تۇركىستان وبلىسىندا «جۇمىسپەن قامتۋدىڭ 2020 - 2021 جىلدارعا ارنالعان جول كارتاسىنا» سايكەس جاڭا عيماراتتار بوي كوتەرىپ, الەۋمەتتىك-مادەنيەت نىساندارى مەن تۇرعىن ءۇي-كوممۋنالدىق شارۋاشىلىق عيماراتتارىندا جوندەۋ جۇمىستارى جۇرگىزىلمەك.
سونداي-اق ينجەنەرلىك-كولىك ينفراقۇرىلىمدارىن قايتا جوندەۋدەن وتكىزىپ, ەلدى مەكەندەردى اباتتاندىرۋ كوزدەلگەن. وسى ماقساتتا وبلىستا 460 ينفراقۇرىلىمدىق جوبالار بەكىتىلىپ وتىر. ونىڭ ىشىندە 48 نىسان تۇركىستان قالاسىن دامىتۋ جوسپارىنا باعىتتالعان. بۇل دەرەكتەر وبلىس اكىمى ومىرزاق شوكەەۆتىڭ قاتىسۋىمەن وتكەن اپپارات ماجىلىسىندە كەلتىرىلدى. «جۇمىسپەن قامتۋدىڭ جول كارتاسى» شەڭبەرىندە ىسكە اسىرىلاتىن جوبالار تۋرالى بايانداعان وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىرباەۆا اۋقىمدى جۇمىستار بارىسىندا وڭىردە 25 مىڭعا جۋىق ۋاقىتشا جۇمىس ورنى اشىلاتىنىن ءمالىم ەتتى. جوبالار جۇزەگە اسقان سوڭ ەكى مىڭنان استام تۇراقتى جۇمىس ورىندارىن قۇرۋ كوزدەلگەن. ازاماتتاردىڭ ورتاشا جالاقىسى 85 مىڭ تەڭگەدەن تومەن بولمايدى.
قازىرگى تاڭدا, مەملەكەتتىك ساتىپ الۋدىڭ ەرەكشە تارتىبىنە سايكەس اۋدان, قالالاردا ينفراقۇرىلىمدىق جوبالاردى ىسكە اسىراتىن مەردىگەرلەردى انىقتاۋ جۇمىستارى باستالعان. مامىر ايىنىڭ ءبىرىنشى ونكۇندىگىنە دەيىن ينفراقۇرىلىمدىق جوبالاردىڭ باستالۋىن, ءتيىستى جۇمىس ورىندارىنا جۇمىسسىزداردىڭ تارتىلۋىن قامتاماسىز ەتۋ جوسپارلانىپ وتىر.
تۇركىستان وبلىسى