الماتى قالالىق كاسساتسيالىق سوت القاسىنىڭ شەشىمىمەن قالالىق اپەللياتسيالىق سوت القاسىنىڭ سۋدياسى كۇلپاش وتەمىسوۆا ۋاقىتشا ۇستاۋ وقشاۋلاعىشىنا قامالدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
الماتى قالالىق كاسساتسيالىق سوت القاسىنىڭ شەشىمىمەن قالالىق اپەللياتسيالىق سوت القاسىنىڭ سۋدياسى كۇلپاش وتەمىسوۆا ۋاقىتشا ۇستاۋ وقشاۋلاعىشىنا قامالدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
بيىلعى جىلدىڭ ناۋرىز ايىندا الماتى قالالىق مامانداندىرىلعان اۋدانارالىق سوتى ادام ءولتىرۋدى ۇيىمداستىرعانى جانە اتىس قارۋىن, وق-دارىلەردى ساقتاعانى ءۇشىن ا.سۋتياگينسكيدىڭ مۇلكىن تاركىلەپ, 12 جىلعا باس بوستاندىعىنان ايىرعان بولاتىن. وسى ءىستى قايتا قاراعان الماتى قالالىق اپەللياتسيالىق سوت القاسىنىڭ سۋدياسى ك. وتەمىسوۆا سوتتالۋشىنىڭ اتىس قارۋىن, وق-دارىلەردى زاڭسىز ساقتاماعانىنا «جالعان» دالەل كەلتىرىپ, ونى شارتتى تۇردە 6 جىلعا باس بوستاندىعىنان ايىرۋعا ۇكىم شىعارىپتى.
ارتىنشا وسى شاھارداعى كاسساتسيالىق سوت القاسى ك.وتەمىسوۆانىڭ زاڭعا قايشى كەلەتىن ۇكىم شىعارعانىن انىقتاپ بەردى. مۇنىڭ سوڭىن الا قىلمىستىق جاۋاپكەرشىلىكتەن وڭاي قۇتىلىپ, قاشىپ كەتكەن ا.ا.سۋتياگينسكيگە ىزدەۋ جاريالاندى. ال وعان شەكتەن تىس «جۇمساقتىق» تانىتىپ, ايىپتالۋشىنىڭ قاشىپ كەتۋىنە جول بەرگەن سۋديانىڭ ۇستىنەن ەندى قىلمىستىق ءىس قوزعالاتىن ءتۇرى بار.
دانيار تۇيمەباي.