مىنە, دۇنيەجۇزىلىك تسيرك كۇنى دە كەلىپ جەتتى. كاسىپقوي تسيرك ارتيستەرى ءۇشىن بۇل مەرەكەنىڭ ورنى بولەك. قاتەلەسۋدى كەشىرمەيتىن ونەردىڭ دارا ءتۇرى تسيرك مايتالماندارىنىڭ تاعدىرى دەسەك تە بولعانداي.
بيىلعى بۇكىلالەمدىك تسيرك ونەرىنىڭ ءتول مەرەكەسى قازاق تسيركىنىڭ تۇساۋىن كەسكەن مەرەيتويىمەندە ورايلاس. بيىل قازاق مەملەكەتتىك تسيركى ءوزىنىڭ جارتى عاسىرلىق شەجىرەسىن تاريحتىڭ ەنشىسىنە بەردى.
سونىمەن ءساۋىردىڭ ءۇشىنشى اپتاسى دۇنيەجۇزىلىك تسيرك كۇنى بولىپ بەكىتىلىپ, سوناۋ 2009 جىلدان بەرى دۇنيەجۇزىندەگى تسيرك قىزمەتكەرلەرى ءبىراۋىزدان كاسىبي مەرەكەنى ءارتۇرلى شارالارمەن اتاپ ءوتىپ, ءبىر ءبىرىن قۇتتىقتاپ جاتادى. وكىنىشكە وراي بيىلعى جىلى كوپ مەملەكەتتەر كارانتيندىك جاعدايدا وسى مەرەكەنى ءتۇرلى چەلەندجدەرمەن قاشىقتىقان اتاپ وتۋدە.
تسيرك ونەرى حالىقارالىق ونەر سوندىقتان دا ونىڭ اياسى وتە ۇلكەن جانە ەڭ ءبىر قىزىعى جەر الەمدەگى تسيرك ارتيستەرى ءبىرىن ءبىرى تانيدى. ونداي تانىستىق باسقا ونەر سالاسىندا كەزدەسە بەرمەيدى. سەبەبى قاۋپى مەن قاتەرى مول ونەرگە ناعىز فاناتتار مەن تاۋەكەلگە بەل بۋعان ناعىز جانكەشتى ەڭبەكقور ادام عانا كەلىپ سونىڭ بار قيامەتىنە شىداپ, كۇشتىلىكپەن سامداعايلىققا تۋعاننان بەيىمى بار دارا ادامدار عانا تسيرك ءارتيسى بولا الادى.
– وسى اتالعان كاسىبي مەرەكەمىزدە بيىلعى جىلى كۇتپەگەن ۇلكەن تاماشا جاڭالىق بولدى!
كاسىبي مەرەكەمىزبەن قازاقستانداعى تسيرك ماماندارىن مادەنيەت جانە سپورت ءمينيسترى اقتوتى راحماتوللاقىزى رايىمقۇلوۆانىڭ ءوزى قۇتتىقتاپ جىلى لەبىزىمەن تسيرك ارتيستەرى مەن ماماندارىنىڭ كوڭىلىن كوتەرىپ كىشىپەيىلدىلىگى مەن پاراساتتىلىعىن كورسەتتى. بۇرىن-سوڭدى مۇنداي كاسىبي مەرەكەمەن بىردە ءبىر جوعارى لاۋازىمدى قىزمەتكەر قۇتتىقتاماق تۇگىل ويىنا دا الماعان بولۋى كەرەك.
بۇل قۇتتىقتاۋ ءبىزدىڭ قازاق مەملەكەتتىك تسيركى ءۇشىن وتە ماڭىزدى, سەبەبى بيىلعى جىل تسيرك ونەرىنىڭ قاراشاڭىراعىنا 50 جىل تولىپ وتىر. وسىعان وراي جارتىعاسىرلىق تاريحى بار قازاق تسيركى جايلى «قازاقستانداعى تسيرك ونەرىنىڭ باستاۋلارى مەن دامۋى» اتتى العاشقى مونوگرافيالىق كىتاپ جازىلىپ كوپشىلىككە جەتكىزىلدى.كوپ ادامداردىڭ تۇسىنىگىندە تسيرك ونەرى قازاق دالاسىنا كەنجەلەپ كەلگەن دەگەن قاتە پىكىر قالىپتاسقان. ول مۇلدەم دۇرىس ەمەس ادام بالاسىنىڭ ىشىندە اتتى العاش رەت قولعا ۇيرەتكەن اتامىز قازاقتىڭ كۇندەلىكتى تىرشىلىگىمەن ويىن ساۋىقتاعى قولدانعان ارەكەتتەرىنىڭ ءبىرازى تسيرك مانەجىندە تريۋككە اينالىپ وتىر. سوندىقتان تسيرك ونەرىن بولە قاراۋعا بولمايتىنىن مينيستر حانىم ەسىمىزگە سالعانداي.
قۇرمەتتى كوپشىلىك, بايقاساڭىزدار بۇگىنگى تاڭدا مادەنيەت مينيسترلىگىنىڭ باستامالارىمەن تالاي جاقسى شارالار ۇيىمداستىرىلىپ وتىرعانىن كورۋگە بولادى, ايتپەسە بۇرىن باسىنان قيقۋ كەتپەگەن مينيسترلىك بۇگىنگى تاڭدا جۇيەلى جۇمىستارىمەن كوپشىلىكتىڭ كوڭىلىنەن شىعىپ وتىر دەگەن ويدامىن. سەبەبى ءوز ءىسىنىڭ ماماندارى مينيستر, ۆيتسە-مينيستر مىرزا دا تازا ونەر ادامدارى جانە بار ءمان-جايدى ىشىنەن بىلەتىن اككى قىزمەتكەرلەر. قازاق «تىشقان سويسادا قاساپشى سويسىن» دەيدى. كەز كەلگەن سالادا وسىنداي ءوز ءىسىنىڭ ماماندارى وتىرسا قيا باسىپ قاتەلەسپەيتىنىمىزگە كامىل سەنەم. ارينە, كورمەس تۇيەنى دە كورمەس دەگەن, تىرناق استىنان كىر ىزدەپ اناۋ بىلاي بولمادى, مىناۋ بىلاي بولمادى دەپ كەر تارتىپ وتىرساق وندا ەل بولۋىمىزعا نۇقسان كەلتىرەمىز. وسىنداي كەز كەلگەن جاقسى دۇنيەنى دارىپتەپ وتىرساق ءبىز وسىنداي جاقسى پيعىلمەن جاستاردى تاربيەلەيمىز.
قازىر جاستارعا وبال بولۋدا, ولار جاقسى مەن جاماندى اجىراتۋدان قالىپ بارادى, ويتكەنى قاي جەردە بولماسىن بىرەۋدى بىرەۋ قارالاۋ, جامانداۋ, سوندا ءبىزىدىڭ جاقسىلارىمىز قايسى, ءبىز ءبىر سونداي مەشەۋ ۇلت ەمەسپىز عوي. سوندىقتان دا وسىنداي جاقسى دۇنيەلەردى كوبىرەك ايتساق مىنا بۇگىنگى تاڭدا ەلىمىزدە بەلەڭ الىپ وتىرعان ىندەت جاعدايىندا كوڭىلدەرى ءتۇسىپ كۇماندى بولىپ وتىرعان حالىقتىڭ كوڭىلى كوتەرىلىپ ەرتەڭىنەن جاقسى ءۇمىت كۇتۋىنە سەبەپكەر بولايىق. بۇل سىناقتاندا وتەرمىز, ءبىز ءبىر اللا دەگەن ەلمىز عوي, قاشاندا قۇداي دەگەن ەلدىڭ وزاتىنىن ەسكە الساق ءبىز بارىمىزعا شۇكىر, جوعىمىزعا تاۋبە دەپ, شىدامدىلىق پەن توزىمدىلىك كورسەتۋز ازاماتتىق پارىزىمىز, اۋىزبىرشىلىكتە بولىپ ءبىر بىرىمىزگە ءىلتيپاتتى بولايىق. قازاقتا ءبىر سوزگە, جۇيەگە كونۋ دەگەن بار سوعان بىرىگىپ ەل باستاپ وتىرعان ازاماتتارعا ارقا سۇيەيىك. ەلىمىز امان جۇرتىمىز تىنىش بولسىن اعايىن! – دەيدى الماتىداعى قازاق مەملەكەتتىك تسيركىنىڭ ديرەكتورى نۇرباقىت بوكەباەۆ