شىعىس قازاقستان: «سەمەي ورمانى» رەزەرۆاتىندا ءورت شىقتى

 بۇل تۋرالى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز حاتشىسى ساكەن دىلداحمەت حابارلادى.

ونىڭ ايتۋىنشا, ءورت «سەمەي ورمانى» رەزەرۆاتىنىڭ دولون فيليالىنا قاراستى بايداۋلەت ورمانشىلىعىندا ساعات 15:00 كەزىندە شىققان.

ءورت شامامەن 100 گەكتار اۋماقتى شارپىعان. «ساعات 15:35-تە وسكەمەننەن سۋ بۇرىككىش قۇرىلعىسى بار 1 كلاستى مي-8 تىكۇشاعى وقيعا ورنىنا شىقتى. ورمانداعى ءورتتى سوندىرۋگە 26 ءورت ماشيناسى, 4 ورمان ءورتى كەشەنى, 3 تراكتور, 2 پاترۋل كولىگى, 1 مي-2 تىكۇشاعى جانە ۇزىن سانى 75 ادام جۇمىلدىرىلعان» دەپ جازادى ساكەن دىلداحمەت ءوزىنىڭ فەيسبۋكتەگى پاراقشاسىندا.

 شىعىس قازاقستان وبلىسى

(سۋرەتتەر س.دىلداحمەتتىڭ  فەيسبۋكتەگى پاراقشاسىنان الىندى)