الەۋمەتتىك جاعىنان از قامتىلعان وتباسىلارعا كومەكتەسۋ, مۇقتاج جاندارعا قولداۋ كورسەتۋ قايىرىمدىلىقتىڭ نەگىزگى قاعيداتتارىنىڭ ءبىرى. ال, قاسيەتتى رامازان ايىندا تۇرعىندارعا كورسەتىلگەن مۇنداي ساۋاپتى قولداۋدىڭ ماڭىزى ءتىپتى وراسان. وسىنداي ساۋاپتى ىسكە تاراز قالاسىنىڭ اكىمى ايتقازى قارابالاەۆ تا باستاماشى بولىپ, 200 ازاماتقا اۋىزاشار تاراتتى.
قالا اكىمدىگىنە قاراستى الەۋمەتتىك باعدارلامالار بولىمىنەن شاھارداعى كومەككە مۇقتاج تۇرعىنداردىڭ ءتىزىمى الىنىپ, ولارعا ارنايى ازىرلەنگەن اس ءمازىرى قالا اكىمدىگى قىزمەتكەرلەرىنىڭ جانە ەرىكتىلەردىڭ كومەگىمەن ۇيلەرىنە جەتكىزىلىپ بەرىلدى.
سونداي-اق, جامبىل وبلىسىنىڭ اكىمى بەردىبەك ساپارباەۆتىڭ تاپسىرماسىمەن بۇگىندە تاراز قالاسىنىڭ كوپتەگەن اۋماعىندا بىرقاتار قۇرىلىس جانە تازالىق جۇمىستارى بەلسەندى جۇرگىزىلۋدە. بۇل باستاما ەكى مىڭ جىلدان استام تاريحى بار كونە شاھاردىڭ زاماناۋي كەلبەتىن ارتتىرۋعا ءوزىنىڭ ۇلەسىن قوساتىنى ءسوزسىز. وسى ورايدا تاراز قالاسىنىڭ اكىمى سول جۇمىستارعا اتسالىسىپ جۇرگەن ازاماتتاردى اۋقاتتاندىرۋدى دا نازاردان تىس قالدىرمادى. ايتا كەتەيىك, قازاقستان مۇسىلماندارى ءدىني باسقارماسى بيىلعى جىلى ەلىمىزدە كوروناۆيرۋس ىندەتىنە بايلانىستى توتەنشە جاعدايدىڭ جاريالانۋىنا وراي, اۋىزاشاردى تەك تۇرعىنداردىڭ ۇيلەرىنە جەتكىزۋ قىزمەتى بويىنشا عانا ۇيىمداستىرۋ تۋرالى شەشىم شىعارعان ەدى.
جامبىل وبلىسى