شىمكەنتتە كوروناۆيرۋسقا قارسى جۇمىستار كۇشەيتىلدى

شىمكەنتتە 1 مامىرعا دەيىن بىرقاتار شەكتەۋ ەنگىزىلدى

كوروناۆيرۋستىق ينفەكتسيانىڭ (COVID-19) تارالۋىنا جول بەرمەۋ جانە ەپيدەميولوگيالىق جاعدايدىڭ اسقىنۋىنىڭ الدىن الۋ ماقساتىندا شىمكەنت قالاسىنىڭ باس مەملەكەتتىك سانيتاريالىق دارىگەرىنىڭ 2020 جىلعى 18 ساۋىردەگى №11 «كارانتيندىك شارالاردى كۇشەيتۋ تۋرالى» قاۋلىسى شىققان بولاتىن.   

شىمكەنت قالاسى اكىمىنىڭ ورىنباسارى ماقسۇت يساحوۆ مالىمدەۋىنشە, اتالعان قاۋلىعا سايكەس, شىمكەنت قالاسىنىڭ بارلىق اۋماعىندا 2020 جىلدىڭ 19 ءساۋىرى ساعات 00:00-دەن باستاپ 01.05.2020 جىلى ساعات 07.00-گە دەيىن بىرقاتار شەكتەۋلەر ەنگىزىلدى. 

-اتاپ ايتساق, ايىرباستاۋ پۋنكتتەرىنىڭ, ميكروفينانستىق ۇيىمداردىڭ قىزمەتىن ونلاين جۇمىس رەجيمىنە جانە «كليەنتتەرگە دەيىن جەتكىزۋ» ءپرينتسيپى بويىنشا كوشىرۋ ارقىلى ۋاقىتشا شەكتەلەدى. سونىمەن بىرگە, قالادا قوعامدىق كولىكتەر دە جۇمىسىن توقتاتادى. 65 جاستان اسقان ازاماتتارعا جانە 18 سەگىز جاسقا تولماعان ازاماتتار تۇرعىن ۇيدەن ەرەسەك ادامنىڭ سۇيەمەلدەۋىنسىز شىعۋىنا تىيىم سالىندى. بۇل رەتتە شىمكەنت قالاسىنىڭ پوليتسيا دەپارتامەنتىنىڭ, ىشكى ىستەر مينيسترلىگىنىڭ ۇلتتىق گۆاردياسىنىڭ, قورعانىس مينيسترلىگىنىڭ اسكەري قۇرىلىمدارىنىڭ كۇشتەرىمەن كارانتيندىك اۋماقتى پاترۋلدەۋ تاپسىرىلدى, - دەدى قالا اكىمىنىڭ ورىنباسارى م. يساحوۆ. 

قوعامدىق كولىكتەر ۋاقىتشا توقتاتىلدى

بۇل تۋرالى شىمكەنت قالاسى جولاۋشىلار كولىگى جانە اۆتوموبيل جولدارى باسقارماسى قوعامدىق كولىك ءبولىمىنىڭ باسشىسى ناۋرىز سۇگىراليەۆ مالىمدەدى.

-كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن, تۇرعىنداردىڭ ءومىرىن جانە دەنساۋلىعىن قورعاۋ ماقساتىندا, 2020 جىلعى 18 ساۋىردەگى شىمكەنت قالاسىنىڭ باس مەملەكەتتىك سانيتاريالىق دارىگەردىڭ №11 قاۋلىسىنا سايكەس,  2020 جىلى 19 ساۋىردەن 1 مامىرعا دەيىن قالالىق قوعامدىق كولىكتىڭ جۇمىسى ۋاقىتشا توقتاتىلادى, - دەدى ن. سۇگىراليەۆ.

دەگەنمەن, قالادا ارنايى تىركەلگەن 11 تاكسي كومپانياسى جۇمىسىن جالعاستىرادى. ولاردا 2 ادامنان ارتىق جولاۋشى الۋعا بولمايدى. تىركەلمەگەن تاكسي قىزمەتىنە رۇقسات ەتىلمەيدى.

قالا اكىمى پرەزيدەنتكە اتقارىلعان جۇمىستاردى باياندادى

مەملەكەت باسشىسى قاسىم-جومارت توقاەۆ شىمكەنت قالاسىنىڭ اكىمى مۇرات ايتەنوۆپەن تەلەفون ارقىلى سويلەستى. تالقىلاۋدىڭ نەگىزگى تاقىرىبى – كوروناۆرۋسپەن كۇرەس, قازىرگى سانيتارلىق-ەپيدەميولوگيالىق جاعداي جانە ايماقتارداعى كارانتيندىك شارالاردىڭ ورىندالۋى جايى ايتىلدى. مەملەكەت باسشىسىنىڭ ازاماتتارعا الەۋمەتتىك كومەك كورسەتۋ, شاعىن جانە ورتا بيزنەستىڭ كەزەڭ-كەزەڭمەن ىسكە قوسۋ, كوكتەمگى دالا جۇمىستارى مەن جۇمىسپەن قامتۋدىڭ جول كارتاسىن ىسكە اسىرۋ تۋرالى تاپسىرمالارىنىڭ ورىندالۋى ءسوز بولدى. اتالعان ماسەلە بويىنشا شىمكەنت قالاسىنىڭ اكىمى پرەزيدەنتكە قازىرگى جاعدايدى بايانادادى. 

مۇرات دۇيسەنبەك ۇلى مەملەكەت باسشىسىنا ەلىمىزدە توتەنشە جاعداي جاريالانعان ساتتەن باستاپ, ءبىرىنشى كەزەكتە ميلليوندى قالا اۋماعىنا 18 سانيتارلىق بۇعاتتاۋ بەكەتى قويىلعانىن اتاپ ءوتتى. ول جەرلەردە قۇزىرلى ورگان وكىلدەرىنەن جاساقتالعان توپتار تاۋلىك بويى ءۇش اۋىسىمدا جۇمىس ىستەپ جاتقانىن, العى شەپتەگى قىزمەتكەرلەر قاجەتتى مەديتسيتسنالىق كيىمدەرمەن تولىق قامتىلعانىن جەتكىزدى.

ەلدەگى قالىپتاسقان جاعدايعا بايلانىستى 4 ساۋىردەن باستاپ قالا اۋماعىندا كارانتين جاريالانىپ, بارلىق ساقتىق شارالارى كۇشەيتىلگەن.  

قالا  اۋماعى تولىقتاي  زالالسىزداندىرىلۋدا. وعان قوسىمشا كۇش رەتىندە مەملەكەت باسشىسىنىڭ جارلىعىمەن جاساقتالعان 100 اسكەري مىندەتتى سارباز دا تارتىلعان. شىمكەنتتە مەديتسينالىق قورعانىس قۇرالدارىنىڭ ماسەلەسى شەشىلگەن. 

ءوز سوزىندە ايتەنوۆ پرەزيدەنتكە ء«وزىڭىزدىڭ تاپسىرماڭىزبەن قولعا الىنعان الەۋمەتتىك تولەم 42,500 تەڭگەنى  شىمكەنتتەن 225 مىڭ ادام الدى. ال ء«بىز بىرگەمىز» اكتسياسى نەگىزىندە  از قامتاماسىز ەتىلگەن  22 مىڭعا جۋىق ادامعا 50 مىڭ تەڭگە كولەمىندە ءبىر رەتتىك كومەك بەرىلدى», - دەدى.  

توتەنشە جاعداي كەزىندە كوممۋنالدىق قىزمەت ءتاريفى تومەندەدى

مەملەكەت باسشىسى قاسىم-جومارت توقاەۆ 23 ناۋرىزدا توتەنشە جاعداي كەزىندە كوممۋنالدىق قىزمەت تۇرلەرىنىڭ ءتاريفىن تومەندەتۋدى تاپسىرعان بولاتىن. وسىعان وراي, 2020 جىلدىڭ 1 ساۋىرىنەن باستاپ شىمكەنت قالاسىندا كوممۋنالدىق قىزمەتتەردىڭ تاريفتەرى تومەندەتىلگەن. 

شىمكەنت قالاسىندا كوممۋنالدىق قىزمەت كورسەتەتىن تابيعي مونوپوليالار سۋبەكتىلەرى توتەنشە جاعداي كەزەڭىندە قالا تۇرعىندارىنىڭ قارجىلىق جۇكتەمەسىن تومەندەتۋ ماقساتىندا جانە قوعامدىق كەلىسىمنىڭ تۇراقتىلىعىنىڭ ماڭىزدىلىعىن ەسكەرە وتىرىپ, 2020 جىلدىڭ 1 ساۋىرىنەن باستاپ ءوز باستاماسىمەن تومەندەگى قىزمەتتەر بويىنشا تاريفتەردى تومەندەتۋ تۋرالى شەشىم قابىلدادى:

1) «سۋ رەسۋرستارى – ماركەتينگ» جشس:

- سۋمەن جابدىقتاۋ قىزمەتىنە تاريف – 88,17 تەڭگەدەن 83,75 تەڭگەگە دەيىن (ققس-مەن بىرگە) نەمەسە 5% -عا تومەندەتىلدى;

- سۋ بۇرۋ قىزمەتىنە تاريف – 35,13 تەڭگەدەن 33,38 تەڭگەگە دەيىن (ققس-مەن بىرگە) نەمەسە 5%-عا;

2) «قۋاتجىلۋورتالىق-3» مكك:

- ىستىق سۋمەن جابدىقتاۋ قىزمەتىنە ەسەپتەۋ قۇرالدارىمەن قامتىلماعان جەكە تۇلعالارعا ءتاريفى 1 ادامعا 736,53 تەڭگەدەن 662,88 تەڭگەگە دەيىن (ققس-مەن بىرگە) نەمەسە 10% -عا تومەندەتىلدى;

–ەسەپتەۋ قۇرالدارىمەن قامتىلعان جەكە تۇلعالارعا ىستىق سۋمەن جابدىقتاۋ قىزمەتىنە تاريف 1 م3-گە 230,16 تەڭگەدەن 207,14 تەڭگەگە دەيىن (ققس-مەن بىرگە) نەمەسە 10% -عا;

3) «تاسكۋدىك باك» جشس:

-   تۇرعىندار سۋمەن جابدىقتاۋ قىزمەتىنە تاريف 70,99 تەڭگەدەن      

     67,44 تەڭگەگە دەيىن (ققس-مەن بىرگە) نەمەسە 5%-عا; 

  4) «جەنيس ت» جشس:

  - تاۋارلىق گازدى تاسىمالداۋ قىزمەتىنە تاريف 3916,82 تەڭگەدەن 3720,98 تەڭگەگە دەيىن (ققس-مەن بىرگە) نەمەسە 5%-عا;

5) «سايرام سۋ» جشس:

- سۋمەن جابدىقتاۋ قىزمەتىنە تاريف 72,08 تەڭگەدەن 68,48 تەڭگەگە دەيىن (ققس-مەن بىرگە) نەمەسە 5% -عا تومەندەتىلدى.

100 اسكەري مىندەتتى قىزمەتكە كىرىستى

مەملەكەت باسشىسى قاسىم-جومارت توقاەۆ ەلىمىزدەگى توتەنشە جاعدايعا بايلانىستى اسكەري مىندەتتىلەردى ارنايى جيىنعا شاقىرۋ جونىندەگى جارلىق شىعارعان بولاتىن. پرەزيدەنتتىڭ بۇل باستاماسىن شىمكەنتتىك جاستار دا شىنايى قولداپ, ەل ءۇشىن تەر توگۋگە بەلدەرىن بەكەم بۋىپ وتىر. 

بەيبىت كۇنى اسكەرگە شاقىرتىلعان ساربازدار قالادا زالالسىزداندىرۋ جۇمىسىنا قاتىسادى. وعان قوسا سانيتارلىق بۇعاتتاۋ بەكەتتەرىنە كومەككە بارادى. 

«ساربازدار قالاداعى 4 اۋدانعا 25-تەن ءبولىندى. ولار 13 ءساۋىر مەن 14 مامىر ارالىعىندا زالالسىزداندىرۋ جۇمىستارىنا كومەكتەسەدى. ولاردى تاسىمالداۋ مەن تاماق ماسەلەسى شەشىلگەن», - دەپ اتاپ ءوتتى قالا اكىمىنىڭ ورىنباسارى الماسبەك كەڭەسبەك ۇلى.

ايتا كەتەتىن ماسەلە, جۇمىسى بار ەرىكتىلەردىڭ ايلىق جالاقىسى ساقتالادى. ەرىكتىلەر بۇنداي قادامعا پايدا ءۇشىن ەمەس, وتان ءۇشىن بارعانىن ايتتى. 

ساۋدا قويمالارىندا ازىق-ت ۇلىك جەتكىلىكتى

«Nur Otan» پارتياسى شىمكەنت قالالىق فيليالى جانىنداعى پارتيالىق باقىلاۋ كوميسسياسىنىڭ مۇشەلەرى قالا تۇرعىندارىنا ازىق-ت ۇلىكتىڭ جەتكىلىكتىلىگىنە كوز جەتكىزۋ ماقساتىندا «سانجار» ساۋدا-لوگيستيكالىق ورتالىعىنىڭ جۇمىسىمەن تانىستى. ورتالىقتا «سۇلتان», «ماركەتينگ», «ادەلينا», «الينا-3», «داريول», «ماسلو-دەل» جشس-ءى ورنالاسقان. نەگىزىنەن وندا ساقتالاتىنى - ازىق-ت ۇلىك تاۋارلارى. قازىرگى تاڭدا ورتالىققا كۇندىگىنە 350-400 توننانىڭ كولەمىندە ازىق-ت ۇلىك اكەلىنىپ, تاراتىلۋدا. 

تاۋارلار قازاقستاننىڭ بۇكىل ايماعىنان جانە الىس, جاقىن شەت مەملەكەتتەردەن (پاكىستان, يران, قىتاي, رەسەي, بەلارۋس جانە ت.ب.) جەتكىزىلەدى. ءبىر عانا ماسلو-دەل جشس-ءى كۇندىگىنە 10 تونناعا جۋىق تاۋارىن قالا تۇرعىندارىنا ۇسىنۋدا جانە ءىرى ساۋدا ورتالىقتارىنا مەكەمە ءوزى جەتكىزىپ بەرىپ وتىرادى. مەكەمە باسشىلارى ەلىمىزدە توتەنشە جاعداي جاريالانعاننان بەرى ونىمدەرگە سۇرانىستىڭ ەكى ەسە ارتقانىن ايتىپ وتىر.

شىمكەنتتە قۇرىلىس قارقىنى تومەندەمەيدى

توتەنشە جاعداي كەزىندە شىمكەنتتەگى قۇرىلىس قارقىنى باسەڭدەمەيدى. كارانتين جۇمىسقا قولبايلاۋ بولماۋى كەرەك. بارلىق مۇمكىندىكتى قاراستىرا وتىرىپ, جۇمىستى جۇيەلەگەن ءجون.  قايتا وسىنداي ساتتە وزگە وڭىرلەردەن كەلىپ, ۇيىندە بوس جاتقان قولىنان ءىس كەلەتىن مامانداردى كوپتەپ ەڭبەككە تارتۋ جاعىن قاراستىرعان دۇرىس. دەگەنمەن, ازاماتتاردىڭ قاۋىپسىزدىگى باستى نازاردا بولۋى ءتيىس.

«شىمكەنت سيتي» شاعىناۋدانىنداعى سالىنىپ جاتقان كوپقاباتتى تۇرعىن ۇيلەردىڭ قۇرىلىسىن ارالاپ كورگەن قالا اكىمى مۇرات ايتەنوۆ وسىلاي, دەدى. 

ميلليوندى قالا باسشىسى مەردىگەرلەرگە قيىن-قىستاۋ كەزەڭدە جۇمىسسىز جۇرگەن ازاماتتاردى قۇرىلىسقا تارتۋعا شاقىردى. دەگەنمەن  جۇمىسشىلاردىڭ دەنساۋلىعىن ءجىتى باقىلاۋدا ۇستاۋدى تاپسىردى. مۇرات دۇيسەنبەك ۇلى قازىرگىدەي كەزەڭدە كوپشىلىكتى ءوز دەنساۋلىعى ءۇشىن, قاۋىپسىزدىگىن ەسكەرىپ, ۇيلەرىندە وتىرۋعا  شاقىردى. 

قالا اكىمى بارعان نىساننىڭ ءبىرى 16 قاباتتى «فرانتسۋز» ستيلىندەگى 4 ءۇي. قۇرىلىستى  «وتاۋ ستروي» كومپانياسى جۇرگىزىپ جاتىر. 

باس ينجەنەر ابجات اكيموۆتىڭ ايتۋىنشا «360 پاتەرلى تۇرعىن ءۇي جۇمىستارىنىڭ نەگىزگى بولىكتەرى اياقتالعان. قازىر ىشكى جوندەۋ جانە قاس بەتتەرىن قاپتاۋ جۇمىستارى ءجۇرىپ جاتىر. قۇرىلىسقا 3 ميلليارد 955 ميلليون تەڭگە قارالعان. قالا اۋماعىندا كارانتين جاريالانۋىنا بايلانىستى شەتتەن كەلىپ جۇمىس ىستەيتىن قىزمەتكەرلەردىڭ بىرقاتارى كەلە الماي قالعان. 

قازىر جەرگىلىكتى ازاماتتاردى جۇمىسقا تارتۋ بويىنشا وتىمدەر قابىلدانىپ جاتىر. وعان قوسا قالالىق جۇمىسپەن قامتۋ ورتالىعىنا جالپى قالا اۋماعىنداعى قۇرىلىستارعا قاجەتتى 443 قۇرىلىسشى مامانعا سۇرانىم بەرىلگەن. 

نىساندى ارالاپ كورگەن قالا اكىمى قاجەتتى قۇرىلىس ماتەريالدارىن تاسىمالداۋشى كولىكتەرگە قالادا ءجۇرىپ تۇرۋىنا ەشقانداي كەدەرگى بولماۋ كەرەكتىگىن اتاپ ءوتتى. وعان قوسا قاجەتتى قۇرىلىس زاتتارىن ساتاتىن كوتەرمە قويمالارعا دا مۇمكىندىك جاسالعانىنا توقتالدى. قۇرىلىسشىلارمەن سويلەسكەن مۇرات دۇيسەنبەك ۇلى مەردىگەرگە تۇرعىن ءۇيدى, قالا كۇنىنە وراي تاپسىرۋ كەرەكتىگىن ەسكەرتتى.  

21 864 مۇقتاج ازاماتقا 50 مىڭ تەڭگەدەن كومەك بەرىلدى

شىمكەنت قالاسى اۋماعىندا توتەنشە جاعدايدىڭ ەنگىزىلۋىنە بايلانىستى قالا حالقىنىڭ وسال توپتارىنا جان-جاقتى الەۋمەتتىك كومەك كورسەتۋ جۇمىستارى جالعاسۋدا. 

ەلباسىنىڭ باستاماسىمەن قۇرىلعان «BIRGEMIZ» قوعامدىق قورىنا رەسپۋبليكا بويىنشا ءتۇرلى كاسىپكەرلەر مەن مەتسەناتتار قارجى قۇيىپ, وسىناۋ قىسىلتاياڭ شاقتا ەلگە كومەك بەرۋگە نيەتتى ەكەنىن بىلدىرۋدە. 

وسى ورايدا «Birgemiz» قورىنان 21 864 شىمكەنتتىكتىڭ ەسەپشوتىنا 50 مىڭ تەڭگەدەن ءبىر رەتتىك قارجى اۋدارىلدى. بۇل ساناتتاعى ءى توپتاعى مۇگەدەكتەر, از قامتىلعان وتباسىلار, ەڭ تومەنگى زەينەتاقى الاتىن زەينەتكەرلەر, ءبىر سوزبەن ايتقاندا قازىرگى كەزدە اۋىر جاعدايدا قالعان وتباسىلارعا قولداۋ جاسالدى. كومەك قالاعا قاراستى ءتورت اۋداننىڭ اكىمدىكتەرى بەكىتكەن ءتىزىم بويىنشا جاسالدى.

ارنايى تىركەۋ پورتالى ىسكە قوسىلدى

شىمكەنتتە كولىكتەر مەن ازاماتتاردىڭ قوزعالىسىن تىركەيتىن پورتال ىسكە قوسىلدى. بۇل تۋرالى اقپاراتتىق-كوممۋنيكاتسيالىق ورتالىقتا وتكەن بريفينگتە شىمكەنت قالاسى اكىمىنىڭ ورىنباسارى ماقسۇت يساحوۆ ايتتى. 

-بەكىتىلگەن قاۋلىعا سايكەس, قالادا جاياۋ جۇرگىنشىلەرگە جانە كولىك قۇرالدارىنا انىقتاما ارقىلى عانا جۇرۋگە رۇقسات ەتىلگەن بولاتىن. الايدا اتالعان جاعداي بويىنشا, قالادا جالعان انىقتاما ارقىلى جۇرگەندەر كوبەيگەن, بۇل پوليتسيا قىزمەتكەرلەرىنىڭ تەكسەرىسىنىڭ ناتيجەسىندە انىقتالىپ وتىر. سول  سەبەپتى, قالادا قاعاز جۇزىندە بەرىلگەن انىقتامانى پايدالانۋ توقتاتىلدى. وسى ورايدا تاجىريبەلى كومپانيامەن كەلىسسوز جۇرگىزىلىپ, كاسىپكەرلەر مەن قالا تۇرعىندارىنا ارنالعان Shym-karantin.kz ۆەب-سايتى ىسكە قوسىلدى, - دەدى قالا اكىمىنىڭ ورىنباسارى. 

 

بانك بولىمشەلەرىندە ءتارتىپ قاتاڭ باقىلاۋدا

قالا اۋماعىنداعى «حالىق بانك», «كاسپي بانك» جانە «قازپوچتا» فيليالدارىنداعى جاعداي قالىپتى. قازىر بولىمشەلەردەن كەلۋشىلەرگە ارنالعان كۇتۋ ورىندارى دايىندالعان. 

ماسەلەن, تەمىرلان تاس جولى بويىنداعى "حالىق بانك" بولىمشەسى الدىنان كۇتۋشىلەرگە 50 ورىندىق قويىلدى. وندا ساقتىق شارالارى ساقتالىپ, كۇتۋشىلەر اراسىندا اراقاشىقتىق ساقتالعان.

ال, ا.اسقاروۆ كوشەسىندەگى بانك بولىمشەسىندە ادام كوپ بولۋىنا بايلانىستى, كليەنتتەر كولىكپەن د.قوناەۆ كوشەسىندەگى فيليالعا جەتكىزىلدى.

توتەنشە جاعدايعا بايلانىستى پاندەميانىڭ الدىن الۋ جۇمىستارى ارنايى بەكىتىلگەن كەستە بويىنشا اتقارىلۋدا.

 

شىمكەنتتە 1 ميلليون بەتپەردە تاراتىلۋدا

شىمكەنت قالاسىنا كوروناۆيرۋسقا بايلانىستى «Birgemiz» قوعامدىق قورىنان كەلگەن 1 ميلليون بەتپەردە حالىقتىڭ ءالسىز توپتارىنا كىرەتىن وتباسىلارعا تەگىن تاراتىلۋدا.

يگى شارانى جۇزەگە اسىرۋ ءۇشىن اتالعان قوردىڭ قامقورشىلىق كەڭەسى «سق-فارماتسيا» ۇكىمەتتىك وپەراتورىمەن نۇر-سۇلتان, الماتى جانە شىمكەنت قالالارى تۇرعىندارىنىڭ ءالسىز توپتارىنا مەديتسينالىق بەتپەردەنى تەگىن تاراتۋ ءۇشىن 5 ميلليون ماسكا ساتىپ الۋ تۋرالى شارتقا قول قويعان بولاتىن.

«Nur Otan» پارتياسى شىمكەنت قالالىق فيليالى وكىلدەرى قايناربۇلاق, ساۋلە, قوشقاراتا, تەكەسۋ ەلدى مەكەندەرى جانە تەرەشكوۆا كوشەسىن ارالاپ, از قامتىلعان وتباسىلارعا تەگىن مەديتسينالىق بەتپەردەلەر تاراتتى. سونىمەن قاتار, كوكساي 2, كوكساي 3, جاستار 1, جاستار 2 تۇرعىن الاپتارى مەن تەمىرجول وتكەلى تۇرعىندارىنا دا ماسكالار ۇلەستىرىلدى.

جالپى قالا بويىنشا پارتيا بەلسەندىلەرى, «جاس وتان» جاستار قاناتى مۇشەلەرى جانە ەرىكتىلەر تاراپىنان قازىرگە دەيىن 870 مىڭ بەتپەردە ۇلەستىرىلدى. جوسپار بويىنشا ەندى قالعان بەتپەردەلەر شاھاردىڭ وزگە دە شاعىناۋدان تۇرعىندارىنا تاراتىلاتىن بولادى.

 

42 500 تەڭگە: 228 813 ازامات الەۋمەتتىك تولەم الدى

شىمكەنت قالاسى بويىنشا توتەنشە جاعداي كەزىندە الەۋمەتتىك تولەمدى الۋ ءۇشىن ارنايى پورتال, سايتتاردان 471 971 ادامنان وتىنىشتەر تۇسكەن, ونىڭ ىشىندە 228 223 ادامعا  الەۋمەتتىك تولەم تاعايىندالعان. 216 379 ادامنىڭ وتىنىشتەرى تاعايىندالۋعا جاتپايتىندىعى انىقتالىپ كەرى قايتارىلعان. 

الەۋمەتتىك تولەم تاعايىندالعان 228 223 ادامنىڭ 215 674 ادامى وتىنىشتەر بويىنشا, 12 549 ادام پرواكتيۆتى تۇردە تاعايىندالىپ, 208 813 ادامىنا 42 500 تەڭگەدەن الەۋمەتتىك تولەم تولەنگەن.

 

كەپىلدەندىرىلگەن الەۋمەتتىك كومەك بەرىلۋدە

شىمكەنت قالاسى, ەڭبەكشى اۋدانى بويىنشا از قامتىلعان وتباسىلارعا «Magnum» ساۋدا جەلىسى ارقىلى كەپىلدەندىرىلگەن الەۋمەتتىك كومەك تاراتىلۋدا. اتاۋلى الەۋمەتتىك كومەك الاتىن تۇرعىندار جاردەماقىدان بولەك مەملەكەت تاراپىنان ازىق-ت ۇلىكتەر مەن  گيگيەنالىق زاتتار جيىنتىعىن تەگىن الۋدا. اۋدان اكىمى عالىمجان يلياسوۆتىڭ ايتۋىنشا, 301 مىڭ تۇرعىنى بار ەڭبەكشى اۋدانىندا 62 مىڭنان استام وتباسى 20 شاعىناۋدان مەن 16 تۇرعىن الابىندا تۇرادى.

–وسىلاردىڭ اراسىنان 2368 وتباسى كەپىلدەندىرىلگەن الەۋمەتتىك كومەككە قول جەتكىزە الادى. بۇگىنگى دەيىن اتالعان پاكەتتىڭ مىڭعا جۋىعى تاراتىلدى, - دەيدى ع.مولداباي ۇلى.

كارانتين تالاپتارىن قاتاڭ ساقتاعان جاۋاپتىلار قاجەتتى شەكتەۋ شارالارىن ەسكەرىپ, ارنايى كەزەكشىلىك ۇيىمداستىرىپ, ساۋدا جەلىسىنە كەلۋشىلەردىڭ جاعدايىن ءجىتى باقىلاۋعا العان.

ايتا كەتەيىك, كەپىلدەندىرىلگەن الەۋمەتتىك كومەكتى اتاۋلى الەۋمەتتىك كومەك الاتىن تۇرعىندار «Magnum» ساۋدا جەلىسىنەن الادى. ال تيەسىلى ازىق-ت ۇلىك كومەگىنە كەزەك كۇتپەي قول جەتكىزگىسى كەلەتىندەر ساۋدا جەلىسىنىڭ سايتىنا كىرىپ, جەكە سايكەستەندىرۋ ءنومىرىن (جسن) ەنگىزۋ ارقىلى جيىنتىقتى اتالعان ساۋدا جەلىسىنىڭ كەز كەلگەن نۇكتەسىنەن الۋىنا بولادى.  

 

#BIZBIRGEMIZ: 1900-دەن استام وتباسىعا كومەك كورسەتىلدى

ەلباسى, «Nur وtan» پارتياسى توراعاسى ن.ءا.نازارباەۆتىڭ ۇندەۋىنە وراي ەلىمىزدە باستاۋ العان ء«بىز بىرگەمىز!» رەسپۋبليكالىق اكتسياسى اياسىندا  شىمكەنتتە جاردەمگە اسا مۇقتاج 1900-دەن استام وتباسىعا سانيتارلىق قورعانۋ جيىنتىقتارى جانە ءبىرىنشى كەزەكتە قاجەتتى ونىمدەر مەن ازىق-ت ۇلىك تاپسىرىلدى. يگى ىسكە "Nur وtan" پارتياسى بەلسەندىلەرى, «Jas Otan» جاستار قاناتىنىڭ وكىلدەرى مەن ەرىكتىلەر اتسالىستى.

اكتسيا اياسىندا "Nur Otan" پارتياسىنىڭ بەلسەندى مۇشەسى, «ورداباسى» يندۋستريالدى ايماقتىڭ ديرەكتورى رىسبەك بەرتاەۆ شىمكەنتتەگى 200 از قامتىلعان وتباسىعا كومەك كورسەتتى. سونداي-اق قالاداعى 1 مامىر كوشەسى 22/2 مەكەنجايى بويىنشا ورنالاسقان بەيىمدەۋ ورتالىعاندا 50 قانداستار وتباسىنا ازىق-ت ۇلىك جيىنتىقتارى مەن گيگيەنالىق زاتتار تابىستالدى.

سونىمەن قاتار, ەرىكتىلەر ساقتانۋ شارالارىن ۇستانا وتىرىپ, «بايلانىسسىز» تاسىلمەن سانيتارلىق قورعانۋ جيىنتىقتارى جانە ءبىرىنشى كەزەكتە قاجەتتى ونىمدەر مەن ازىق-ت ۇلىكتى 150 جاعدايى ناشار جەتىم بالالاردىڭ وتباسىنا جەتكىزدى.

 

جۇك كولىكتەرىنىڭ قالاعا كىرىپ-شىعۋىنا كەدەرگى جوق

بۇل تۋرالى اقپاراتتىق-كوممۋنيكاتسيالىق ورتالىقتا وتكەن بريفينگتە شىمكەنت قالاسى اكىمىنىڭ ورىنباسارى ماقسۇت يساحوۆ ءمالىم ەتتى. 

ماقسۇت پەرنەباي ۇلىنىڭ ايتۋىنشا, شىمكەنت قالاسىنىڭ باس مەملەكەتتىك سانيتاريالىق دارىگەرىنىڭ قاۋلىسىنا سايكەس, جۇك كولىكتەرىنىڭ قالاعا كىرىپ-شىعۋدىڭ ارنايى ەرەجەسى بار. قالا كىرەبەرىستەرىندەگى بارلىق بەكەتتەردە «جاسىل ءدالىز» ۇيىمداستىرىلعان. ول جەردەن تىرشىلىكتى قامتاماسىز ەتەتىن كولىكتەر, ازىق-ت ۇلىك تاسىمالداۋشى ماشينالار مەن ترانزيتتىك جۇك كولىكتەرى, سونداي-اق, باسقا دا ارنايى تەحنيكالار كەدەرگىسىز وتەدى.

-شىمكەنت قالاسىنىڭ اۋماعىندا توتەنشە جاعدايدىڭ ەنگىزىلۋىنە بايلانىستى جۇك ترانزيتتىك اۆتوموبيلدەرىن, سونداي-اق قالا مۇقتاجى ءۇشىن ازىق-ت ۇلىك تاۋارلارىن تاسىمالدايتىن جۇك اۆتوموبيلدەرىنە رۇقسات بەرىلگەن. دەگەنمەن, جەڭىل كولىكپەن كىرۋگە بولمايدى. كارانتين تالاپتارىن ورىنداپ, بازاعا ەنگىزىلگەن كاسىپ يەلەرى از ەمەس. ەگەر, شارۋا قوجالىقتارىنا, جىلىجايلارعا قاجەتتى زاتتار الۋ ءۇشىن قالادان شىققان جاعدايدا, قايتا كىرۋگە تەك جۇك كولىگىنە عانا رۇقسات بەرىلەدى, - دەدى قالا اكىمىنىڭ ورىنباسارى.

ەرەجەگە سايكەس, ازىق-ت ۇلىك تاۋارلارىن جۇك كولىگىمەن تاسىمالداۋ: تەك جۇك كولىگى; كولىك قۇرالدارىن تيەگەن نەمەسە بوس; جۇرگىزۋشى جانە ەكى جولاۋشىدان ارتىق بولماۋى ءتيىس. ماسەلەن, ولار قۇرىلىس ماتەريالدارىن, جانار-جاعار ماي, تۇقىم, كوشەتتەر, اۋىل شارۋاشىلىعىنا قاجەتتى تىڭايتقىشتاردى تاسىمالداۋى مۇمكىن. بۇل رەتتە جۇك كولىكتەرىنىڭ قالادان شىعۋىنا كەدەرگى جوق. 

ساۋدا ورىندارىنا دەزينفەكتسيالىق وتكەلدەر ورناتىلۋدا

قالا تۇرعىندارىنىڭ قاۋىپسىزدىگىن قامتاماسىز ەتۋ ءۇشىن شىمكەنتتە دەزينفەكتسيالىق وتكەلدەر ورناتىلا باستادى.

مۇنداي قوندىرعى قازىبەك (دۋلاتي كوشەسى بويىنداعى) ازىق-ت ۇلىك بازارىنىڭ كىرەبەرىسىنە ورناتىلدى. جاقىن كۇندەرى دەزينفەكتسيالىق وتكەلدەر «اكبار», «جابىق بازار» سەكىلدى ءىرى ساۋدا ورىندارىنا دا قويىلاتىن بولادى.

وسى رەتتە قالا اكىمدىگى بارلىق كاسىپكەرلەردى ساتىپ الۋشىلاردىڭ قاۋىپسىزدىگىن قامتاماسىز ەتۋ ماقساتىندا ءوز نىساندارىندا وسىنداي زالالسىزداندىرۋ قوندىرعىلارىن ورناتۋعا شاقىرادى. بۇل تۇرعىندار اراسىندا قاۋىپتى ىندەتتىڭ تارالۋىنىڭ الدىن الۋداعى شارالاردىڭ ءبىرى. 

بۇگىنگە دەيىن قالاداعى 4 اۋداندا زالالسىزداندىرۋ جۇمىستارى قارقىندى جۇرۋدە. شىمكەنتتە بۇل باعىتتاعى ءىس-شارالار كارانتين اياقتالعانشا جۇيەلى جالعاسادى. دەزينفەكتسيالاۋ قالا كوشەلەرىندە, كوپقاباتتى ۇيلەردە, اۋلالاردا جانە جاياۋ جۇرگىنشىلەر جولدارى مەن ايالدامالار سىندى قوعامدىق ورىنداردا اتقارىلۋدا.

كوروناۆيرۋستان 9 ادام ساۋىعىپ, ۇيىنە شىعارىلدى

شىمكەنتتە كوروناۆيرۋسقا شالدىققان ءبىر وتباسىدان 9 ازامات ساۋىعىپ, ۇيىنە شىعارىلدى. دەرتىنەن ساۋىققاندار - 2 بالا, ولاردىڭ بىرەۋى - 1 جاسقا دەيىنگى بالا, جەتەۋى - ەرەسەك. اۋرۋحانادان شىعارىلعان پاتسيەنتتەردىڭ زەرتحانالىق زەرتتەۋلەرى تەرىس ناتيجە كورسەتتى, دەنساۋلىق جاعدايلارى جاقسارعان.                                    

ايتا كەتەيىك, اۋرۋىنان ساۋىعىپ شىققان ناۋقاستار مەديتسينالىق قىزمەتكەرلەردىڭ ۋاقىتىلى كومەك كورسەتۋىنىڭ ارقاسىندا ەمدەلدى. وسىعان بايلانىستى شىمكەنتتە كارانتين 3 وشاقتان الىندى. ولار: تايمانوۆ كوشەسى, تورەقۇلوۆ كوشەسى جانە ماقتالى كوشەسى.

 

شىمكەنت