بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ۆەدومستۆونىڭ ونلاين رەجىمدە ءوتىپ جاتقان اپپاراتتىق كەڭەسىندە ايتتى.
– بىرىنشىدەن, بيىلعى قىركۇيەككە دەيىن ۆيدەوساباقتاردى IV توقساننىڭ باعدارلاماسى بويىنشا عانا ەمەس, بارلىق توقسانداعى تاقىرىپتارعا دا ءتۇسىرۋىمىز كەرەك. ەكىنشىدەن, ۆيدەوساباقتاردىڭ ساپاسى مەن كونتەنتىنە كوڭىل ءبولۋىمىز قاجەت. ارينە سىن ساعاتتا شۇعىل شەشىممەن جىلدام ءتۇسىرۋدى كوزدەدىك, ەندى الداعى ۋاقىتتا ۆيدەوساباقتارعا ءتيىستى مۋلتيمەديالاردى قوسىپ, جوعارى ساپادا دايىنداۋعا ءتيىسپىز. ۇشىنشىدەن, ۆيدەوساباقتاردىڭ ۇزاقتىعىن پانگە, سىنىپ ەرەكشەلىگىنە سايكەس قايتا قاراۋ كەرەك. بىرەۋىنە 10 مينۋت جەتكىلىكتى بولسا, باسقاسىنا مۇمكىن 20 مينۋت قاجەت شىعار. سوندىقتان وسى تۇرعىدان قاراپ, ءتيىستى زەرتتەۋ جۇرگىزىپ, ءبىر تۇجىرىمداماعا كەلگەنىمىز دۇرىس, – دەدى مينيستر.