جۇقپالى ىندەتتىڭ جامانات حابارى شىققالى ەل ىشىنە الاڭ كىرگەنى راس. الدىمەن اينالامىزداعى ادامداردىڭ, ۇيدەگى بالا-شاعامىزدىڭ اماندىعىن تىلەپ, ساقتىقتى كۇشەيتتىك. پرەزيدەنت قاسىم-جومارت توقاەۆتىڭ جارلىعىمەن توتەنشە جاعداي جاريالانىپ, كوروناۆيرۋستىڭ تارالۋىنا توسقاۋىل بولاتىن شارالار قابىلدانعالى شارۋانى جيىپ قويىپ, ۇيدەن شىقپاۋدى ۇيعاردىق.
بۇل دەرتتى جەڭۋدىڭ بىردەن ءبىر جولى – اركىم ءوز وتباسىن وقشاۋلاپ, بەيساۋات ءجۇرىستى تىيۋ. اۋىل-ايماق بولىپ وسى ەرەجەگە باعىندىق. ارينە ءبىزدىڭ تىرشىلىگىمىز ساۋدا-ساتتىق پەن قىزمەت كورسەتۋ سالاسىنداعى شاعىن جانە ورتا بيزنەس سالاسىنا جاتاتىندىقتان, جۇمىسىمىزدى توقتاتىپ, تابىسسىز قالۋ وڭاي بولعان جوق. الاكول اۋدانى بويىنشا شاعىن كاسىپپەن اينالىساتىن ءار ادام كەمىندە بىرنەشە جۇمىسشىنى جۇمىسپەن قامتىپ وتىرعان بولاتىن. توتەنشە جاعدايعا بايلانىستى ولار دا كۇندىك تابىسىنان ايىرىلدى. وسى ساتتە مەملەكەت قيىندىقپەن بەتپە-بەت قالدىرماي, تابىس تابۋ مۇمكىندىگىنەن ۋاقىتشا قول ۇزگەن ساناتقا قول ۇشىن سوزدى. الەۋمەتتىك قوردان تولەنەتىن 42500 تەڭگە وتەماقىنى الدىم. قاراماعىمدا جۇمىس ىستەيتىن ادامدار دا تولەماقىعا قۇجات وتكىزىپ, اقشا الىپ جاتىر. قيىن قىستاۋ كەزدە قاراپايىم حالىقتىڭ قامىن ويلاعان ەل اعالارىنا العىسىمىز شەكسىز.
ەلەنا تۋنياكينا,
جەكە كاسىپكەر
الماتى وبلىسى,
الاكول اۋدانى