شەتەلدە جۇرگەن قازاقستان ازاماتتارى ەندى 1414 بىرىڭعاي بايلانىس ورتالىعىنىڭ وپەراتورىمەن ونلاين-اۋديوجازبا ارقىلى بايلانىسا الادى.
1414 تەگىن قوڭىراۋ شالۋ ءۇشىن پايدالانۋشى egov.kz پورتالعا كىرىپ, تومەنگى وڭ جاق بۇرىشتا «ۆيرتۋالدى كەڭەسشى» ۆيدجەتىن باسۋ قاجەت. قالقىمالى تەرەزەدە قۇلاققاپ تۇرىندەگى بەلگىگە باسىپ, قوڭىراۋ شالۋ قاجەت.
ۆيرتۋالدى كەڭەسشى ارقىلى وپەراتورمەن بايلانىس جاساۋ ءۇشىن ميكروفون مەن قۇلاققاپ بولۋى قاجەت.
̶ بىزگە باسقا ەلدەردە جۇرگەن ازاماتتاردان وتىنىشتەر ءجيى كەلىپ تۇسكەن ەدى, ءبىز 1414 call-ورتالىعىنىڭ وپەراتورلارىمەن ينتەرنەت ارقىلى قوسىلۋ مۇمكىندىگىن قاراستىردىق. بۇگىن ءبىز وسىنداي مۇمكىندىكتى ىسكە قوستىق. ەگەر ينتەرنەت بولسا, 1414 كەڭەسشىسىمەن حابارلاسىپ, بارلىق سۇراقتارعا جاۋاپ الا الادى. سونداي-اق, كەڭەسشىمەن اڭگىمەسۋ بارىسىندا ءبىز كولەمى 20 مەگابايتتان اسپايتىن كەز كەلگەن فورماتتاعى فايلداردى بەكىتۋ جانە جىبەرۋ مۇمكىندىگىن قاراستىردىق,-دەدى «ۇات» اق باسقارما توراعاسى اسەت تۇرىسوۆ.
1414 بايلانىس ورتالىعى جۇمىس كۇندەرى 9:00-دەن باستاپ 21:00-گە دەيىن جانە سەنبى, جەكسەنبى كۇندەرى 9:00-دەن باستاپ 14:00-گە دەيىن جۇمىس ىستەيدى. توتەنشە جاعداي كەزىندە 366 مىڭنان استام قازاقستاندىق ءموبيلدى ازاماتتار بازاسىندا تىركەلگەن.
تج كەزىندە بايلانىس ورتالىعىنىڭ جۇمىسىنا حقكو-نىڭ 2000-نان استام قىزمەتكەرى تارتىلدى, بايلانىس ارنالارىنىڭ وتكىزۋ قابىلەتى مەن تەلەفونيا ونىمدىلىگى كەڭەيتىلدى. بۇدان باسقا, حقكو-نىڭ 1000-عا جۋىق قىزمەتكەرى كەڭەس الۋعا, سونداي-اق ءموبيلدى ازاماتتار بازاسىندا تىركەلۋ جانە ەتسق ونلاين-رەسىمدەۋ ءۇشىن جەكە باسىن سايكەستەندىرۋ ءۇشىن ءوتىنىش بىلدىرگەن ازاماتتاردىڭ بەينەقوڭىراۋلارعا جاۋاپ بەرەدى.