نۇر-سۇلتان قالاسى اكىمدىگىنىڭ قۋىرشاق تەاترى ەلدەگى توتەنشە جاعداي كەزىندە دە ءوز كورەرمەندەرىن ۇمىتقان جوق. تاربيەسى مول ءتۇرلى قويىلىمدارىمەن بالدىرعانداردى باقىتقا بولەپ جۇرگەن ونەر ۇجىمى كۇن سايىن ساعات 16.00-دە «قولدان قالاي قۋىرشاق جاساۋعا بولادى؟» اتتى شەبەرلىك ساعاتىن, 17.00-دە ونلاين سۇحبات, 22.00-دە تۇنگى ەرتەگىلەر ايدارىن وتكىزىپ, ساف ونەردى سۇيەتىن قاۋىمعا شاتتىق سىيلاپ كەلەدى. سونداي-اق, دوستىقتى, ەرلىكتى, ادالدىقتى, ادامگەرشىلىكتى دارىپتەيتىن ەرتەگىلەردىڭ اۋديو جازباسىن جانە تەاتردىڭ YouTube ارناسىندا ءارتۇرلى سپەكتاكلدەردى جۇرت نازارىنا ۇسىنىپ ءجۇر.
سونىمەن قاتار ەلوردالىق قۋىرشاق تەاترى, كارانتين كەزىندە «ەگەمەن قازاقستان» گازەتىمەن بىرلەسە «بالالارعا بازارلىق» (ەرتەكشى قۋىرشاق تەاترىنىڭ بەلدى اكتريساسى سالتانات ماعزىم) اتتى جوباسىن قولعا الدى. اتالمىش جوبا ناتيجەسىندە, كەشكى ساعات 19.00-دە Egementv YouTube ارناسىندا كىشكەنتاي كورەرمەندەرىمىزگە قازاق حالقىنىڭ ەرتەگىلەرىن تىڭداۋعا تاعى ءبىر مۇمكىندىك تۋدى.
وسى ۋاقىتقا دەيىن نۇر-سۇلتان قالاسى قۋىرشاق تەاترى قازاقستاننىڭ ەڭبەك سىڭىرگەن ءارتىسى, قازاق قۋىرشاق تەاترىنىڭ تۇڭعىش كاسىبي رەجيسسەرى قۇرالاي ەشمۇراتوۆامەن, قازاقستاننىڭ ەڭبەك سىڭىرگەن قايراتكەرى, اكتەر عاني قۇلجانوۆپەن, تەاتر ارتىستەرى «مادەنيەت سالاسىنىڭ ۇزدىگى» سالتانات ماعزىممەن, دارحان مۇسىلىموۆپەن, نۇرجان احمەتوۆپەن, ايجان سادىقوۆامەن, دامير ۋتەەۆپەن, قارلىعاش تاناباەۆامەن, ءابىلحايىر سالىمباەۆپەن, رەجيسسەر ايجان سالاەۆامەن, ادەبيەت ءبولىمىنىڭ مەڭگەرۋشىسى قۋات ەجەمبەكپەن سۇبەلى سۇحبات وتكىزە ءبىلدى. جانە توتەنشە جاعداي كەزىندە ء«بىز بىرگەمىز» اكتسياسىن قولداپ, تەاتر باسشىلىعى, اكىمشىلىگى جانە جالپى قىزمەتكەرلەرى قولدان 950 بەتپەردە تىگىپ, ونى مۇقتاج جاندارعا, ارداگەرلەرگە, زەينەتكەرلەرگە تەگىن تاراتتى.
– بالا تاربيەسىنىڭ بەسىگى سانالاتىن قۋىرشاق تەاترى قاشاندا قالىڭ جۇرتىمەن بىرگە. تەاتردىڭ باستى ماقساتى – سىن ساعاتتا قول ۇشىن سوزىپ, كوپشىلىككە ۇلگى بولۋ. ويتكەنى, بالالار قۋىرشاق تەاترىنان ونەگە الىپ, بوي تۇزەيدى», – دەيدى تەاتردىڭ كوركەمدىك جەتەكشىسى, قازاقستاننىڭ ەڭبەك سىڭىرگەن ءارتىسى قۇرالاي ەشمۇراتوۆا.