نۇر-سۇلتان قالاسىنداعى ءارتۇرلى تۇرعىن ۇيلەردىڭ ءتورت پودەزى كارانتينگە الىندى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
«2 مامىردا ءارتۇرلى تۇرعىن ءۇيدىڭ, سونىڭ ىشىندە «نوماد» تۇرعىن ءۇي كەشەنىنىڭ پودەزدى كارانتينگە الىندى. پودەزدەردە دەزينفەكتسيا جۇمىستارى جۇرگىزىلدى. سول ۇيلەردەگى تۇرعىندارعا دالاعا شىعۋعا بولمايدى, ولار ۇيدە وتىرۋى كەرەك جانە ول پودەزدەرگە ەشكىمگە كىرۋگە بولمايدى», دەلىنگەن حابارلامادا.
اكىمدىكتىڭ مالىمەتىنشە, ول اۋماقتى پوليتسيا قىزمەتكەرلەرى كۇزەتىپ جاتىر.
«پودەزدەر كارانتينگە قالالىق سانيتارلىق دارىگەردىڭ قاۋلىسى بويىنشا جابىلادى. بۇل شارانىڭ ءبارى قالا تۇرعىندارىنىڭ قاۋىپسىزدىگى ءۇشىن جاسالعان», دەلىنگەن حابارلامادا.