كەشە قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆ فرانتسياعا جۇمىس ساپارى اياسىندا وسى ەلدىڭ پرەمەر-ءمينيسترى جان-مارك ەيرومەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
ۇكىمەت باسشىلارى ەكى ەل اراسىنداعى ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق قىزمەتتەستىكتىڭ كوكەيكەستى ماسەلەلەرىن تالقىلادى.
كەشە قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆ فرانتسياعا جۇمىس ساپارى اياسىندا وسى ەلدىڭ پرەمەر-ءمينيسترى جان-مارك ەيرومەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
ۇكىمەت باسشىلارى ەكى ەل اراسىنداعى ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق قىزمەتتەستىكتىڭ كوكەيكەستى ماسەلەلەرىن تالقىلادى.
فرانتسيا قازاقستاننىڭ ەۋروپاداعى شەشۋشى ارىپتەسى بولىپ تابىلادى, دەگەن س.احمەتوۆ استانانىڭ پاريجبەن تىعىز ۇنقاتىسۋعا مۇددەلى ەكەنىن اتاپ كورسەتتى.
بالامالى ەنەرگەتيكا, ماشينا جاساۋ, مەتاللۋرگيا, ەلەكترونيكا, حيميا ونەركاسىبى, تەحنولوگيالار ترانسفەرتى سالالارىندا بىرقاتار بىرلەسكەن جوبالار بەلگىلەنۋدە. بىزگە بىرلەسكەن جۇمىستى جالعاستىرا وتىرىپ, بارلىق دەڭگەيلەردەگى بايلانىستاردى نىعايتا ءتۇسۋ قاجەت, دەدى س.احمەتوۆ.
قازاقستان ۇكىمەتىنىڭ باسشىسى ارىپتەسىنە «بولاشاق ەنەرگياسى» تاقىرىبىندا استانادا ەكسپو-2017 كورمەسىن ءوتكىزۋگە دايىندىق بارىسى تۋرالى حابارلاپ, فرانتسۋز تارابىن وسى حالىقارالىق ءىس-شاراعا بەلسەندى قاتىسۋعا شاقىردى.
اڭگىمەلەسۋشىلەر مۇناي-گاز, اۆتوموبيل جاساۋ, اتوم ەنەرگياسى سالاسىنداعى ىقپالداستىقتى تەرەڭدەتە ءتۇسۋ قاجەتتىگىنە نازار اۋداردى.
ءوز كەزەگىندە ج-م.ەيرو ەكىجاقتى قارىم-قاتىناستار دەڭگەيىن جوعارى باعالاپ, بولاشاقتا دا جەمىستى ىنتىماقتاستىقتىڭ جالعاسا بەرەتىنىنە سەنىم ءبىلدىردى.
وسى ورايدا وتكەن 2012 جىلى ەكى ەل اراسىنداعى ساۋدا اينالىمىنىڭ 6,2 ملرد. اقش دوللارىن قۇراعانىن, ال ءۇستىمىزدەگى جىلدىڭ ءبىرىنشى جارتىجىلدىعىندا ونىڭ 3 ملرد. اقش دوللارىنان اسىپ تۇسكەنىن ايتا كەتۋ قاجەت. ەكسپورتقا نەگىزىنەن مۇناي, مەتالدار مەن حيميا ونىمدەرى شىعارىلسا, قازاقستان فرانتسيادان ونەركاسىپ جابدىقتارىن, ءدارى-دارمەك, كوسمەتيكا, اۆتوموبيلدەر مەن باسقا دا تاۋارلار يمپورتتايدى.
1994 جىلدان بەرگى كەزەڭدە فرانتسيانىڭ قازاقستان ەكونوميكاسىنا سالعان تىكەلەي ينۆەستيتسيالارى شامامەن 10 ملرد. اقش دوللارىن قۇرادى.
وسى كۇنى سەرىك احمەتوۆ ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) باس حاتشىسى انحەل گۋرريامەن كەزدەستى.
اڭگىمە بارىسىندا س.احمەتوۆ قازاقستاننىڭ وسى ۇيىممەن ىنتىماقتاستىعىنىڭ بىرقالىپتى دامىپ كەلە جاتقانىن, ەلىمىزدىڭ ۇيىمنىڭ كوميتەتتەرى مەن ءتۇرلى باعدارلامالارىنا بەلسەندى اتسالىساتىنىن اتاپ ءوتتى.
قازاقستان ۇكىمەتىنىڭ باسشىسى ا.گۋررياعا «قازاقستان-2050» ستراتەگياسىنىڭ نەگىزگى قاعيدالارى تۋرالى حابارلاپ, قازاقستاننىڭ ەڭ دامىعان 30 مەملەكەتتىڭ قاتارىنا ەنۋ جونىندەگى ماقساتىن جۇزەگە اسىرۋدا ەىدۇ-عا مۇشە مەملەكەتتەردىڭ بەلسەندى ءوزارا قىزمەتتەستىگى جايىنا نازار اۋداردى.
بۇل وڭاي ەمەس, بىراق قول جەتكىزۋگە ابدەن بولاتىن مىندەت, بۇل ورايدا ەىدۇ-نىڭ تاجىريبەسى وتە ماڭىزدى, دەدى س.احمەتوۆ. سونداي-اق, ول تاۋەلسىزدىكتىڭ 20 جىلى ىشىندە ەلباسىنىڭ باسشىلىعىمەن ەلىمىزدىڭ ۇلكەن جولدان ءجۇرىپ وتكەنىن, بۇگىندە الەۋمەتتىك-ەكونوميكالىق ءوسۋدىڭ جاڭا ساتىسىندا تۇرعانىن اتاپ كورسەتتى.
ءوز كەزەگىندە ا.گۋرريا قازاقستانعا ەىدۇ-نىڭ دامۋ ورتالىعىنا قوسىلۋدى ۇسىندى, ونىڭ پىكىرىنشە, بۇل ۇيىم قىزمەتىنىڭ نەگىزگى باعىتتارى بويىنشا ءوزارا بايلانىستاردى نىعايتۋعا جاعداي جاسايتىن بولادى. سول سياقتى, ەىدۇ باسشىسى «جاسىل ەكونوميكانى» دامىتۋ ماڭىزدىلىعىن دا اتاپ ءوتتى.
ءبىز ءۇشىن ەكولوگيا, قورشاعان ورتانى قورعاۋ ەڭ ۇلكەن باسىمدىققا يە ماسەلەلەر بولىپ تابىلادى. ءبىز قازاقستاننىڭ وڭىردەگى «جاسىل» ستراتەگيانىڭ كوشباسشىسى بولۋعا زور الەۋەتى بار دەپ ەسەپتەيمىز, دەدى ا.گۋرريا.
ساپار قورىتىندىسىندا قازاقستان پرەمەر-ءمينيسترى قازاقستاندىق بۇقارالىق اقپارات قۇرالدارى وكىلدەرى ءۇشىن بريفينگ وتكىزدى. وندا سەرىك احمەتوۆ قازاقستان-فرانتسيا قارىم-قاتىناستارىنىڭ قارقىندى تۇردە ءورىس الا تۇسكەندىگىن اتاپ كورسەتتى. بۇعان ەكى جاقتىڭ جوعارى دەڭگەيدەگى كەزدەسۋلەرى مەن قازاقستان پرەزيدەنتىنىڭ فرانتسياعا ساپارى بارىسىندا قول جەتكىزىلگەن كەلىسىمدەردى ىسكە اسىرۋ شارالارى ۇلكەن ىقپال ەتۋدە.
قازاقستان ۇكىمەتىنىڭ باسشىسى استانانىڭ پاريجبەن مەملەكەتارالىق بايلانىستاردىڭ بارلىق قىرلارى بويىنشا جۇمىس ىستەۋگە مۇددەلى ەكەندىگىن ايتا كەلىپ, وسى رەتتە اەروعارىشتىق, ەنەرگەتيكالىق كولىكتىك جانە ماشينا جاساۋ سالالارى بويىنشا ىنتىماقتاستىقتىڭ جاعىمدى تاجىريبەلەرى قالىپتاسقاندىعىن اتاپ ءوتتى. سونىمەن قاتار, قازاقستانداعى دامۋ باعدارلامالارىن ءجۇزەگە اسىرۋعا فرانتسۋز ءىسكەرلەرىنىڭ قاتىسۋى ماڭىزدى ەكەندىگىنە