تىكەلەي ەفير بارىسىندا تالعار سەرىكباەۆ جەر قاتىناستارى باسقارماسىنىڭ قىزمەتىندە انىقتالعان سىبايلاس جەمقورلىق تاۋەكەلدەرىنە توقتالدى.
«تەك وتكەن جىلى عانا ازاماتتارعا 6 مىڭنان استام (6370) مەملەكەتتىك قىزمەتتەر كورسەتىلگەن. سونىمەن قاتار, ولاردىڭ بارلىعى قىزمەتكەرلەردىڭ ازاماتتارمەن تىكەلەي بايلانىسى ارقىلى كورسەتىلىپ, تەك 11 مەملەكەتتىك قىزمەت ەلەكتروندىق تۇردە جۇزەگە اسىرىلعان» - دەپ اتاپ ءوتتى ت.سەرىكباەۆ.
سونىمەن قاتار, تالداۋ كورسەتكەندەي, بۇل مەملەكەتتىك قىزمەتتەردى ۇسىنۋ كەزىندە ولاردى كورسەتۋ مەرزىمى بولىگىندە جۇيەلى بۇزۋشىلىقتار ورىن العان. جەكەلەگەن مەملەكەتتىك قىزمەتتەر بويىنشا 80 جانە ودان دا كوپ كۇنگە دەيىنگى مەرزىمدەر بۇزىلعان.
تالداۋ بارىسىندا جەر تۋرالى اقپاراتتىڭ اشىقتىعى مەن قولجەتىمدىلىگىن قامتاماسىز ەتۋ بويىنشا زاڭناما نورمالارىنىڭ ساقتالۋىنا نازار اۋدارىلدى.
سپيكەردىڭ ايتۋىنشا بۇگىندە مەگاپوليستە shymkent.genplan.kz ەلەكتروندى كارتاسى بار. ونىڭ جۇمىسىن تالداۋ بارىسىندا اتالعان رەسۋرستا ازاماتتار مەن بيزنەس ءۇشىن وزەكتى, راستالعان جانە پايدالى اقپاراتتى الۋعا تولىققاندى قول جەتكىزۋ قامتاماسىز ەتىلمەگەنىن كورسەتتى. جەر ۋچاسكەلەرىن العان تۇلعالاردىڭ ءتىزىمى, ولاردىڭ نىسانالى ماقساتى, اۋدانى, ورنالاسقان جەرى جانە تاعى باسقا دا اقپاراتتار تۇراقتى نەگىزدە جاڭارتىلمايدى.
مەملەكەتتىك ساتىپ الۋدى جۇزەگە اسىرۋ كەزىندە ەلەۋلى سىبايلاس جەمقورلىق تاۋەكەلدەرى انىقتالعان. ولاردى جۇرگىزۋ كەزىندە باسقارمامەن ساتىپ الىناتىن تاۋارلار مەن قىزمەتتەرگە باعالار ايتارلىقتاي جوعارىلاتىلعان. كەيبىر لوتتاردىڭ سوماسى 50%-دان 80%-عا دەيىن جوعارىلاتىلعان.
مەملەكەتتىك قىزمەتتەردى اۆتوماتتاندىرۋ بويىنشا كەشەندى شارالار قابىلداۋ, سونداي-اق بيزنەس-پروتسەستەردى جاقسارتۋ بويىنشا ۇسىنىستار بەرىلدى. سونداي-اق, جەر كوميسسياسىنىڭ جۇمىسىن ونلاين-فورماتقا كوشىرۋ, ارنايى گەوپورتالدى ەنگىزە وتىرىپ جەر تۋرالى اقپاراتتىڭ اشىقتىعى مەن قول جەتىمدىلىگىن, مەملەكەتتىك ساتىپ الۋ كەزىندە بيۋدجەت قاراجاتىن جۇمساۋدىڭ تيىمدىلىگىن قامتاماسىز ەتۋ ۇسىنىلدى.
ء«بىز ازاماتتار جەر ماسەلەلەرى بويىنشا شەشىمنىڭ قالاي قابىلداناتىنىن كورۋگە جانە بىلۋگە ءتيىس دەپ سانايمىز» - دەدى سپيكەر.
جالپى العاندا, تالداۋ ناتيجەلەرى بويىنشا جەر قاتىناستارى باسقارماسىنا ءىس-شارالاردى ورىنداۋدىڭ ناقتى مەرزىمىن كورسەتە وتىرىپ تاۋەكەلدەردى جويۋ بويىنشا جول كارتاسىن ازىرلەۋ ۇسىنىلدى. سىبايلاس جەمقورلىققا قارسى قىزمەتى ۋاكىلەتتى ورگان رەتىندە جاعدايدى ودان ءارى باقىلايتىن بولادى. سونىمەن قاتار, بەرىك اشىربەكوۆ باسقارما قىزمەتىندەگى سىبايلاس جەمقورلىققا قارسى ءىس-قيمىل بويىنشا قابىلدانىپ جاتقان شارالار, سونداي-اق مەملەكەتتىك قىزمەتتەردى اۆتوماتتاندىرۋدى قامتاماسىز ەتۋ جانە كوميسسيا جۇمىسىنىڭ اشىقتىعىن قامتاماسىز ەتۋ بويىنشا جۇمىس جوسپارلارى تۋرالى حابارلادى. ايتا كەتۋ كەرەك, وتكەن جىلى جەر قاتىناستارى باسقارمانىڭ باسشىلىق لاۋازىمىنداعى 2 تۇلعا سوتتالعان بولاتىن.
شىمكەنت