قوستانايلىق كاسىپكەرلەر ەندى كەرەكتى كەڭەستەر مەن قۇجاتتارى ءۇشىن مەكەمە جاعالاپ جۇگىرمەيتىن بولدى. قوستاناي قالاسىنداعى بيزنەس ورتالىعىندا كاسىپكەرلەرگە قىزمەت كورسەتۋ ورتالىعى اشىلدى. وندا «دامۋ» كاسىپكەرلىكتى دامىتۋ قورىنان باستاپ كاسىپكەر جۇمىسىنا قاتىسى بار, بارلىق مەكەمەلەر وكىلدەرى بولادى. ولار كەلۋشىلەردى مەملەكەتتىك كومەك باعدارلامالارى تۋرالى اقپاراتتارمەن, قۇجاتتارمەن قامتاماسىز ەتەدى. كەڭەسشىلەر مەن مەنەدجەرلەر بيزنەسكە بايلانىستى ءتۇيىندى ماسەلەنىڭ شەشىمىن تابۋىنا كەڭەس-كومەگىن ايامايدى.
قوستانايلىق كاسىپكەرلەر ەندى كەرەكتى كەڭەستەر مەن قۇجاتتارى ءۇشىن مەكەمە جاعالاپ جۇگىرمەيتىن بولدى. قوستاناي قالاسىنداعى بيزنەس ورتالىعىندا كاسىپكەرلەرگە قىزمەت كورسەتۋ ورتالىعى اشىلدى. وندا «دامۋ» كاسىپكەرلىكتى دامىتۋ قورىنان باستاپ كاسىپكەر جۇمىسىنا قاتىسى بار, بارلىق مەكەمەلەر وكىلدەرى بولادى. ولار كەلۋشىلەردى مەملەكەتتىك كومەك باعدارلامالارى تۋرالى اقپاراتتارمەن, قۇجاتتارمەن قامتاماسىز ەتەدى. كەڭەسشىلەر مەن مەنەدجەرلەر بيزنەسكە بايلانىستى ءتۇيىندى ماسەلەنىڭ شەشىمىن تابۋىنا كەڭەس-كومەگىن ايامايدى.
– كاسىپكەرلىككە بايلانىستى بارلىق اقپاراتتار مەن قۇجاتتار «ءبىر تەرەزە» ۇستانىمىمەن جاسالعان وسى ورتالىقتان تابىلادى. كاسىپكەرلەر ۋاقىتىن ۇنەمدەۋ ءۇشىن وسى ورتالىققا بارلىق مەملەكەتتىك ورگاندار, كونسالتينگتىك كومپانيالار, ەكىنشى دارەجەلى بانكتەر, قارجى ينستيتۋتتارى ورنالاستىرىلدى. بيزنەسكە نيەت ەتكەن كىسى ورتالىق مەنەدجەرلەرىنەن بيزنەستى قالاي باستاۋدان ونى قالاي ساۋاتتى جۇرگىزۋ كەرەكتىگىنە دەيىن كەڭەس الۋىنا بولادى, – دەيدى وبلىس اكىمىنىڭ ورىنباسارى مۇرات دارىباەۆ.
بۇل كاسىپكەرلەرگە كومەك بەرەتىن رەسپۋبليكاداعى سەگىزىنشى ورتالىق بولىپ سانالادى. مۇندا كاسىپكەرلەردى بەلگىلى كۇندەرى قوستاناي وبلىسى بويىنشا سالىق دەپارتامەنتى جانە قالالىق سالىق باسقارماسى وكىلدەرى دە قابىلدايتىن بولادى.
كاسىپكەرلەرگە قىزمەت كورسەتۋ ورتالىعى ولاردى قولداۋدىڭ ءۇش ساتىلى قۇرىلىمىنىڭ سوڭعىسى بولىپ تابىلادى. وسى قۇرىلىمعا مۇنىمەن قوسا كاسىپكەرلىكتى قولداۋدىڭ موبيلدىك جانە مونوقالالارداعى كاسىپكەرلەردى قولداۋ ورتالىقتارى كىرەدى. جاڭا اشىلىپ وتىرعان ورتالىق كاسىپكەرلەردى بيزنەس ءىسىن ساۋاتتى جۇرگىزۋگە ۇيرەتۋمەن دە اينالىسادى. «دامۋ» قورىنداعى «بيزنەس-كەڭەسشى» باعدارلاماسى جۇمىس ىستەگەلى 41 مىڭ ادام بيزنەس ءىسى جونىندە تەگىن وقىدى. ەكونوميكانىڭ سان-سالاسىنداعى بيزنەس نەگىزدەرىنەن ءبىلىم بەرەتىن سەمينارلارعا قاتىسقاندار بىلىكتىلىگىن ارتتىرادى. ورتالىقتا كاسىپكەرلەر بۋحگالتەرلىك, زاڭگەرلىك, ماركەتينگتىك قىزمەتتەردى دە پايدالانا الادى.
ءنازيرا جارىمبەتوۆا,
«ەگەمەن قازاقستان».
قوستاناي.