توتەنشە جاعداي رەجيمىن قامتاماسىز ەتۋ جونىندەگى جەدەل شتابتىڭ مالىمەتىنە سۇيەنسەك, تەڭىز كەنىشىنىڭ 10 جۇمىسشىسىنان قاۋىپتى ىندەتتىڭ بەلگىسى انىقتالىپ وتىر.
ونىڭ توعىزى – (1996, 1992, 1983, 1992, 1993, 1980, 1979, 1970, 1960 جىلدارى تۋعان) ەر ادام, بىرەۋى – 1989 جىلعى ايەل. ولار كوروناۆيرۋس جۇقتىرعاندارمەن بايلانىستا بولعاندىقتان, بۇعان دەيىن كارانتيندىك ستاتسيونارعا جاتقىزىلعان.
– ولاردان زەرتحانالىق سىنامالار الىنىپ, پتر دياگنوستيكالىق زەرتتەۋ ناتيجەلەرى بويىنشا COVID-19 دياگنوزى قويىلدى. قازىرگى تاڭدا ناۋقاستار جۇقپالى اۋرۋلار اۋرۋحاناسىنا جاتقىزىلدى. جاعدايلارى قاناعاتتانارلىق, بەكىتىلگەن حاتتاماعا سايكەس ەم الىپ جاتىر. ناۋقاستارمەن قارىم-قاتىناستا بولعان ادامدار انىقتالىپ, بارلىعى مەديتسينالىق باقىلاۋعا الىندى. اۋرۋ وشاقتارىندا ەپيدەميولوگيالىق زەرتتەۋ, زالالسىزداندىرۋ جۇمىستارى جۇرگىزىلۋدە, -دەپ حابارلادى جەدەل شتابتان.
بۇگىنگى, 25 ساۋىردەگى تاڭەرتەڭگى جاعداي بويىنشا اتىراۋدا COVID-19 ينفەكتسياسىن جۇقتىرعان 98 ادام تىركەلگەن. جازىلىپ شىققاندار – 35 ادام.