قازىرگى تاڭدا ەلىمىزدە كوروناۆيرۋس ىندەتىنە قارسى كەشەندى شارالار اتقارىلىپ جاتقانى بەلگىلى. ەل ازاماتتارىنىڭ كوپشىلىگى تۇسىنىستىك تانىتىپ, كارانتين تالاپتارىن ورىنداۋدا. الايدا مەملەكەتتىك ورگانداردىڭ ەسكەرتۋلەرىنە نازار اۋدارماي, شەكتەۋلەر مەن تىيىمداردى بۇزىپ, ءوز دەگەنىمەن جۇرگىسى كەلەتىندەر دە از ەمەس.
سوڭعى كەزدەرى تالاپقا ءاتۇستى قاراعان وسىنداي «تارتىپسىزدەردىڭ» ءىسى سوتقا كوپتەپ تۇسۋدە. تۇركىستان وبلىستىق سوتىنىڭ ءباسپاسوز قىزمەتى حابارلاعانداي, سوت قاراۋىنا توتەنشە جاعداي رەجيمىن بۇزۋ فاكتىلەرىنە قاتىستى 699 اكىمشىلىك ءىس تۇسكەن. ونىڭ 450-نە اكىمشىلىك ايىپپۇل سالىنسا, 133 ادام قاماۋعا الىنعان. ال 106 ءىس بويىنشا ەسكەرتۋ جاريالانىپ, 8 جاعدايدا ءىس قىسقارتىلعان.
جالپى, قۇقىق بۇزۋشىلىق جاعدايلار وبلىستىڭ بارلىق اۋدان-قالالارىندا كەزدەسۋدە. دەگەنمەن, سونىڭ ىشىندە تۇركىستان, كەنتاۋ قالالارى مەن تولەبي, قازىعۇرت, سارىاعاش, تۇلكىباس اۋداندارىنىڭ ۇلەسى باسىم.
تۇركىستان وبلىسى