بۇگىن ورتالىق سايلاۋ كوميسسياسىنىڭ وتىرىسى ءوتتى. وندا پارلامەنت سەناتىنىڭ دەپۋتاتى داريعا نۇرسۇلتانقىزى نازارباەۆانىڭ وكىلەتتىگىن توقتاتۋ تۋرالى شەشىم قابىلداندى. بۇل تۋرالى ورتالىق سايلاۋ كوميسسياسىنىڭ رەسمي سايتىندا جاريالاندى.
- قازاقستان رەسپۋبليكاسى كونستيتۋتسياسىنىڭ 52-بابى 5-تارماعىنا, «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» 1995 جىلعى 16 قازانداعى قازاقستان رەسپۋبليكاسى كونستيتۋتسيالىق زاڭىنىڭ 24-بابى 5 جانە 9-تارماقتارىنا سايكەس قازاقستان رەسپۋبليكاسى ورتالىق سايلاۋ كوميسسياسى قاۋلى ەتەدى:
1. قازاقستان رەسپۋبليكاسى پرەزيدەنتىنىڭ «د.ن. نازارباەۆا تۋرالى» 2020 جىلعى 2 مامىرداعى № 315 جارلىعىنىڭ قابىلدانۋىنا بايلانىستى قازاقستان رەسپۋبليكاسى پارلامەنتى سەناتىنىڭ دەپۋتاتى داريعا نۇرسۇلتانقىزى نازارباەۆانىڭ وكىلەتتىگى توقتاتىلدى دەپ بەلگىلەنسىن, - دەلىنگەن ورتالىق سايلاۋ كوميسسياسىنىڭ رەسمي سايتىندا.