شاراينا
امەريكالىق ديپلومات سيريا وپپوزيتسياسىنىڭ كومەگىمەن سيريا پرەزيدەنتى باشار اساد رەجىمىنە كىنا تاعۋعا كۋا بولاتىن مالىمەتتەر جيناعان. بۇل جەردە ماسەلە ب.اسادتىڭ اسكەري قىلمىستارعا قاتىسى بار ەكەندىگىندە بولىپ وتىر.
اقش ديپلوماتى ستيۆەن راپپتىڭ مالىمدەۋىنشە, اقش باشار اسادقا قارسى قىلمىستىق ءىس قوزعاۋ ءۇشىن ماتەريالدار جيناپ جاتىر. وسىعان بايلانىستى سيريالىق توپتار ارنايى وقۋدان وتكەن. ولار قاجەتتى اقپاراتتار جيناۋمەن اينالىسادى. قازىردىڭ وزىندە 200 مىڭ بەتتەن استام ماتەريال جينالعان كورىنەدى. ونىمەن ەۋروپا اۋماعىندا ساراپشىلار تانىسىپتى. وسى ماتەريالدار سيريا باسشىسىن سوتقا تارتۋعا جەتەدى دەلىنىپ وتىر.
شاراينا
امەريكالىق ديپلومات سيريا وپپوزيتسياسىنىڭ كومەگىمەن سيريا پرەزيدەنتى باشار اساد رەجىمىنە كىنا تاعۋعا كۋا بولاتىن مالىمەتتەر جيناعان. بۇل جەردە ماسەلە ب.اسادتىڭ اسكەري قىلمىستارعا قاتىسى بار ەكەندىگىندە بولىپ وتىر.
اقش ديپلوماتى ستيۆەن راپپتىڭ مالىمدەۋىنشە, اقش باشار اسادقا قارسى قىلمىستىق ءىس قوزعاۋ ءۇشىن ماتەريالدار جيناپ جاتىر. وسىعان بايلانىستى سيريالىق توپتار ارنايى وقۋدان وتكەن. ولار قاجەتتى اقپاراتتار جيناۋمەن اينالىسادى. قازىردىڭ وزىندە 200 مىڭ بەتتەن استام ماتەريال جينالعان كورىنەدى. ونىمەن ەۋروپا اۋماعىندا ساراپشىلار تانىسىپتى. وسى ماتەريالدار سيريا باسشىسىن سوتقا تارتۋعا جەتەدى دەلىنىپ وتىر.
شىعىن كولەمى – 27 ميلليون رۋبل
رەسەيدىڭ تەرگەۋ كوميتەتى امۋر وبلىسىنداعى شيمانوۆسك سۋ بوگەتىنىڭ بۇزىلۋىنا بايلانىستى قىلمىستىق ءىس قوزعادى. تەرگەۋشىلەردىڭ ايتۋىنا قاراعاندا, جەرگىلىكتى شەنەۋنىكتەر وندا جوندەۋ جۇرگىزبەگەن, تاسقىن سۋ كەلگەن كەزدە بوگەت بۇزىلعان.
بوگەتتىڭ بۇزىلۋى سالدارىنان شيمانوۆسك قالاسىنداعى 328 ادام تۇراتىن 69 ءۇي سۋ استىندا قالعان. سونىڭ كەسىرىنەن تۇرعىنداردىڭ 27 ميلليون رۋبلگە جۋىق دۇنيە-مۇلكى پايدالانۋعا جارامسىز بولىپ قالىپ وتىر. تەرگەۋشىلەر, سونداي-اق ەۆرەي اۆتونوميالىق وبلىسىنداعى تاعى ءبىر سۋ بوگەتىنىڭ قۇرىلىسىنا قاتىستى قىلمىستىق ءىس قوزعاعان. ويتكەنى, اتالعان سۋ بوگەتتەرى تولىقتاي قايتا جوندەۋدەن وتكىزىلمەگەن ەكەن. ال وعان قاجەتتى قاراجات تۇگەل تولەنىپتى.
قۋات كوزدەرىنىڭ نورماسى قىسقاردى
تۇركىمەنستان باسشىلىعى تۇرعىندارعا بەرىلەتىن تەگىن ەلەكتر ەنەرگياسى مەن گازدىڭ نورماسىن قىسقارتتى. تۇركىمەنستاندىق باق-تاردىڭ جازۋىنشا, ەندى تۇرعىنداردىڭ ارقايسىنا ايىنا 25 كۆت/ساعات ەلەكتر ەنەرگياسى تەگىن بەرىلەدى. بۇعان دەيىن ونىڭ مولشەرى 35 كۆت/ساعات بولاتىن.
مۇنىڭ سەبەبى, ەلەكتر ەنەرگياسىن تاسىمالدايتىن شەتەلدىكتەردە جاتسا كەرەك. ونىڭ ۇستىنە سوڭعى جىلدارى بۇل ەلدە ەلەكتر ەنەرگياسى مەن كوگىلدىر وتىندى پايدالانۋشىلاردىڭ ارتىپ بارا جاتقانىنا بايلانىستى ەكەن. ايتا كەتەيىك, رەسپۋبليكا تۇرعىندارىنا تەگىن بەرىلەتىن الەۋمەتتىك پاكەت كولەمىن بۇرىنعى پرەزيدەنت ساپارمۇراد نيازوۆ ەنگىزگەن ەدى.
ءجۋرناليستىڭ ۇيىنەن 30 گراناتا تابىلدى
ازەربايجاندىق «بيزيم يول» گازەتىنىڭ ءجۋرناليسى پارۆيز حاشيملي تۇتقىنعا الىندى. وعان زاڭسىز قارۋ ساتىپ الدى جانە قارۋدى ساقتادى دەگەن ايىپ تاعىلىپ وتىر.
دەرەك كوزدەرىنە قاراعاندا, ەلدىڭ ۇلتتىق قاۋىپسىزدىك قىزمەتىنىڭ قىزمەتكەرلەرى ونىڭ ۇيىنە ءتىنتۋ جۇرگىزگەن كەزدە تاپانشا جانە 30 گراناتا تابىلعان. ءتىنتۋ بارىسىندا, سونداي-اق كومپيۋتەرى مەن ونىڭ بىرقاتار جەكە زاتتارى دا الىنعان ەكەن. پارۆيز ءحاشيمليدىڭ زايىبىنىڭ ايتۋىنشا, تابىلعان بۇل قارۋدىڭ بارلىعىن قۇقىق قورعاۋ ورگاندارىنىڭ قىزمەتكەرلەرى ادەيى تاستاپ كەتكەن. ال ءجۋرناليستىڭ ءوزى الدىن الا تۇتقىندالىپتى. ءتىنتۋ «بيزيم يول» گازەتىنىڭ رەداكتسياسىنا دا جۇرگىزىلگەن سياقتى. جۋرناليست وزىنە تاعىلعان ايىپتى مويىنداماي وتىر.
وپات بولعاندار قاتارى 80-نەن استى
سوڭعى كۇندەرى مەكسيكا اۋماعىندا تولاسسىز جاۋعان نوسەر سالدارىنان وپات بولعان ادامدار سانى 80-نەن اسقان. كەيبىر مالىمەتتەر بويىنشا, جازىم بولعاندار قاتارى بۇدان اسىپ كەتۋى مۇمكىن.
ويتكەنى, جەر كوشۋىنىڭ كەسىرىنەن اتوياك اۋدانىنداعى تاۋلى ەلدى مەكەندە 30-عا جۋىق ءۇي كوشكىن استىندا قالىپ وتىر. سول ۇيلەردى ارشىپ الۋ قاجەت. ونىڭ ۇستىنە تىنىق مۇحيتى جاعاسىنداعى اكاپۋلكو كۋرورتتى قالاسىندا 40 مىڭعا جۋىق تۋريست ۇشا الماي وتىرعانى جانە بار. سوڭعى تاۋلىكتە ولاردىڭ 5 مىڭدايى عانا ۇشىپ شىققان. بۇل ەلدە بىرنەشە كۇننەن بەرى جاۋىن باسىلماي تۇر.
انتيفاشيستەر شەرۋگە شىقتى
گرەكيانىڭ بىرقاتار قالالارىندا وتكەن قارسىلىق اكتسياسى كەزىندە قوعامدىق ءتارتىپتى بۇزعاندارى ءۇشىن پوليتسيا 30-عا جۋىق ادامدى قاماۋعا العان. بۇل جونىندە «فرانس-پرەسس» اگەنتتىگى حابارلادى.
وسى اگەنتتىكتىڭ اقپاراتتارى بويىنشا, قارسىلىق اكتسياسى, اسىرەسە, ەل استاناسى – افينا قالاسىندا وتكەن. وعان 5 مىڭعا جۋىق, ال ەلدىڭ سولتۇستىگىندەگى سالونيكا قالاسىنداعى اكتسياعا 6 مىڭنان استام ادام قاتىسقان. اكتسياعا قاتىسۋشى انتيفاشيستەر «فاشيستەردىڭ كوزىن جوي!» دەپ ايقايلاپ, «فاشيزمگە ەشقاشان جول جوق» دەگەن پلاكاتتار الىپ شىعىپتى. قارسىلىق اكتسياسىن ۇيىمداستىرۋعا سارسەنبىگە قاراعان ءتۇنى افينا قالاسىندا 34 جاستاعى پاۆلوس فيسساستىڭ ءولتىرىلۋى سەبەپ بولسا كەرەك.
قىسقا قايىرىپ ايتقاندا:
*ەگيپەت اسكەرلەرى مەن پوليتسياسى كاير ماڭىنا جاقىن ورنالاسقان كارداس ەلدى مەكەنىندەگى يسلامشىلارعا قارسى وپەراتسيا باستادى. جەر ءۇستى وپەراتسياسىنا اۋەدەن اسكەري تىكۇشاقتار قولداۋ كورسەتۋدە.
*نەمىس بيزنەسمەنى فرانتس زەدەلمايەر سوت ارقىلى رەسەيدەن 1 ميلليون ەۋرو ءوندىرىپ الدى. ول ەندى تاعى 5,5 ميلليون ەۋرو وندىرۋگە نيەتتەنىپ وتىر.
*وزبەكستاننىڭ ماقتالىق القابىندا ستۋدەنتتەر اراسىندا توبەلەس شىققان. سونىڭ سالدارىنان ءبىر ستۋدەنت قازا تاۋىپ, ءۇش ستۋدەنت پىشاق جاراقاتىن الىپتى. توبەلەس جوعارى كۋرس ستۋدەنتتەرىنىڭ الىمجەتتىك كورسەتۋىنەن ورىن العان كورىنەدى.
*گرۋزيا پرەزيدەنتى ميحايل سااكاشۆيلي رەسەيلىكتەردى «باسقىنشىلار» دەپ ايىپتادى. ول «سوڭعى بىرنەشە ايدا رەسەيلىك باسقىنشىلار گرۋزيانىڭ 400 گەكتاردان استام جەرىن يەلەنىپ كەتتى» دەپ وتىر.
ينتەرنەت ماتەريالدارى نەگىزىندە ازىرلەندى.