وقۋ ورنىنا تۇسەر ساتتە كەشەندى تەستىلەۋ ارقىلى جۇزەگە اسادى. مۇندا كەشەندى تەست ءاربىر تالاپكەردىڭ ءوزى تاڭداپ الاتىن ەكى بەيىمدى پاندەرىنەن الىنادى.
ۆيتسە-مينيستر مۇرات ابەنوۆ سونداي-اق ەمتيحاننىڭ ءوتۋ فورماسى دا وزگەرەتىنىن جەتكىزدى. بۇل وزگەرىستەر ماتىنمەن جۇمىس جۇرگىزىپ, بىلىكتىلىكتى تەكسەرەتىن بىرنەشە تاپسىرمالار بەرىلۋدەن كورىنەدى. بۇل وقۋشىلاردىڭ جاتتاندى ءبىلىمىن ەمەس, ونى ءىس جۇزىندە قانشالىقتى قولدانا الاتىنىن انىقتاۋعا مۇمكىندىك بەرەدى.