قازاقستاندا توتەنشە جاعداي جاريالانعالى بەرى egov.kz پورتالى ارقىلى ونلاين تۇردە 4 306 اۆتوموبيل تىركەلدى. ال, وبلىس بويىنشا 164 كولىك ونلاين تىركەلگەن. ونىڭ ىشىندە 12 اۆتوكولىككە سالوننان ساتىپ الىنعان بويىندا ونلاين راسىمدەلگەن. ماڭعىستاۋ وبلىسى بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسى» كە اق ءباسپاسوز قىزمەتى حابارلادى.
ەسكە سالايىق, 26 ناۋرىزدان باستاپ قازاقستانداعى حالىققا قىزمەت كورسەتۋ ورتالىقتارى مەن اۆتوحقو-دىڭ جۇمىسى توقتاتىلعان. ەل تۇرعىندارى مەملەكەتتىك قىزمەتتەردى تەك ەلەكتروندىق ۇكىمەت پورتالىندا الا الادى.
- ءبىز مامانداندىرىلعان حقو-لار جابىلعاننان كەيىن ازاماتتار اراسىندا پورتال ارقىلى كولىك قۇرالدارىن قايتا تىركەۋ قىزمەتى سۇرانىسقا يە بولمايدى دەپ بولجادىق. سەبەبى ءالى دە كوبىسى كولىكتى اۆتوحقو-دا تىركەۋدى ءجون كورەدى. بىراق ستاتيستيكا كورسەتكەندەي, قازاقستاندىقتار توتەنشە جاعداي كەزىندە دە كولىك ساتىپ الىپ, ونى وزدىگىنەن قايتا تىركەۋگە قويا الادى, دەدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ماڭعىستاۋ وبلىسى بويىنشا فيليال ديرەكتورى ەربول بايجىگىت.
كولىكتەردى قايتا تىركەۋ قىزمەتى egov.kz پورتالىندا «كولىك جانە كوممۋنيكاتسيالار» بولىمىندە قولجەتىمدى. ونى ونلاين رەجيمىندە الۋ ءۇشىن ساتۋشى ەتسق-نى پايدالانىپ, egov.kz پورتالىنا كىرىپ, ساتىلاتىن كولىك تۋرالى اقپاراتتى ەنگىزىپ, ايىپپۇلدار مەن سالىقتار بويىنشا بەرەشەكتى تەكسەرۋگە سۇرانىس جىبەرۋى كەرەك. ەگەر بار بولسا, ەلەكتروندىق ۇكىمەت پورتالى ارقىلى تولەپ, وتىنىشكە ەتسق-مەن قول قويادى. وسىدان كەيىن ساتىپ الۋشى ەلەكتروندى ۇكىمەت پورتالىنداعى جەكە كابينەتىندەگى وتىنىشپەن تانىسا الادى, وندا ايىپپۇلداردى تەكسەرىپ بولعاننان كەيىن مەملەكەتتىك ءنومىر جانە تەحپاسپورت ءۇشىن ءتيىستى الىمدار مەن تىركەۋ جارناسىن تولەۋى ءتيىس. ساتىپ الۋشى مامىلەنى ءوزىنىڭ ەلەكتروندىق تسيفرلىق قولتاڭباسىمەن راستايدى. كەيىن اۆتوحقو-عا تەك دايىن بولعان ءنومىر مەن تەحنيكالىق تولقۇجاتتى الىپ كەتۋ ءۇشىن بارادى.
ماڭعىستاۋ وبلىسى