شىعىس قازاقستان: سەمەي اۋەجايىنا ۇلى ابايدىڭ ەسىمى بەرىلدى

بۇل تۋرالى سەمەي قالالىق مادەنيەت جانە تىلدەردى دامىتۋ ءبولىمىنىڭ باسشىسى نازەركە اققوجينا حابارلادى. ونىڭ ايتۋىنشا, عيماراتقا اقىننىڭ ەسىمىن بەرۋ جونىندەگى رەسپۋبليكالىق ونوماستيكالىق كوميسسيانىڭ شەشىمى شىعىپتى. «وسى شەشىمگە سايكەس 26 ءساۋىر كۇنى سەمەي حالىقارالىق اۋەجايىنا اباي ەسىمى بەرىلدى. ءتيىستى قۇجاتتار كەلدى. سونىمەن قاتار كوميسسيا شەشىمىمەن قالاداعى № 47 ورتا مەكتەپكە احمەت بايتۇرسىنوۆ, №37 ورتا مەكتەپكە ىبىراي التىنسارين, №39 مەكتەپكە ءاليحان بوكەيحانوۆ, №34 مەكتەپكە باۋىرجان مومىش ۇلى جانە № 2 مەكتەپكە قانىش ساتپاەۆ ەسىمدەرى بەرىلدى» دەيدى ن.اققوجينا.

سەمەي