ەل تاريحىندا ءۇردىس بولىپ قالىپتاسقان ەلباسىنىڭ جىل سايىنعى حالىققا جولداۋى ءبىز – جاستار ءۇشىن دە ۇلكەن ماڭىزعا يە. دۇنيە ءجۇزىن جاھاندىق داعدارىس ەڭسىرەتىپ جاتقاندا, ەگەمەندى ەلىمىز ەڭسەسىن بيىك ۇستاپ, دامۋ ستراتەگياسىن جۇزەگە اسىرۋدا. ارينە, قيىنشىلىقتار دا كەزدەستى, بىراق ءاربىر ماسەلە ءوز قولداۋىن, ءوز شەشىمىن تابۋ ۇستىندە. سونىڭ ءبىر ايقىن دالەلى رەتىندە اقىلى توپتا ۇزدىك وقيتىن ستۋدەنتتەردىڭ گرانتقا اۋىسۋىن اتاپ ايتۋعا بولادى.
بيىلعى ەلباسىنىڭ جولداۋى ءبىزدى تاعى ءبىر مارتە جاڭا باستامالارعا, جاڭا مۇمكىندىكتەرگە جەتەلەيتىنى ءسوزسىز. سەبەبى, بىزگە جۇكتەلگەن مىندەتتەر دە ايقىن. ءبىز دەپ وتىرعانىم, بۇل بولاشاقتىڭ بەرىك كەپىلى – جاستار. جاھاندى قارجىلىق قيىنشىلىق شالعان كەزدە, جاستار مەملەكەت تاراپىنان قولداۋعا يە بولدى. قارجىلىق تاپشىلىققا قاراماستان, ەلىمىزدىڭ مىڭداعان ستۋدەنتتەرى جوعارى ءبىلىمدەرىن جالعاستىرۋعا, ديپلومدارىن قولدارىنا تيگەندەرى جۇمىسقا تۇرۋعا مۇمكىندىك الدى. ەندى ءبىز دە ارتىلعان سەنىمدى اقتاپ, الدىمىزعا قويىلعان مىندەتتەردى مۇلتىكسىز ورىنداۋىمىز كەرەك.
ەلباسىنىڭ ونجىلدىققا جاساعان ستراتەگيالىق قادامى ەلىمىزدى تالاي تولاعاي تابىستار مەن جاڭا بيىكتەردەن كورسەتۋدىڭ مۇمكىندىگى دەپ بىلەمىن. بۇگىندە ەلىمىز دۇنيەجۇزىلىك ارەنادا ءوز ورنىن تاپتى. ونىڭ ايقىن دالەلى – ەلىمىز ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىق ەتىپ, ەۋروپانىڭ تورىنە شىقتى.
مەملەكەت الدىندا اشىلىپ جاتقان جاڭا مۇمكىندىكتەر ءبىز ءۇشىن قۋانتارلىق جاعداي. ەلباسىنىڭ بيىلعى جولداۋىندا يننوۆاتسيالىق-يندۋستريالىق دامۋ مەن ەكونوميكانى ءارتاراپتاندىرۋ باستى نازارعا الىنعان. ال بۇل جاستاردى عىلىم مەن بىلىمگە ودان ءارى بەت بۇرۋعا, جاڭا يننوۆاتسيالىق جوبالاردى جاساۋعا جانە كاسىپكەرلىكپەن اينالىسۋعا جەتەلەيتىنى ءسوزسىز.
مەملەكەتتىڭ حالىقارالىق بەدەلى مەن بايلانىستارى جاس كاسىپكەرلەر مەن عالىمدار ءۇشىن ۇلكەن ءمۇمكىندىك. وزگە مەملەكەت كاسىپكەرلەرىمەن تاجىريبە الماسىپ, ەلىمىزدەگى بيزنەستىڭ دامۋىنا جاڭاشىل باعىت بەرە الاتىن بولساق, وندا وتاندىق ءوندىرىستىڭ العا باسقانى. سول سەكىلدى, العان ءبىلىمىمىزدى زايا كەتىرمەي, ەلىمىزدىڭ گۇلدەنۋى مەن وركەندەۋى ءۇشىن جۇمسايتىن بولساق, وندا بىزگە جۇكتەلگەن مىندەتتەردىڭ اقتالعانى دەپ ەسەپتەيمىن.
ستراتەگيالىق جوسپارلار مەن ساليقالى ساياساتتىڭ ارقاسىندا بۇگىندە مەملەكەتىمىزدى الەم مويىنداپ وتىر. ال وسى ساياساتتىڭ باستى نەگىزى جىل سايىنعى ەل پرەزيدەنتىنىڭ قازاقستان حالقىنا جولداۋى ەكەنى ءسوزسىز.
بۇل كەلەشەكتىڭ كەمەل كىلتىن يەمدەنەتىن جالىندى دا جىگەرلى جاستاردىڭ ۇزىك ويى عانا. ال قوعامداعى وتانشىل يدەيا يەلەرىنىڭ بەرەر باعاسى مەن سارالار ويى بۇدان دا بيىك.
گۇلنۇر ماشتاقوۆا, “جاس وتان” جق مۇشەسى.
باتىس قازاقستان وبلىسى.