شارا ەل تاۋەلسىزدىگىنىڭ 25 جىلدىعىنا وراي ۇيىمداستىرىلدى. ينۆەستيتسيالىق فورۋمدا ماماندار پىكىر جارىستىرىپ, ەلىمىزدىڭ ينۆەستيتسيالىق احۋالىن ارتتىرار جۇمىستار, قولعا الىنعان جوبالار, جەتىستىكتەر مەن جوسپارلار جايىنداعى اقپاراتتارمەن ءبولىستى. شارانى ينۆەستيتسيالار جانە دامۋ ءمينيسترى جەڭىس قاسىمبەك اشىپ, ءسوز سويلەدى.
«قازاقستاننىڭ ينۆەستيتسيالار جانە دامۋ مينيسترلىگى وسى كونفەرەنتسيانىڭ ءوتۋىن مەملەكەتىمىزدىڭ ىسكەرلىك ءومىرىندەگى ماڭىزدى وقيعا رەتىندە قاراستىرادى. بۇل ءتۇرلى ەلدەردىڭ ساياسي جانە ءىسكەرلىك شەڭبەرىمەن ديالوگ, تىكەلەي قاتىناس ورناتۋدىڭ تاماشا مۇمكىندىگى. ءبىز بۇگىنگى كەزدەسۋدى ەلىمىزدىڭ ينۆەستيتسيالىق الەۋەتىنىڭ ىلگەرىلەۋىنىڭ ءتيىمدى ءتاسىلى دەپ بىلەمىز», دەدى ج.قاسىمبەك.
كونفەرەنتسيادا ءسوز العان ەۋروپا قايتا قۇرۋ جانە دامۋ بانكىنىڭ قازاقستانداعى بولىمشەسىنىڭ جەتەكشىسى دجانەت حەكمان الداعى جىلى قازاقستاننىڭ ىشكى جالپى ءونىمى وسەتىنىن ايتتى.
«ەۋروپا قايتا قۇرۋ جانە دامۋ بانكى قازاقستاندا بارلىق سالالاردى قارجىلاندىرىپ جاتىر. سول سەبەپتى باسقا xالىقارالىق ۇيىمدار مەن دونور كومپانيالارعا قاراعاندا, ءبىز وسى ەلدەگى جاعدايدى جاقسى بىلەمىز. بۇگىندە ءبىز ءباسپاسوز بەتتەرىندە سان الۋان بولجامداردى وقىپ ءجۇرمىز. دەگەنمەن, ءبىزدىڭ ەكونوميستەر بولاشاققا وپتيميستىك كوزقاراسپەن قاراپ وتىر. بىزدىڭشە, بۇگىندە قازاقستان مۇناي-گاز سالاسىنداعى ەكونوميكالىق قۇلدىراۋ كەزەڭىنەن ءوتتى. مەملەكەت اتالعان سىناقتى ءساتتى ەڭسەرە ءبىلدى. سوندىقتان بيىل ىشكى جالپى ءونىم شامامەن 0,7 پايىزعا وسەدى دەگەن بولجام بار. ال كەلەسى جىلى ول كورسەتكىش 2,4 پايىزعا كوتەرىلەدى. ءبىزدىڭ ەسەبىمىزگە سايكەس, قازىرگى كەزدە ينفلياتسيا ءوزىنىڭ شارىقتاۋ شەگىنە جەتتى. ەندى, اعىمداعى جىلدىڭ اياعىنا دەيىن, سوسىن كەلەسى ايدا اقشا مەن اكتيۆتەردىڭ اينالىمى قالىپتى دەڭگەيگە ورالادى», دەدى دجانەت حەكمان.
كونفەرەنتسيا جۇمىسىنا 100 قازاقستاندىق جانە اگرووندىرىستىك كەشەن, مەملەكەت-جەكەمەنشىك سەرىكتەستىگى, كەن-مەتاللۋرگيا كەشەنى, قۋات, مۇناي-گاز جانە بانك سەكتورلارى, اقپاراتتىق-كوممۋنيكاتسيالىق تەحنولوگيالار, يننوۆاتسيا, كولىك جانە لوگيستيكا, تاعام ءوندىرىسى, حيميالىق سالا, ماشينا قۇراستىرۋ, كەمە جاساۋ, مەديتسينا جانە تۋريزم سالاسىنداعى قازاقستاندىق جانە شەتەلدىك كومپانيالاردان 300-گە جۋىق ادام قاتىستى.
شارا شەڭبەرىندە قازاقستاننىڭ يندۋسترياسىنا, ينۆەستيتسيالىق قىزمەتتىڭ كەڭەيۋى مەن جوعارى تەحنولوگيالىق ءوندىرىستىڭ دامۋىنا قوسقان ۇلەستەرى ءۇشىن شەتەلدىك ينۆەستورلاردى جىل سايىنعى ماراپاتتاۋ ءراسىمى ءوتتى. ايتالىق, قاراشىعاناق مۇناي-گاز كەن ورنىن وڭدەۋ جانە پايدالانۋ بويىنشا «كپو» بىرلەسكەن كاسىپورنى, «Tenaris» يتاليالىق قۇبىر ءونىمىن ءوندىرۋشى جانە جەتكىزۋشى, جاپونيالىق ناۋubeniCorporation ۋران ءوندىرۋ, «HeidelbergCement» نەمىس قۇرىلىس ماتەريالدارىن ءوندىرۋشىسى, ەكولوگيالىق تازا وتىن دامىتۋمەن اينالىساتىن «KOLON» وڭتۇستىككورەيالىق كومپانيا, «ەفكو» رەسەيلىك ماي ءوندىرۋشىسى, «Kelun Kazpharm» قىتاي فارماتسەۆتيكالىق كومپانياسى, قازاقستاندا ULKER دەگەن اتپەن بەلگىلى «Pladis» تۇرىك كونديتەر بۇيىمدارىن ءوندىرۋشى كومپانياسى ماراپاتتالدى. سونداي-اق, قازاقستان ەكونوميكاسىنىڭ دامۋىنا قوسقان ينۆەستيتسيالىق بەلسەندىلىگى ءۇشىن ەۋروپا قايتا قۇرۋ جانە دامۋ بانكى جانە ۇكىمەت پەن شەتەلدىك ينۆەستورلار اراسىندا قاتىناس ورناتۋداعى ۇلەسى ءۇشىن «شەتەلدىك ينۆەستورلاردىڭ قازاقستان كەڭەسى» اسسوتسياتسياسىنىڭ دا ەڭبەكتەرى باعالاندى.
ينۆەستيتسيالار جانە دامۋ مينيسترلىگى مەن «KAZNEX INVEST» ەكسپورتتاۋ جانە ينۆەستيتسيالاۋ جونىندەگى ۇلتتىق اگەنتتىگى مۇرىندىق بولعان بۇل كونفەرەنتسيا اياسىندا يندۋستريالىق-يننوۆاتسيالىق جوبالاردىڭ ءبىرتۇتاس كورمەسى ءوتتى. وعان 70 قازاقستاندىق كومپانيا مەن كاسىپكەر قاتىستى.
دينارا بىتىكوۆا, «ەگەمەن قازاقستان»