كەشە تۇندە گرەكيانىڭ سالونيكي قالاسىندا جەرگىلىكتى پاوك-پەن ەۋروپا ليگاسىنىڭ توپتىق كەزەڭىندەگى ءبىرىنشى ماتچىن وتكىزگەن قاراعاندىنىڭ «شاحتەرى» ەڭ سوڭعى مينۋتتاردا شەشۋشى دوپ جىبەرىپ قويىپ, ۇتىلىپ قالدى. ەسەپ – 1:2. بۇل تۋرالى Egemennews.ءkzتىلشىسى حابارلادى.
پاوك (سالونيكي, گرەكيا) – «شاحتەر» (قاراعاندى, قازاقستان) 2:1 (0:0).
پاوك: سانس وۆەحەرو حاكوبو, گەورگيوس تساۆەلاس ( لينو, 65), ميگەل ۆيتور, الەكساندروس تسيوليس, ميروسلاۆ ستوح, كوستين لازەر (ديميتريوس سالپينگيديس, 58), كونستانتينوس كاتسۋرانيس, ستەليوس كيتسيۋ, سوتيريوس نينيس (زۆونيمير ۆۋكيچ, 85), لۋكاس پەرەس, ستەفانوس اتاناسياديس.
«شاحتەر»: الەكساندر موكين, اندرەي پورىۆاەۆ, ەۆگەني تاراسوۆ, الدين دجيديچ, سەرگەي مالىي, الەكساندار سيمچەۆيچ, گەديميناس ۆيچيۋس, روحەر كانياس, اندرەي فينونچەنكو (ماكسات بايجانوۆ, 81), گەۆورگ كازاريان, سەرگەي حيجنيچەنكو (يگور زەنكوۆيچ, 88).
گولدار: كانياس (50, پەنالتي), اتاناسياديس (75), ۆۋكيچ (90+2).
سالونيكيدىڭ «تۋمبا» ستاديونىندا جانكۇيەرلەردىڭ قاتىسۋىنسىز وتكەن كەزدەسۋ الاڭ يەلەرىنىڭ شابۋىلىمەن باستالدى. كەنشىلەر قاقپاسى الدىنداعى ءبىرىنشى قاۋىپتى ءسات 2-مينۋتتا-اق تۋىنداپ ۇلگەردى. سول قاناتتان قاقپا الاڭىنا قۇيىنداي ۇشىپ كىرگەن كوستين لازەر دوپتى توقتاتپاستان ۇردى. بۇل سوققىنىڭ قاۋپىن ءبىزدىڭ قاقپاشى الەكساندر موكين قايتارا ءبىلدى. گرەكتەر ەسەپ اشۋدىڭ انىق مۇمكىندىگىن ويىننىڭ 7-مينۋتىندا تاعى جىبەرىپ الدى. بۇل جولى وڭ قاپتالدان كەلگەن لۋكاس پەرەس ءبىزدىڭ قورعۋشىلاردى اينالىپ ءوتىپ, قاقپا الاڭىنا جەتتى. ونىڭ قاتتى سوققىسى جولىنا تاعى دا موكين تۇرا قالدى. ءدال وسىنداي جاعداي 14-مينۋتتا تاعى قايتالاندى. العاشىندا قاقپاشى بۇرىشتامادان بەرىلگەن دوپتى ۇرعان سوتيريوس ءنينيستىڭ سوققىسىن الاڭنىڭ ارتقى جاعىنا جونەلتتى.
ال «شاحتەر» ءوزىنىڭ ءبىرىنشى گول سوعار ءساتىن 18-مينۋتتا تۋعىزدى. گەۆورگ كازاريان وڭ قاپتالدان ايىپ الاڭىنا دوپ جەتكىزدى. وعان ءبىرىنشى بولىپ باسىن توسەي قويعان اندرەي فينونچەنكو قاقپا ماڭدايشاسانىڭ ۇستىڭگى جاعىن كوزدەپتى. ءتورت مينۋتتان كەيىن گرەكتەر تاعى شابۋىلعا شىقتى. تاعى دا شابۋىلدىڭ وتىنەن لازەر تابىلدى. الايدا, ونىڭ سوققىسى موكيننىڭ ۋىسىندا كەتتى.
كەزدەسۋدىڭ 25-مينۋتىندا الاڭ يەلەرىنىڭ گولكيپەرى سان حاكوبوعا سونداي ەرلىك جاساۋعا تۋرا كەلدى. بۇل جولفى گەديمينتاس ۆيچيۋس قاپتالدان قولىمەن دوپ لاقتىردى. ونى قاعىپ العان الدين دجيديچ قاقپاعا باعىتتادى. قوناقتار تاعى ءبىر قاۋىپتى قاربالاستى 38-مينۋتتا جاسادى.
قارسىلاستار ۇزىلىسكە وسىلاي ەسەپ اشا الماعان كۇيلەرى كەتتى. ال 49-مينۋتتا گرەكتەر وزدەرىنىڭ ايىپ الاڭدارىنا كەلگەن روحەر كانياستى قاعىپ قۇلاتى. پەنالتي! ونى ءجابىر كورۋشىنىڭ ءوزى جۇزەگە اسىردى.
جاسىراتىنى جوق, قاراعاندىلىقتار وسىدان كەيىن ويناماي قويدى. شاماسى, وسى ەسەپپەن ماتچ سوڭىنا دەيىن جەتەمىز دەپ ويلاسا كەرەك. بىراق ولاي بولماي شىقتى. ءوز الاڭىندا ۇتىلىپ قالۋ قاۋپى تۋعان گرەكتەر ەندى جانتالاسا العاي ۇمتىلدى. وسى ۇمتىلىستى ولار ەكى رەت گولعا اينالدىرا ءبىلدى. بۇلاردىڭ ءبىىرنشىسىن 75-مينۋتتا ستەفانوس ءاتاناسياديستىڭ كومەگىمەن تۇسىرگەن ولار ويىنعا قوسىلعان ەكىنشى مينۋتتا جەڭىستى دە ءبىرجولا تارتىپ اكەتتى. ونىڭ رەتىن ماتچ بىتۋگە 5 مينۋت قالعاندا الاڭنان كورىنگەن زۆونيمير ۆۋكيچ كەلتىردى.
وسىلايشا «شاحتەر» قوسىمشا قوسىلعان ۋاقىتتا جەڭىلىسكە ۇشىرادى.
توپتىڭ كەلەسى تۋرى ويىندارى 3 قازان كۇنى وينالادى. بۇل كۇنى قاراعاندىلىقتار ءيزرايلدىڭ حايفا قالاسىنىڭ «ماككابي» كومانداسىن قابىلدايدى.
رۋسلان يگىلىك.
تۋرداعى ويىندار مىناداي ناتيجەلەر اكەلدى:
ا
سانكت-گاللەن (شۆەيتساريا) – كۋبان (رەسەي) 2:0
ۆالەنسيا (يسپانيا) – سۋونسي (انگليا) 0:3
ۆ
دينامو (زاگرەب, حورۆاتيا) – چەرنومورەتس (ۋكراينا) 1:2
پسۆ (گوللانديا) – لۋدوگورەتس (بولگاريا) 0:2
س
زالتسبۋرگ (اۆستريا) – ەلفسبورگ (شۆەتسيا) 4:0
ستاندارد (بەلگيا) – ەسبەرگ (دانيا) 1:2
G
دينامو (كيەۆ, ۋكراينا) – گەنك (بەلگيا) 0:1
تۋن (شۆەيتساريا) – راپيد (اۆستريا) 1:0
D
ماريبور (سلوۆەني يا) – رۋبين (رەسەي) 2:5
زيۋلتە-ۆارەگەم (بەلگيا) – ۋيگان (انگليا) 0:0
E
فيورەنتينا (يتاليا) – پاسۋش (پورتۋگاليا) 3:0
پاندۋري (رۋمىنيا) – دنەپر (ۋكراينا) 0:1
F
اينتراحت (فرانكفۋرت, گەرمانيا) – بوردو (فرانتسيا) 3:0
ماككابي (تەل-اۆيۆ, يزرايل) – اپوەل (گرەكيا) 0:0
H
فرايبۋرگ (گەرمانيا) – سلوۆان (چەحيا) 2:2
ەشتوريل (پورتۋگاليا) – سەۆيليا (يسپانيا) 1:2
I
بەتيس (يسپانيا) – ليون (فرانتسيا) 0:0
ۆيتوريا (پورتۋگاليا) – ريەكا (حورۆاتيا) 4:0
J
لاتسيو (يتاليا) – لەگيا (پولشا) 1:0
اپوللون (كيپر) – ترابزونسپور (تۇركيا) 1:2
K
شەريف (مولدوۆا) – انجي (رەسەي) 0:0
توتتەنحەم (انگليا) – ترومسە (نورۆەگيا) 3:0
L
پاوك (گرەكيا) – شاحتەر (قازاقستان) 2:1
ماككابي (حايفا, يزرايل) – از (گوللانديا) 0:1